Rohit Sharma: ಕೇವಲ ಒಂದು ಗೆಲುವು… ಧೋನಿಯ ದಾಖಲೆ ಮುರಿದು ಇತಿಹಾಸ ಸೃಷ್ಟಿಸುವ ಹೊಸ್ತಿಲಲ್ಲಿ ರೋಹಿತ್ ಶರ್ಮಾ

India vs Afghanistan 3rd T20: ಭಾರತ ಕ್ರಿಕೆಟ್ ತಂಡ ಪ್ರಸ್ತುತ ಅಫ್ಘಾನಿಸ್ತಾನ ವಿರುದ್ಧ T20 ಸರಣಿಯನ್ನು ಆಡುತ್ತಿದೆ. ಭಾರತ ಮತ್ತು ಅಫ್ಘಾನಿಸ್ತಾನದ ಆಟಗಾರರು ಸರಣಿಯ ಮೂರನೇ ಮತ್ತು ಅಂತಿಮ ಟಿ20 ಪಂದ್ಯಕ್ಕಾಗಿ ಬೆಂಗಳೂರಿಗೆ ಆಗಮಿಸಿದ್ದಾರೆ. ಈ ಪಂದ್ಯವನ್ನು ಆತಿಥೇಯರು ಗೆದ್ದರೆ, ನಾಯಕ ರೋಹಿತ್ ಶರ್ಮಾ ಒಂದು ವಿಷಯದಲ್ಲಿ ದಂತಕಥೆ ಎಂಎಸ್ ಧೋನಿ ಅವರ ದಾಖಲೆಯನ್ನು ಬ್ರೇಕ್ ಮಾಡಲಿದ್ದಾರೆ. ಅಂದರೆ ಭಾರತಕ್ಕೆ ಅತಿ ಹೆಚ್ಚು ಟಿ20 ಗೆಲುವು ತಂದುಕೊಟ್ಟ ನಾಯಕನಾಗಲಿದ್ದಾರೆ

ಇದನ್ನೂ ಓದಿ: ಈ ಬಾರಿ ಬಿಗ್ ಬಾಸ್ ವಿನ್ನರ್’ಗೆ ಅದೃಷ್ಟವೋ ಅದೃಷ್ಟ! ಗೆದ್ದವರಿಗೆ ಸಿಗುವ ಬಹುಮಾನ ಮೊತ್ತ ಎಷ್ಟು

ಅದ್ಭುತ ಆರಂಭಿಕ ಆಟಗಾರ ರೋಹಿತ್ ಶರ್ಮಾ ಪ್ರಸ್ತುತ ಭಾರತ ಟಿ20 ತಂಡದ ನಾಯಕರಾಗಿದ್ದಾರೆ. ಭಾರತ ತಂಡ ಹೊಸ ವರ್ಷವನ್ನು ಅದ್ಧೂರಿಯಾಗಿ ಆರಂಭಿಸಿದೆ. ಟಿ20 ವಿಶ್ವಕಪ್‌’ಗೆ ಮುನ್ನ ನಡೆದ ತನ್ನ ಕೊನೆಯ ಸರಣಿಯಲ್ಲಿ ಅಫ್ಘಾನಿಸ್ತಾನ ವಿರುದ್ಧ ಭಾರತ 2-0 ಅಂತರದ ಮುನ್ನಡೆ ಕಾಯ್ದುಕೊಂಡಿದೆ.

ಇದನ್ನೂ ಓದಿ: ಅಂದು RCB ಕೈಬಿಟ್ಟಿದ್ದ 24ರ ಹರೆಯದ ಈ ಬ್ಯಾಟ್ಸ್’ಮನ್ ಇಂದು ಟಿ20ಯಲ್ಲಿ ಅಬ್ಬರಿಸಿಯೇಬಿಟ್ಟ!

ಧೋನಿ ದಾಖಲೆಯಿಂದ ಒಂದು ಹೆಜ್ಜೆ ದೂರ

ಅಫ್ಘಾನಿಸ್ತಾನ ವಿರುದ್ಧದ ಟಿ20 ಸರಣಿಯಲ್ಲಿ ರೋಹಿತ್ ಶರ್ಮಾ ಬ್ಯಾಟಿಂಗ್’ನಲ್ಲಿ ಹೇಳಿಕೊಳ್ಳುವಂತಹದ್ದೇನು ಮಾಡಿಲ್ಲ. ಆದರೆ ಅದೊಂದು ವಿಷಯದಲ್ಲಿ ದಂತಕಥೆ ಮಹೇಂದ್ರ ಸಿಂಗ್ ಧೋನಿ ಅವರ ದಾಖಲೆಯನ್ನು ಸರಿಗಟ್ಟುವಲ್ಲಿ ಯಶಸ್ವಿಯಾಗಿದ್ದಾರೆ. ಟಿ20 ಮಾದರಿಯಲ್ಲಿ ಧೋನಿ ದಾಖಲೆಯನ್ನು ಮುರಿಯಲು ರೋಹಿತ್ ಶರ್ಮಾ ಕೇವಲ ಒಂದು ಹೆಜ್ಜೆ ಹಿಂದಿದ್ದಾರೆ. ಇಲ್ಲಿಯವರೆಗೆ ಟಿ20 ನಲ್ಲಿ ಭಾರತಕ್ಕೆ ಅತಿ ಹೆಚ್ಚು ಗೆಲುವುಗಳನ್ನು ಧೋನಿ ತಂದುಕೊಟ್ಟಿದ್ದರು. ಆದರೆ ಎರಡನೇ ಟಿ20 ನಂತರ ರೋಹಿತ್ ಶರ್ಮಾ ಈ ದಾಖಲೆಯನ್ನು ಸರಿಗಟ್ಟಿದ್ದಾರೆ. ಇದೀಗ ಬೆಂಗಳೂರಿನ ಎಂ ಚಿನ್ನಸ್ವಾಮಿ ಸ್ಟೇಡಿಯಂನಲ್ಲಿ ನಡೆಯಲಿರುವ ಅಫ್ಘಾನಿಸ್ತಾನ ವಿರುದ್ಧದ ಸರಣಿಯ ಕೊನೆಯ ಟಿ20ಯಲ್ಲಿ ಗೆಲುವು ದಾಖಲಿಸಿದರೆ, ರೋಹಿತ್ ಹೆಸರಿಗೆ ಈ ದಾಖಲೆ ಸೇರ್ಪಡೆಗೊಳ್ಳಲಿದೆ. ರೋಹಿತ್ ಮತ್ತು ಧೋನಿ ಇದುವರೆಗೆ ಟಿ20 ಕ್ರಿಕೆಟ್‌’ನಲ್ಲಿ ನಾಯಕರಾಗಿ 41-41 ಗೆಲುವು ದಾಖಲಿಸಿದ್ದಾರೆ.