Rohit Sharma : ನಾಯಕತ್ವ ಕಳೆದುಕೊಂಡ ರೋಹಿತ್‌ ಶರ್ಮಾ..! ಮುಂಬೈ ಇಂಡಿಯನ್ಸ್‌ ಪರ ಆಡೋದು ಡೌಟ್‌

Rohit Sharma MI captain : ಸದ್ಯ ಕೆಲ ದಿನಗಳ ಹಿಂದೆಯಷ್ಟೇ ಗುಜರಾತ್ ಟೈಟಾನ್ಸ್ ತಂಡದ ನಾಯಕನಾಗಿದ್ದ ಹಾರ್ದಿಕ್ ಪಾಂಡ್ಯರನ್ನು ಮುಂಬೈ ಇಂಡಿಯನ್ಸ್​ ಕ್ಯಾಪ್ಟನ್ ಮಾಡಿದೆ. ಇಂತಹ ಅಚ್ಚರಿಗಳು ಇಲ್ಲಿಗೆ ಮುಗಿಯುವ ಲಕ್ಷಣಗಳು ಕಾಣುತ್ತಿಲ್ಲ. ಏಕೆಂದರೆ ಹಾರ್ದಿಕ್ ಪಾಂಡ್ಯ ನಾಯಕರಾಗಿ ಆಯ್ಕೆಯಾಗುತ್ತಿದ್ದಂತೆ ರೋಹಿತ್‌ ಶರ್ಮಾ  ಸೈಡ್​ ಲೈನ್​ ಆಗುತ್ತಾರೆ ಎಂಬ ಮಾತಿದೆ. 

ಮುಂಬೈ ತಂಡ 6 ಬಾರಿ ಚಾಂಪಿಯನ್ ಆಗಲು ಹಿಟ್​ಮ್ಯಾನ್ ಕಾರಣ ಎನ್ನುವುದರಲ್ಲಿ ಯಾವುದೇ ಅನುಮಾನವಿಲ್ಲ.ಸದ್ಯ ಮುಂಬೈ ಇಂಡಿಯನ್ಸ್‌ ನಾಯಕನ ಸ್ಥಾನ ಕಳೆದುಕೊಂಡಿರುವ ರೋಹಿತ್‌ ಖರೀದಿಸಲು ಕೆಲ ಫ್ರಾಂಚೈಸಿಗಳು ತುದಿಗಾಲಲ್ಲಿ ನಿಂತಿವೆ. ಈಗಾಗಲೇ ಡೆಲ್ಲಿ ಕ್ಯಾಪಿಟಲ್ಸ್ ತಂಡವು ರೋಹಿತ್ ಅವರನ್ನು ಟ್ರೇಡ್​ ಮಾಡಿಕೊಳ್ಳಲು ಮುಂಬೈ ಇಂಡಿಯನ್ಸ್​ ಜೊತೆ ಮಾತುಕತೆ ನಡೆಸಿದ್ದರೂ ಸಹ ಅದು ಯಶಸ್ವಿಯಾಗಿಲ್ಲ. 

ಇದನ್ನೂ ಓದಿ:ದ.ಆಫ್ರಿಕಾ ವಿರುದ್ಧ ಭಾರತ ODI ಸರಣಿ ಗೆದ್ದಿದ್ದು ಈತನ ನಾಯಕತ್ವದಲ್ಲಿ ಮಾತ್ರ: ಯಾರು ಗೊತ್ತಾ ಆ ಕ್ಯಾಪ್ಟನ್?

ಕೆಲ ಫ್ರಾಂಚೈಸಿಗಳು ರೋಹಿತ್ ಶರ್ಮಾರನ್ನು ಟ್ರೇಡ್ ಮಾಡಿಕೊಳ್ಳಲು ಪ್ಲ್ಯಾನ್ ರೂಪಿಸುತ್ತಿವೆ. ಐಪಿಎಲ್ ಹರಾಜಿಗೂ ಮುನ್ನ ಆಟಗಾರರನ್ನು ಟ್ರೇಡ್ ಮಾಡಿಕೊಳ್ಳಲು ಡಿಸೆಂಬರ್ 12 ರವರೆಗೆ ನೀಡಿದ್ದ ಗಡುವು ಮುಗಿದಿದೆ. ಆದರೀಗ ಮಿನಿ ಹರಾಜಿನ ಬಳಿಕ ಮತ್ತೆ ಟ್ರೇಡ್ ವಿಂಡೋ ಮತ್ತೆ ಓಪನ್ ಆಗಲಿದೆ. ಅಂದರೆ ಡಿಸೆಂಬರ್ 19 ರಂದು ಹರಾಜು ಪ್ರಕ್ರಿಯೆ ನಡೆಯಲಿದ್ದು, ಡಿಸೆಂಬರ್ 20 ರಂದು ಟ್ರೇಡ್ ವಿಂಡೋ ಮತ್ತೆ ಓಪನ್ ಆಗಲಿದೆ.

ಈ ಮೂಲಕ ಬೇರ ತಂಡದಿಂದ ಆಟಗಾರರನ್ನು ಇನ್ನೊಂದು ತಂಡ ಟ್ರೇಡ್ ಮೂಲಕ ಖರೀದಿಸಬಹುದಾಗಿದೆ. ಸದ್ಯ ಡಿಸೆಂಬರ್‌ 20ರವರೆಗೆ ಕಾದು ರೋಹಿತ್‌ ಶರ್ಮಾರನ್ನು ತಂಡಕ್ಕೆ ಕರೆತರಲು ಕೆಲ ಫ್ರಾಂಚೈಸಿಗಳು ಕಾಯುತ್ತಿವೆ ಎನ್ನಲಾಗಿದೆ. ಅದರಲ್ಲೂ ಡೆಲ್ಲಿ ಕ್ಯಾಪಿಟಲ್ಸ್ ಮತ್ತೊಮ್ಮೆ ರೋಹಿತ್‌ಗಾಗಿ ಪ್ರಯತ್ನ ನಡೆಸುವ ಸಾಧ್ಯತೆ ಇದೆ.  ಇನ್ನೂ ಮುಂಬೈ ಇಂಡಿಯನ್ಸ್‌ ನಾಯಕತ್ವದಿಂದ ಕೆಳಗಿಳಿದಿರುವ ರೋಹಿತ್‌ ಯಾವ ನಿರ್ಧಾರ ತೆಗೆದುಕೊಳ್ಳುತ್ತಾರೆ ಎಂಬುದನ್ನು ಕಾದು ನೋಡಬೇಕಿದೆ.