RCB vs SRH:‌ ಆರ್‌ಸಿಬಿ ಭರ್ಜರಿ ಬ್ಯಾಟಿಂಗ್‌ಗೆ ಮುಗ್ಗರಿಸಿದ ಹೈದರಾಬಾದ್!! ಕೊನೆಗೂ ಗೆದ್ದು ಬೀಗಿದ ರಾಯಲ್ ಚಾಲೆಂಜರ್ಸ್!

royal challengers bengaluru: ಐಪಿಎಲ್ 2024 ರ, ಪಂದ್ಯಾವಳಿಯ 41 ನೇ ಪಂದ್ಯವು ಸನ್ ರೈಸರ್ಸ್ ಹೈದರಾಬಾದ್ ಮತ್ತು ರಾಯಲ್ ಚಾಲೆಂಜರ್ಸ್ ಬೆಂಗಳೂರು ನಡುವೆ ನಡೆಯಿತು. ಹೈದರಾಬಾದ್‌ನ ರಾಜೀವ್ ಗಾಂಧಿ ಅಂತರಾಷ್ಟ್ರೀಯ ಕ್ರೀಡಾಂಗಣದಲ್ಲಿ ಉಭಯ ತಂಡಗಳ ನಡುವಿನ ಈ ಹಣಾಹಣಿ ಪಂದ್ಯದಲ್ಲಿ ಆರ್‌ಸಿಬಿ 35 ರನ್‌ಗಳಿಂದ ಎಸ್‌ಆರ್‌ಎಚ್ ವಿರುದ್ಧ ಜಯ ಸಾಧಿಸಿದೆ.

ಇದನ್ನೂ ಓದಿ-Sachin Tendulkar: ಪ್ರತಿ ತಿಂಗಳೂ ಲಕ್ಷಗಟ್ಟಲೇ ಆದಾಯ.. ಸಚಿನ್ ತೆಂಡೂಲ್ಕರ್ ಎಷ್ಟು ಸಾವಿರ ಕೋಟಿ ಆಸ್ತಿಗೆ ಒಡೆಯ ಗೊತ್ತಾ?

ಈ ಪಂದ್ಯಲ್ಲಿ ಟಾಸ್‌ ಗೆದ್ದ ಆರ್​​ಸಿಬಿ ಕ್ಯಾಪ್ಟನ್‌ ಫಾಫ್​ ಡುಪ್ಲೇಸಿಸ್ ಬ್ಯಾಟಿಂಗ್‌ ಆಯ್ಕೆ ಮಾಡಿಕೊಂಡರು.. ನಂತರ ರಜತ್‌ ಪಾಟಿದಾರ್‌ ಹಾಗೂ ಕ್ಯಾಮರೂನ್ ಅವರ ಭರ್ಜರಿ ಬ್ಯಾಟಿಂಗ್‌ನಿಂದ ನಿಗದಿತ 20 ಓರವ್​ಗೆ ರಾಯಲ್ ಚಾಲೆಂಜರ್ಸ್ ಬೆಂಗಳೂರು 206 ರನ್ ಗಳಿಸಿ ಹೈದರಾಬಾದ್ ಗೆಲುವಿಗೆ 207 ರನ್ ಟಾರ್ಗೆಟ್ ನೀಡಿತು.. ಈ ಸ್ಕೋರ್‌ ಬೆನ್ನತ್ತಿದ ಹೈದರಾಬಾದ್ ತಂಡ 20 ಓವರ್​ಗೆ 8 ವಿಕೆಟ್‌ಗೆ 171 ಗಳಿಸಿ 35 ರನ್‌ಗಳ ಅಂತರದಿಂದ ಮುಗ್ಗರಿಸಿತು..

ರೋಚಕ ಪಂದ್ಯದಲ್ಲಿ RCB ನೀಡಿದ ದೊಡ್ಡ ಟಾರ್ಗೆಟ್‌ನ್ನು ಹಿಂಬಾಲಿಸಿದ  ಹೈದರಾಬಾದ್ ತಂಡಕ್ಕೆ ಆರಂಭದಲ್ಲೇ ದೊಡ್ಡ ಆಘಾತವಾಯಿತು.. ತಂಡದ ಪ್ರಮುಖ ಆಟಗಾರ ಟ್ರಾವಿಸ್ ಹೆಡ್ ಕೇವಲ 1 ರನ್​ ಗಳಿಸಿ ಔಟಾದರು.. ಆದರೆ ಅಡೇನ್​ ಮಾರ್ಕಮ್​ 7 ರನ್, ಅಭಿಷೇಕ್​ ಶರ್ಮಾ 31 ರನ್, ಹೆನ್ರಿಚ್ ಕ್ಲಾಸಿನ್​ 7 ರನ್, ನಿತೀಶ್ ಕುಮಾರ್ ರೆಡ್ಡಿ 13 ರನ್, ಪ್ಯಾಟ್​​ ಕಮೀನ್ಸ್ 31 ರನ್, ಅಬ್ದುಲ್​ ಸಮೀದ್ 10 ರನ್, ಭುವನೇಶ್ವರ್​ ಕುಮಾರ್ 13 ರನ್ ಗಳಿಸಿದರು.. ಈ ಮೂಲಕ ಕಳೆದ ಪಂದ್ಯಗಳಲ್ಲಿ ಅಬ್ಬರದಿಂದ ಆಟವಾಡಿದ್ದ ಹೈದರಾಬಾದ್ ಇಂದು ತನ್ನ ತವರು ಮೈದಾನದಲ್ಲಿಯೇ ಆರ್​​ಸಿಬಿ ವಿರುದ್ಧ ಹೀನಾಯವಾಗಿ ಸೋಲುಂಡಿತು.. 

ಇದನ್ನೂ ಓದಿ-Sachin Tendulkar birthday: 18 ವರ್ಷದ ಸಚಿನ್ ತೆಂಡೂಲ್ಕರ್ 23 ವರ್ಷದ ಅಂಜಲಿಯನ್ನು ಪ್ರೀತಿಸಿದ್ದು ಹೇಗೆ ಗೊತ್ತಾ? ಲವ್ ಸ್ಟೋರಿ ಶುರುವಾಗಿದ್ದು ಎಲ್ಲಿ?

ಕಳೆದ ಪಂದ್ಯದಲ್ಲಿ ಬೆಂಗಳೂರು ತವರು ನೆಲವಾದ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಮುಖಾಮುಖಿಯಾದಾಗ ಹೈದರಾಬಾದ್ ಬ್ಯಾಟ್ಸ್‌ಮನ್‌ಗಳು ಐಪಿಎಲ್ ಇತಿಹಾಸದಲ್ಲೇ ಗರಿಷ್ಠ ಸ್ಕೋರ್ ಗಳಿಸಿ ಇತಿಹಾಸ ನಿರ್ಮಿಸಿದ್ದರು. ಹೈದರಾಬಾದ್ 20 ಓವರ್‌ಗಳಲ್ಲಿ 287 ರನ್‌ಗಳ ಬೃಹತ್ ಸ್ಕೋರ್ ಮಾಡಿತು. ಮತ್ತು RCB ಆಟಗಾರರು ಕೇವಲ 262 ರನ್ ಗಳಿಸಿ ಸೋಲುಂಡಿದ್ದರು.. ಇಂದು ಕೂಡ ಉಭಯ ತಂಡಗಳ ನಡುವಿನ ಹೋರಾಟ ರೋಚಕವಾಗಿರಬಹುದು ಎಂದು ನಿರೀಕ್ಷಿಸಲಾಗಿತ್ತು.. ಆದರೆ, ಬೆಂಗಳೂರು ಭಾರಿ ಮೊತ್ತ ಗಳಿಸಿ ಹೈದರಾಬಾದ್ ಅಭಿಮಾನಿಗಳಿಗೆ ನಿರಾಸೆ ಮೂಡಿಸಿತು.