ಹತ್ತಕ್ಕೆ ಹತ್ತು ವಿಕೆಟ್‌ ಕಬಳಿಸಿ ದಾಖಲೆ ಬರೆದ ಯುವಕ..! ಯುವ ಆಟಗಾರನ ಅಬ್ಬರಕ್ಕೆ ಎದುರಾಳಿ ತಂಡ ಗಡ ಗಡ..?!

Suman Kumar: ಬಿಹಾರದ ಸ್ಪಿನ್ನರ್ ಸುಮನ್ ಕುಮಾರ್ ಬಿಸಿಸಿಐ ಆಶ್ರಯದಲ್ಲಿ ಅಂಡರ್-19 ಕೂಚ್ ಬೆಹಾರ್ ಟ್ರೋಫಿಯಲ್ಲಿ ಇತಿಹಾಸ ಸೃಷ್ಟಿಸಿದ್ದಾರೆ. ಹತ್ತಕ್ಕೆ ಹತ್ತು ವಿಕೆಟ್‌ ಕಬಳಿಸುವ ಮೂಲಕ ದಾಖಲೆ ಬರೆದಿದ್ದಾರೆ.

ಸದ್ಯ ಬಾರ್ಡರ್‌ ಗವಾಸ್ಕರ್‌ ಟ್ರೋಫಿ ನಡೆಯುತ್ತಿದೆ, ಇದರ ಮಧ್ಯೆ ಗವಾಸ್ಕರ್‌ ಟ್ರೋಫಿ ಅಲ್ಲದೆ ಕೂಚ್‌ ಬಿಹಾರ ಟ್ರೋಫಿಯನ್ನಾಡುತ್ತಿರುವ ಯುವ ಆಟಗಾರನ ಮೇಲೆ ಎಲ್ಲರ ಗಮನ ನೆಟ್ಟಿದೆ. ಅಂಡರ್‌ 19 ಕೂಚ್‌ ಬಿಹಾರ್‌ ಟ್ರೋಫಿ ಪಂದ್ಯ ಇದೀಗ ನಡೆಯುತ್ತಿದ್ದು, ಈ ಪಂದ್ಯದಲ್ಲಿ ಬಿಹಾರ ತಂಡದ ಬೌಲರ್‌, ತಮ್ಮ ಬೌಲಿಂಗ್‌ನ ಮೂಲಕ ರಾಜಸ್ಥಾನ ತಂಡದ ಬ್ಯಾಟರ್‌ಗಳ ಬೆವರಿಳಿಸಿದ್ದಾರೆ.

ಭಾರತ ತಂಡದ ಮಾಜಿ ಆಟಗಾರರಾದ ಅನಿಲ್‌ ಕುಂಬ್ಳೆ ಅವರು ಹತ್ತಕ್ಕೆ ಹತ್ತು ವಿಕೆಟ್‌ ಕಬಳಿಸುವ ಮೂಲಕ ದಾಖಲೆ ಬರೆದಿದ್ದರು, ಆದರೆ ಇದೀಗ ಅಂಡರ್‌ 19 ಪಂದ್ಯದಲ್ಲಿ ಬಿಹಾರ ತಂಡದ ಯುವ ಆಟಾಗರ ತಮ್ಮ ಅದ್ಭುತವಾದ ಬೌಲಿಂಗ್‌ ಪ್ರದರ್ಶನದ ಮೂಲಕ ಹತ್ತಕ್ಕೆ ಹತ್ತು ವಿಕೆಟ್‌ ಕಬಳಿಸಿ ದಾಖಲೆ ನಿರ್ಮಿಸಿದ್ದಾರೆ. ಬಿಹಾರ ತಂಡದ ಯುವ ಆಟಗಾರ ಸುಮನ್‌ ಕುಮಾರ್‌ ರಾಜಸ್ಥಾನ ವಿರುದ್ಧ ಪಂದ್ಯದ ವೇಳೆ ಈ ಸಾಧನೆ ಮಾಡಿದ್ದಾರೆ.

33.5 ಓವರ್‌ಗಳನ್ನು ಬೌಲ್‌ ಮಾಡಿದ ಅವರು ಕೇವಲ 53 ರನ್‌ಗಳನ್ನು ನೀಡಿ ರಾಜಸ್ಥಾನ ತಂಡದ 10 ವಿಕೆಟ್‌ಗಳನ್ನು ಕಬಳಿಸಿದ್ದಾರೆ. ಇದೀಗ ಇವರು ಮಾಡಿರುವ ಸಾಧನೆ ಎಲ್ಲರ ಮೆಚ್ಚುಗೆಗೆ ಪಾತ್ರವಾಗುತ್ತಿದ್ದು, ಅಂಡರ್‌ 19  ಯುವಕರು ಅದ್ಭುತ ಬೌಲಿಂಗ್‌ ಹಾಗೂ ಬ್ಯಾಟಿಂಗ್‌ ಸಾಮರ್ತ್ಯವನ್ನು ಹೊಂದಿರುವುದು ಹೆಮ್ಮೆಯ ವಿಚಾರವಾಗಿದೆ.