`ನೀನು ದುರಹಂಕಾರಿ-ಕ್ಲಾಸ್ಲೆಸ್ ವ್ಯಕ್ತಿ` ಗೌತಮ್ ಗಂಭೀರ್ ಪೋಸ್ಟ್ ಗೆ ಸಿಡಿದೆದ್ದ ಶ್ರೀಶಾಂತ್!

ನವದೆಹಲಿ: ಟೀಂ ಇಂಡಿಯಾದ ಮಾಜಿ ಕ್ರಿಕೆಟಿಗರಾದ ಗೌತಮ್ ಗಂಭೀರ್ ಹಾಗೂ ಶ್ರೀಶಾಂತ್ ನಡುವಿನ ವಿವಾದ ನಿಲ್ಲುವ ಮಾತೆ ಎತ್ತುತ್ತಿಲ್ಲ. ಬುಧವಾರ ನಡೆದ ಲೆಜೆಂಡ್ಸ್ ಲೀಗ್ ಕ್ರಿಕೆಟ್ ಪಂದ್ಯದ ವೇಳೆ ಆರಂಭವಾದ ಈ ವಿವಾದ ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ಮುಂದುವರಿದಿದೆ. ಕೆಲವೊಮ್ಮೆ ಶ್ರೀಶಾಂತ್ ಅವರು ಗೌತಮ್ ಗಂಭೀರ್ ವಿರುದ್ಧ ವೀಡಿಯೊ ಪೋಸ್ಟ್‌ಗಳ ಮೂಲಕ ಆರೋಪ ಮಾಡುತ್ತಿದ್ದರೆ ಮತ್ತು ಕೆಲವೊಮ್ಮೆ ಗಂಭೀರ್ ಪೋಸ್ಟ್‌ಗಳ ಮೂಲಕ ವಿವಾದಕ್ಕೆ ತುಪ್ಪ ಸುರಿಯುತ್ತಿದ್ದಾರೆ. ಹೊಸ ಅಪ್ಡೇಟ್ ಏನೆಂದರೆ, ಇದೀಗ ಶ್ರೀಶಾಂತ್ ಗಂಭೀರ್ ಪೋಸ್ಟ್ ಬಗ್ಗೆ ವಿವರವಾದ ಪ್ರತಿಕ್ರಿಯೆಯನ್ನು ನೀಡಿದ್ದಾರೆ. ಶ್ರೀಶಾಂತ್ ಅವರನ್ನು ದುರಹಂಕಾರಿ ಮತ್ತು ವರ್ಗರಹಿತ ವ್ಯಕ್ತಿ ಎಂದು ಕರೆದಿದ್ದಾರೆ.

ಎಲ್ಲಿಂದ ಶುರುವಾಯ್ತು ಎಲ್ಲಾ?
ಡಿಸೆಂಬರ್ 6, 2023ರ ಸಂಜೆ, ಲೆಜೆಂಡ್ಸ್ ಲೀಗ್ ಕ್ರಿಕೆಟ್‌ನ ಎಲಿಮಿನೇಟರ್ ಪಂದ್ಯವನ್ನು ಗುಜರಾತ್ ಜೈಂಟ್ಸ್ ಮತ್ತು ಇಂಡಿಯಾ ಕ್ಯಾಪಿಟಲ್ಸ್ ನಡುವೆ ಸೂರತ್‌ನ ಲಾಲ್‌ಭಾಯ್ ಕಾಂಟ್ರಾಕ್ಟರ್ ಸ್ಟೇಡಿಯಂನಲ್ಲಿ ಆಡಲಾಯಿತು. ಈ ವೇಳೆ ಇಂಡಿಯನ್ ಕ್ಯಾಪಿಟಲ್ಸ್ ತಂಡದ ಗೌತಮ್ ಗಂಭೀರ್ ಮತ್ತು ಗುಜರಾತ್ ಜೈಂಟ್ಸ್ ತಂಡದ ಶ್ರೀಶಾಂತ್ ನಡುವೆ ವಾಗ್ವಾದ ನಡೆದಿದೆ. ವಿವಾದ ಎಷ್ಟು ಉಲ್ಭನಗೊಂಡಿತ್ತು  ಎಂದರೆ ಸಹ ಕ್ರಿಕೆಟಿಗರು ಮತ್ತು ಅಂಪೈರ್‌ಗಳು ರಕ್ಷಣೆಗೆ ಬರಬೇಕಾಯಿತು. ವಿಷಯ ಇಲ್ಲಿಗೆ ಮುಗಿಯಲಿಲ್ಲ. ಇದಾದ ನಂತರ ಸಾಮಾಜಿಕ ಜಾಲತಾಣಗಳಲ್ಲಿ ಜಗಳ ಶುರುವಾಗಿದೆ.

ಇನ್‌ಸ್ಟಾಗ್ರಾಮ್ ವೀಡಿಯೊ ಮೂಲಕ ಅಖಾಡಾ ಆಗಿ ಮಾರ್ಪಟ್ಟ ಸಾಮಾಜಿಕ ಮಾಧ್ಯಮ ವೇದಿಕೆ
ಮೊದಮೊದಲು ಇನ್ಸ್ಟಾಗ್ರಾಮ್ ನಲ್ಲಿ ವಿಡಿಯೋವೊಂದನ್ನು ಶೇರ್ ಮಾಡಿದ ಶ್ರೀಶಾಂತ್ ಗೌತಮ್ ಗಂಭೀರ್ ವಿರುದ್ಧ ಹಲವು ಆರೋಪಗಳನ್ನು ಮಾಡಿದ್ದಾರೆ. ಈ ಪೋಸ್ಟ್‌ನಲ್ಲಿ ಅವರ ಪತ್ನಿ ಭುವನೇಶ್ವರಿ ಕುಮಾರಿ ಕೂಡ ಗಂಭೀರ್‌ಗೆ ಸಾಕಷ್ಟು ಮಾತನ್ನಾಡಿದ್ದಾರೆ. ಭುವನೇಶ್ವರಿ ಕೂಡ ಪಾಲನೆ ತುಂಬಾ ಮುಖ್ಯ ಎಂದು ಹೇಳಿದ್ದಾರೆ.  ಈ ಪೋಸ್ಟ್‌ನ ನಂತರ, ಗೌತಮ್ ಗಂಭೀರ್ ತಮ್ಮ ಇನ್‌ಸ್ಟಾಗ್ರಾಮ್‌ನಲ್ಲಿ ನಗುವಿನ ಚಿತ್ರವನ್ನು ಪೋಸ್ಟ್ ಮಾಡಿದ್ದಾರೆ ಮತ್ತು ಜಗತ್ತು ಗಮನ ಸೆಳೆಯಲು ಏನು ಮಾಡಿದರೂ ಸುಮ್ಮನೆ ನಗುತ್ತಿರಿ ಎಂದು ಬರೆದಿದ್ದಾರೆ. ಗಂಭೀರ್ ಅವರ ಈ ಪೋಸ್ಟ್ ನಂತರ, ಶ್ರೀಶಾಂತ್ ಆಘಾತಕ್ಕೊಳಗಾಗಿದ್ದಾರೆ ಮತ್ತು ಅವರು ಗೌತಮ್ ಗಂಭೀರ್ ಅವರನ್ನು ಸಾಕಷ್ಟು ನಿಂದಿಸಿದ್ದಾರೆ.

ಇದನ್ನೂ ಓದಿ-ಗಂಭೀರ್-ಶ್ರೀಶಾಂತ್ ನಡುವೆ ಭಾರಿ ಜಗಳ, ಗಂಭೀರ್ ಬೆಂಬಲಿಸಿದ ಇರ್ಫಾನ್ ಪಠಾಣ್, ಅಷ್ಟಕ್ಕೂ ನಡೆದಿದ್ದೇನು?

ಗಂಭೀರ್ ಪೋಸ್ಟ್ ಬಗ್ಗೆ ಶ್ರೀಶಾಂತ್ ಪ್ರತಿಕ್ರಿಯೆ ಏನು?
ನೀವು ಆಟಗಾರ ಮತ್ತು ಸಹೋದರನ ಮಿತಿಯನ್ನು ದಾಟಿದ್ದೀರಿ ಎಂದು ಶ್ರೀಶಾಂತ್ ಬರೆದಿದ್ದಾರೆ. ಅತ್ಯಂತ ಮುಖ್ಯವಾದ ವಿಷಯವೆಂದರೆ ನೀವು (ಸಂಸದರು) ಜನರನ್ನು ಪ್ರತಿನಿಧಿಸುತ್ತೀರಿ. ಇದಾದ ನಂತರವೂ ನೀವು ಪ್ರತಿಯೊಬ್ಬ ಕ್ರಿಕೆಟಿಗನೊಂದಿಗೆ ಜಗಳವಾಡುತ್ತಿರುತ್ತೀರಿ. ನಿಮ್ಮ ಸಮಸ್ಯೆ ಏನು? ನಾನು ಸುಮ್ಮನೆ ಮುಗುಳ್ನಕ್ಕಿದ್ದೇನೆ ಮತ್ತು ನೀವು ನನಗೆ ಫಿಕ್ಸರ್ ಎಂದು ಲೇಬಲ್ ಮಾಡಿದ್ದೀರಾ? ನೀವು ಸುಪ್ರೀಂ ಕೋರ್ಟ್‌ಗಿಂತ ಮೇಲಿದ್ದೀರಾ? ಈ ರೀತಿ ಮಾತನಾಡಲು ಮತ್ತು ಹೇಳಲು ನಿಮಗೆ ಹಕ್ಕಿಲ್ಲ. ನೀವು ಅಂಪೈರ್‌ಗಳನ್ನು ನಿಂದಿಸಿದ್ದೀರಿ, ಆದರೂ ನೀವು ನಗುತ್ತಿರುವ ಬಗ್ಗೆ ಮಾತನಾಡುತ್ತೀರಾ?' ಎಂದಿದ್ದಾರೆ

ಇದನ್ನೂ ಓದಿ-ಏಕಕಾಲಕ್ಕೆ ಒಂದಲ್ಲ, ಎರಡಲ್ಲ... 4 ಯುವತಿಯರ ಜೊತೆ ಸಪ್ತಪದಿ ತುಳಿದ ವ್ಯಕ್ತಿ, ಜನರ ರಿಯಾಕ್ಷನ್ ವೈರಲ್!

ಬಳಿಕ ಬರೆದುಕೊಂಡಿರುವ ಶ್ರೀಶಾಂತ್ 'ನೀವು ದುರಹಂಕಾರಿ ಮತ್ತು ಸಂಪೂರ್ಣವಾಗಿ ವರ್ಗರಹಿತ ವ್ಯಕ್ತಿ, ನಿಮ್ಮನ್ನು ಬೆಂಬಲಿಸುವವರ ಬಗ್ಗೆಯೂ ನಿಮಗೆ ಗೌರವವಿಲ್ಲ. ನಿನ್ನೆಯವರೆಗೂ ನಿಮ್ಮ ಮತ್ತು ನಿಮ್ಮ ಕುಟುಂಬದ ಬಗ್ಗೆ ನನಗೆ ಗೌರವವಿತ್ತು. ನೀವು "ಫಿಕ್ಸರ್" ಎಂಬ ಅವಹೇಳನಕಾರಿ ಪದವನ್ನು ಒಮ್ಮೆ ಅಲ್ಲ, ಆದರೆ ಏಳೆಂಟು ಬಾರಿ ಬಳಸಿದ್ದೀರಿ. ನೀವು ನಿರಂತರವಾಗಿ ನನ್ನನ್ನು ಪ್ರಚೋದಿಸಲು ಪ್ರಯತ್ನಿಸುತ್ತಿರುವಾಗ ಅಂಪೈರ್‌ಗಳು ಮತ್ತು ನನ್ನ ಕಡೆಗೆ 'ಫ****' -ಪದವನ್ನು ಬಳಸಿದ್ದೀರಿ. ನಾನು ಸಹಿಸಿಕೊಂಡದ್ದನ್ನು ಅರಿತುಕೊಳ್ಳುವ ಯಾರಾದರೂ ನಿಮ್ಮನ್ನು ಎಂದಿಗೂ ಕ್ಷಮಿಸುವುದಿಲ್ಲ. ನೀವು ಹೇಳಿದ್ದು ಮತ್ತು ಮಾಡಿದ್ದು ತಪ್ಪೆಂದು ನಿಮಗೂ ಗೊತ್ತು. ದೇವರು ಕೂಡ ನಿಮ್ಮನ್ನು ಕ್ಷಮಿಸುವುದಿಲ್ಲ ಎಂಬ ಖಾತ್ರಿ ನನಗಿದೆ.  ಇಷ್ಟೆಲ್ಲಾ ಆದ ಮೇಲೆ ನೀನು ಮತ್ತೆ ಫೀಲ್ಡ್ ಗೆ ಬರಲೇ ಇಲ್ಲ, ದೇವರೇ ಎಲ್ಲ ನೋಡ್ತಾ ಇದ್ದಾನೆ. ಎಂದಿದ್ದಾರೆ.

ಶ್ರೀಶಾಂತ್ ಹಂಚಿಕೊಂಡ ವಿಡಿಯೋ ಇಲ್ಲಿದೆ

View this post on Instagram

A post shared by SREE SANTH (@sreesanthnair36)

ಇದನ್ನೂ ನೋಡಿ-