RCB : ಕಿಂಗ್‌‌ ಕೊಹ್ಲಿ ದಾಖಲೆ ಮುರಿದ RCBಯ ಆ ಒಂದು ಪೋಸ್ಟ್‌..!

WPL 2024 RCB : ಈ ಸಲ ಕಪ್‌ ನಮ್ದೆ ಎನ್ನುವ ಆಸೆಯನ್ನು WPL RCB ಮಹಿಳಾ ತಂಡ ಪೂರೈಸಿದೆ. ಸ್ಮೃತಿ ಮಂದಾನ ನಾಯಕತ್ವದ ತಂಡ ಕೊನೆಗೂ ಕಪ್‌ ಎತ್ತಿ ಹಿಡಿದಿದೆ. ಈ ಮೂಲಕ 16 ವರ್ಷಗಳ ಕಾಯುವಿಕೆಗೆ ಆರ್‌ಸಿಬಿ ವನಿತೆಯರ ತಂಡ ಅಂತ್ಯ ಹಾಡಿದೆ. ಅಲ್ಲದೆ, ಈ ಮೂಲಕ ವಿರಾಟ್‌ ಕೊಹ್ಲಿ ದಾಖಲೆ ಒಂದನ್ನು ಆರ್‌ಸಿಬಿ ಮುರಿದಿದೆ.

ಹೌದು.. ನಿನ್ನೆ ನಡೆದ WPL ಫೈನಲ್‌ನಲ್ಲಿ ಆರ್‌ಸಿಬಿ ಡೆಲ್ಲಿ ವಿರುದ್ಧ ಗೆದ್ದು ಇತಿಹಾಸ ಸೃಷ್ಟಿಸಿದೆ. ಸ್ಮೃತಿ ಮಂದಾನ ಕ್ಯಾಪ್ಟನ್‌ಶಿಪ್‌‌ನಲ್ಲಿ ತಂಡ ಫಸ್ಟ್ ಟೈಮ್‌ ಕಪ್‌ ಎತ್ತಿ ಹಿಡಿದಿದೆ. ಈ ಮೂಲಕ ಈ ಸಲ ಕಪ್‌ ನಮ್ದೆ  ಅನ್ನೋ ಸ್ಲೋಗನ್‌‌ನ ಈ ಸಲ ಕಪ್‌‌ ನಮ್ದು ಬದಲಾಯಿಸಿದೆ.

ಇದನ್ನೂ ಓದಿ:Smriti Mandhana: ಆರ್ಸಿಬಿ ಟ್ರೋಫಿ ಗೆಲ್ಲುತ್ತಿದ್ದಂತೆ ಬಾಯ್ಫ್ರೆಂಡ್ ಜೊತೆಗಿರುವ ಸ್ಮೃತಿ ಮಂಧಾನ ಫೋಟೋ ವೈರಲ್...!

ಇನ್ನು ಆರ್​ಸಿಬಿ ತಮ್ಮ ಅಧಿಕೃತ ಇನ್​ಸ್ಟಾಗ್ರಾಮ್​ ಖಾತೆಯಲ್ಲಿ ಹಂಚಿಕೊಂಡ ಗೆಲುವಿನ ಪೋಸ್ಟ್​ ವಿರಾಟ್‌ ಕೊಹ್ಲಿ ದಾಖಲೆಯನ್ನು ಮುರಿದಿದೆ. ಈ ಪೋಸ್ಟ್‌ ಅತೀ ಕಡಿಮೆ ಅವಧಿಯಲ್ಲಿ 1 ಮಿಲಿಯನ್ ಲೈಕ್ಸ್ ಪಡೆದುಕೊಂಡಿದೆ. ಇದರೊಂದಿಗೆ ಭಾರತದಲ್ಲಿ ಅತೀ ಕಡಿಮೆ ಸಮಯದಲ್ಲಿ 10 ಲಕ್ಷ ಲೈಕ್ಸ್ ಪಡೆದುಕೊಂಡಿದೆ..

ಈ ದಾಖಲೆ ವಿರಾಟ್ ಕೊಹ್ಲಿಯ ಹೆಸರಿನಲ್ಲಿತ್ತು. ಫೆಬ್ರವರಿ 20 ರಂದು 2ನೇ ಮಗುವಿನ ಆಗಮನದ ಸುದ್ದಿಯನ್ನು ಕೊಹ್ಲಿ ತಮ್ಮ ಇನ್​ಸ್ಟಾಗ್ರಾಮ್ ಖಾತೆಯಲ್ಲಿ ಹಂಚಿಕೊಂಡಿದ್ದರು. ಈ ಪೋಸ್ಟ್ ಕೇವಲ 10 ನಿಮಿಷಗಳಲ್ಲಿ 10 ಲಕ್ಷ ಲೈಕ್ಸ್ ಪಡೆದುಕೊಂಡಿತ್ತು. ಇದೀಗ ಈ ದಾಖಲೆಯನ್ನು ಆರ್‌ಸಿಬಿ ಪೋಸ್ಟ್‌ ಮುರಿದಿದೆ.