Viral Video: ಮದುವೆಯಲ್ಲಿ ಪತ್ನಿ ರಿತಿಕಾ ಜೊತೆಗೆ ರೋಹಿತ್ ಶರ್ಮಾ ಜಬರ್ದಸ್ತ್ ಡ್ಯಾನ್ಸ್!

ನವದೆಹಲಿ: ಮದುವೆ ಮನೆಯಲ್ಲಿ ಟೀಂ​ ಇಂಡಿಯಾ ಕ್ಯಾಪ್ಟನ್, ಹಿಟ್‍ಮ್ಯಾನ್ ಖ್ಯಾತಿಯ​​​ ರೋಹಿತ್ ಶರ್ಮಾ ತಮ್ಮ ಪತಿ ರಿತಿಕಾ ಸಜ್ದೇಹ್ ಜೊತೆಗೆ ಜಬರ್ದಸ್ತ್ ಡ್ಯಾನ್ಸ್ ಮಾಡಿದ್ದಾರೆ. ಈ ವಿಡಿಯೋ ಇದೀಗ ಸೋಷಿಯಲ್ ಮೀಡಿಯಾದಲ್ಲಿ ಸಖತ್ ಸೌಂಡ್ ಮಾಡುತ್ತಿದೆ.

ಆಸ್ಟ್ರೇಲಿಯಾ ವಿರುದ್ಧದ ಏಕದಿನ ಪಂದ್ಯಕ್ಕೆ ಅಲಭ್ಯರಾಗಿರುವ ರೋಹಿತ್ ಶರ್ಮಾ ಸಂಬಂಧಿಕರೊಬ್ಬರ ಮದುವೆ ಸಂಭ್ರಮದಲ್ಲಿ ಪಾಲ್ಗೊಂಡಿದ್ದಾರೆ. ಸಂಬಂಧಿಕರ ಮದುವೆಯ ಕಾರಣ ರೋಹಿತ್ ಶರ್ಮಾ ಆಸೀಸ್ ವಿರುದ್ಧದ ಮೊದಲ ಏಕದಿನ ಪಂದ್ಯವನ್ನು ಮಿಸ್​ ಮಾಡಿಕೊಂಡಿದ್ದಾರೆ. ವಿವಾಹ ಸಮಾರಂಭದಲ್ಲಿ ರೋಹಿತ್ ತಮ್ಮ ಪತ್ನಿ ರಿತಿಕಾ ಜೊತೆಗೆ ಭರ್ಜರಿ ನೃತ್ಯ ಮಾಡಿ ಗಮನ ಸೆಳೆದಿದ್ದಾರೆ.

ಇದನ್ನೂ ಓದಿ: WTC ಫೈನಲ್ ತಂಡ ಪ್ರಕಟಕ್ಕೆ ದಿನಗಣನೆ ಶುರು: ಪ್ಲೇಯಿಂಗ್ 11ರಲ್ಲಿ ಈ ಡ್ಯಾಶಿಂಗ್ ಆಟಗಾರನಿಗೆ ಸಿಗುತ್ತಾ ಸ್ಥಾನ!

ಗುರುವಾರ ರಾತ್ರಿ ನಡೆದ ಭಾವನ ವಿವಾಹ ಸಮಾರಂಭದಲ್ಲಿ ರೋಹಿತ್ ಶರ್ಮಾ ಅವರು ಪತ್ನಿ ರಿತಿಕಾ ಜೊತೆ ಸಖತ್ ಆಗಿ​​ ಡ್ಯಾನ್ಸ್ ಮಾಡಿದ್ದಾರೆ. ಹಿಟ್‍ಮ್ಯಾನ್‍ ಡ್ಯಾನ್ಸ್​ಗೆ ಫ್ಯಾನ್ಸ್​ ಫಿದಾ ಆಗಿದ್ದಾರೆ. ಪತ್ನಿ ಜೊತೆಗೆ ಮಸ್ತ್ ಮಸ್ತ್ ಆಗಿ ರೋಹಿತ್ ಸ್ಟೆಪ್ಸ್ ಹಾಕಿದ್ದಾರೆ. ಪತ್ನಿಯ ಡ್ಯಾನ್ಸ್​ ನೋಡಿ ಖುಷಿಪಟ್ಟ ಅವರು ರಿತಿಕಾರ ಮೇಲೆ ಹಣ ಸುರಿಸುವಂತೆ ನೃತ್ಯ ಮಾಡಿದ್ದಾರೆ.

ಆಸ್ಟ್ರೇಲಿಯಾ ವಿರುದ್ಧದ ಏಕದಿನ ಸರಣಿಯ ಮೊದಲ ಪಂದ್ಯವಿಂದು ವಾಂಖೆಡೆ ಸ್ಟೇಡಿಯಂನಲ್ಲಿ ನಡೆಯಲಿದೆ. ರೋಹಿತ್ ಶರ್ಮಾ ಅನುಪಸ್ಥಿತಿಯಲ್ಲಿ ಹಾರ್ದಿಕ್ ಪಾಂಡ್ಯ ನಾಯಕತ್ವ ವಹಿಸಿಕೊಂಡಿದ್ದಾರೆ. ಉಳಿದ 2 ಏಕದಿನ ಪಂದ್ಯಗಳಿಗೆ ರೋಹಿತ್ ಶರ್ಮಾ ತಂಡಕ್ಕೆ ವಾಪಸ್ ಆಗಲಿದ್ದಾರೆ.