ದ್ವಿತೀಯ ಟೆಸ್ಟ್: ಆರಂಭಿಕ ಆಘಾತ ಕಂಡ ವೆಸ್ಟ್ ಇಂಡೀಸ್, 70ಕ್ಕೆ 5 ವಿಕೆಟ್ ಪತನ
ಇಲ್ಲಿನ ರಾಜೀವ್ ಗಾಂಧಿ ಸ್ಟೇಡಿಯಂನಲ್ಲಿ ನಡೆಯುತ್ತಿರುವ ವೆಸ್ಟ್ ಇಂಡೀಸ್ ವಿರುದ್ಧದ 2ನೇ ಟೆಸ್ಟ್ ಪಂದ್ಯದಲ್ಲಿ ಭಾರತ ತಂಡ ಮೊದಲ ಇನ್ನಿಂಗ್ಸ್ನಲ್ಲಿ 367 ರನ್ಗೆ ಸರ್ವಪತನವಾಗಿದೆ.
ಹೈದರಾಬಾದ್: ಇಲ್ಲಿನ ರಾಜೀವ್ ಗಾಂಧಿ ಸ್ಟೇಡಿಯಂನಲ್ಲಿ ನಡೆಯುತ್ತಿರುವ ವೆಸ್ಟ್ ಇಂಡೀಸ್ ವಿರುದ್ಧದ 2ನೇ ಟೆಸ್ಟ್ ಪಂದ್ಯದಲ್ಲಿ ಭಾರತ ತಂಡ ಮೊದಲ ಇನ್ನಿಂಗ್ಸ್ನಲ್ಲಿ 367 ರನ್ಗೆ ಸರ್ವಪತನವಾಗಿದೆ.
ಮೂರನೇ ದಿನದ ಇಂದಿನ ಪಂದ್ಯದಲ್ಲಿ ಕೇವಲ 59 ರನ್ ಕಲೆ ಹಾಕಿ ಭಾರತ ಆರು ವಿಕೆಟ್ ಗಳನ್ನು ಕಳೆದುಕೊಂಡಿತು.ಆ ಮೂಲಕ ಭಾರತ ತಂಡ ಮೊದಲ ಇನ್ನಿಂಗ್ಸ್ನಲ್ಲಿ 367 ರನ್ಗೆ ಆಲೌಟ್ ಆಗಿದೆ.
ಇನ್ನೊಂದೆಡೆಗೆ ಎರಡನೇ ಇನ್ನಿಂಗ್ಸ್ ಪ್ರಾರಂಭಿಸಿರುವ ವೆಸ್ಟ್ ಇಂಡಿಸ್ ತಂಡವು ಭಾರತದ ಕರಾರುವಕ್ಕಾದ ಬೌಲಿಂಗ್ ದಾಳಿಗೆ ಸಿಕ್ಕು ಕೇವಲ 70 ರನ್ ಗಳಿಸಿ 5 ವಿಕೆಟ್ ಗಳನ್ನು ಕಳೆದುಕೊಂಡಿದೆ. ಉಮೇಶ್ ಯಾದವ್ ಅವರು ವಿಂಡಿಸ್ ತಂಡದ 2 ಪ್ರಮುಖ ವಿಕೆಟ್ ಗಳನ್ನು ತೆಗೆದುಕೊಂಡು ಮಿಂಚಿದರು.