ರಹಾನೆ `ವಡಾ ಪಾವ್ `ಟ್ವೀಟ್ ಗೆ ಮಾಸ್ಟರ್ ಬ್ಲಾಸ್ಟರ್ ಕೊಟ್ರು ಈ ಉತ್ತರ...!

ನವದೆಹಲಿ: ಭಾರತದ ಟೆಸ್ಟ್ ಉಪನಾಯಕ ಅಜಿಂಕ್ಯ ರಹಾನೆ ಅವರು ಶುಕ್ರವಾರ "ವಡಾ ಪಾವ್" ತಿನ್ನುವ ಚಿತ್ರವನ್ನು ಟ್ವಿಟರ್‌ ನಲ್ಲಿ ಹಂಚಿಕೊಂಡಿದ್ದಾರೆ. 

ಈ ಪೋಸ್ಟ್ನಲ್ಲಿ, ಅಜಿಂಕ್ಯ ರಹಾನೆ ತಮ್ಮ ಅಭಿಮಾನಿಗಳಿಗೆ ತಮ್ಮ "ವಡಾ ಪಾವ್" ಅನ್ನು ಹೇಗೆ ಇಷ್ಟಪಡುತ್ತಾರೆ ಎಂದು ಕೇಳುವಾಗ ಮೂರು ಆಯ್ಕೆಗಳನ್ನು ನೀಡಿದರು. ರಹಾನೆ ಅವರ ಟ್ವೀಟ್ ನಂತರ, ಸಚಿನ್ ತೆಂಡೂಲ್ಕರ್ ಟ್ವೀಟ್ ಮೂಲಕ ಪ್ರತಿಕ್ರಿಯಿಸಿ "ನನ್ನ ವಾಡಾ ಪಾವ್ ಅನ್ನು ಕೆಂಪು ಚಟ್ನಿ, ಕಡಿಮೆ ಹಸಿರು ಚಟ್ನಿ ಮತ್ತು ಕೆಲವು ಹುಣಸೆ ಚಟ್ನಿಗಳೊಂದಿಗೆ ಸಂಯೋಜನೆಯನ್ನು ಇನ್ನಷ್ಟು ಉತ್ತಮಗೊಳಿಸಲು ನಾನು ಇಷ್ಟಪಡುತ್ತೇನೆ" ಎಂದು ಸಚಿನ್ ತೆಂಡೂಲ್ಕರ್ ಉತ್ತರಿಸಿದ್ದಾರೆ.

ಸಚಿನ್ ತೆಂಡೂಲ್ಕರ್ ಅವರ ಉತ್ತರವನ್ನು ಅಭಿಮಾನಿಗಳು ಇಷ್ಟಪಟ್ಟಿದ್ದು ಮತ್ತು ಭಾರತದ ಮಾಜಿ ಬ್ಯಾಟ್ಸ್‌ಮನ್‌ಗೆ ಹೃದಯ ತುಂಬುವ ಸಂದೇಶಗಳೊಂದಿಗೆ ಪೋಸ್ಟ್ ಮಾಡಿದ್ದಾರೆ.

ಸಚಿನ್ ಅವರು ಮಸಾಲೆಯುಕ್ತ 'ವಡಾ-ಪಾವ್' ನ್ನು ಇಷ್ಟಪಡುವುದಾಗಿ ಎಂದು ಈ ಹಿಂದೆ ಬಹಿರಂಗಪಡಿಸಿದ್ದರು."ನಾನು ಮತ್ತು ನನ್ನ ಮಗ (ಅರ್ಜುನ್) ಶಿವಾಜಿ ಪಾರ್ಕ್ ಜಿಮ್ಖಾನಾದಲ್ಲಿ ವಡಾ-ಪಾವ್ ತಿನ್ನಲು ಇಷ್ಟಪಡುತ್ತೇನೆ ಮತ್ತು ಈ ಲಘು ಆಹಾರವನ್ನು ಸೋಲಿಸುವ ತಿನಿಸು ಯಾವುದು ಇಲ್ಲ ಎಂದು ಅವರು 2011 ರಲ್ಲಿ ಮರಾಠಿ ಸುದ್ದಿ ವಾಹಿನಿಗೆ ನೀಡಿದ ಸಂದರ್ಶನದಲ್ಲಿ ಹೇಳಿದ್ದಾರೆ .

ಭಾರತೀಯ ಟೆಸ್ಟ್ ಸೆಟಪ್‌ನ ಭಾಗವಾಗಿರುವ ರಹಾನೆ ನ್ಯೂಜಿಲೆಂಡ್ ವಿರುದ್ಧ ಮುಂಬರುವ ಎರಡು ಪಂದ್ಯಗಳ ಟೆಸ್ಟ್ ಸರಣಿಗೆ ಸಜ್ಜಾಗುತ್ತಿದ್ದಾರೆ. ಐದು ಟ್ವೆಂಟಿ -20 ಅಂತರರಾಷ್ಟ್ರೀಯ ಪಂದ್ಯಗಳು, ಮೂರು ಏಕದಿನ ಪಂದ್ಯಗಳು ಮತ್ತು ಎರಡು ಟೆಸ್ಟ್‌ಗಳು ಸೇರಿದಂತೆ ಪೂರ್ಣ ಪ್ರವಾಸಕ್ಕಾಗಿ ನ್ಯೂಜಿಲೆಂಡ್ ಭಾರತಕ್ಕೆ ಆತಿಥ್ಯ ವಹಿಸಲಿದೆ.

ಟೆಸ್ಟ್ ಸರಣಿಯು ವಿಶ್ವ ಟೆಸ್ಟ್ ಚಾಂಪಿಯನ್‌ಶಿಪ್‌ನ ಒಂದು ಭಾಗವಾಗಲಿದ್ದು, ಭಾರತ ಪ್ರಸ್ತುತ ಏಳು ಪಂದ್ಯಗಳಲ್ಲಿ ಏಳು ಗೆಲುವುಗಳಿಂದ 360 ಪಾಯಿಂಟ್‌ಗಳೊಂದಿಗೆ ಪಾಯಿಂಟ್ಸ್ ಟೇಬಲ್‌ನಲ್ಲಿ ಅಗ್ರಸ್ಥಾನದಲ್ಲಿದೆ.