ಚಹಾಲ್-ಧನಶ್ರೀ ವಿಚ್ಛೇದನ!? ಅಭಿಮಾನಿಗಳಲ್ಲಿ ಆತಂಕ ಹೆಚ್ಚಿಸಿದ ಸ್ಟಾರ್‌ ಕ್ರಿಟಿಗನ ವೈರಲ್‌ ಪೋಸ್ಟ್‌!!

Team india yuzvendra chahal: ಯಜುವೇಂದ್ರ ಚಹಾಲ್ ಭಾರತ ಕ್ರಿಕೆಟ್ ತಂಡದಲ್ಲಿ ಅತ್ಯುತ್ತಮ ಸ್ಪಿನ್ನರ್.. ಐಪಿಎಲ್‌ನಲ್ಲಿ ತಮ್ಮ ಮ್ಯಾಜಿಕ್‌ನಿಂದ ಎಲ್ಲರಿಗೂ ಶಾಕ್‌ ನೀಡಿದ್ದರು.. ಅವರು ಇತ್ತೀಚೆಗೆ ಭಾರತ ತಂಡದಿಂದ ಗೈರುಹಾಜರಾಗಿದ್ದಾರೆ. ಇತ್ತೀಚಿನ ಮೆಗಾ ಹರಾಜಿನಲ್ಲಿ, ಪಂಜಾಬ್ ಕಿಂಗ್ಸ್ ಚಹಾಲ್ ಅವರನ್ನು 18 ಕೋಟಿ ರೂಪಾಯಿಗಳಿಗೆ ಖರೀದಿಸಿತು. ಚಾಹಲ್ ರಾಜಸ್ಥಾನ ರಾಯಲ್ಸ್‌ನಿಂದ ಪಂಜಾಬ್ ಕಿಂಗ್ಸ್‌ಗೆ ತೆರಳಿದ್ದು ಅಭಿಮಾನಿಗಳಲ್ಲಿ ಹೊಸ ಆಸಕ್ತಿಯನ್ನು ಹುಟ್ಟುಹಾಕಿದೆ.

ಆದರೆ ಕ್ರಿಕೆಟ್ ಮೈದಾನದ ಹೊರತಾಗಿ ಚಹಾಲ್ ಅವರ ವೈಯಕ್ತಿಕ ಜೀವನದ ಸುದ್ದಿಯೂ ಚರ್ಚೆಯ ವಿಷಯವಾಗಿದೆ. 2020 ರಲ್ಲಿ ಧನಶ್ರೀ ಅವರನ್ನು ವಿವಾಹವಾದ ಚಹಾಲ್ ತಮ್ಮಿಬ್ಬರ ಸ್ನೇಹವನ್ನು ಜೀವನದ ಪಾಲುದಾರಿಕೆಯಾಗಿ ಪರಿವರ್ತಿಸಿದರು. ಮಾಡೆಲ್, ಡ್ಯಾನ್ಸರ್, ಸೋಷಿಯಲ್ ಮೀಡಿಯಾ ಪ್ರಭಾವಿಯಾಗಿ ಹೊರಹೊಮ್ಮುತ್ತಿರುವ ಧನಶ್ರೀಗೆ ಅಪಾರವಾದ ಫಾಲೋವರ್ಸ್ ಕೂಡ ಇದೆ. ಆದರೆ ಇದೀಗ ಈ ಜೋಡಿ ವಿಚ್ಛೇದನ ಪಡೆಯಲಿದ್ದಾರೆ ಎಂಬ ಊಹಾಪೋಹಗಳು ಹರಿದಾಡುತ್ತಿವೆ.

ಇದನ್ನೂ ಓದಿ-ದಿನಕ್ಕೆ ಒಂದು ಬಾರಿ ಈ ಹಣ್ಣನ್ನು ತಿನ್ನುವುದರಿಂದ ಈ ರೋಗಗಳು ನಿವಾರಣೆಯಾಗುತ್ತವೆ..!

ಚಹಾಲ್ ಅವರ ಇತ್ತೀಚಿನ ಪೋಸ್ಟ್‌ಗಳು ಅಭಿಮಾನಿಗಳಲ್ಲಿ ಆತಂಕವನ್ನು ಉಂಟುಮಾಡಿದೆ. "ಅಂತ್ಯವು ಮತ್ತೊಂದು ಆರಂಭದ ಸೂಚನೆ" ಎಂಬ ಕ್ಯಾಪ್ಷನ್‌ನೊಂದಿಗೆ ಭಗವಾನ್ ಶಿವನ ಫೋಟೋವನ್ನು ಹಂಚಿಕೊಳ್ಳುವುದು, ಜೊತೆಗೆ ಒಂಟಿತನ ಮತ್ತು ಆಧ್ಯಾತ್ಮಿಕತೆಯ ಬಗ್ಗೆ ಪೋಸ್ಟ್‌ ಹಂಚಿಕೊಳ್ಳುವುದು ಬಹು ಚರ್ಚೆಯ ಕಾರಣವಾಗಿದೆ.. ಚಹಾಲ್ ಪೋಸ್ಟ್ ಮಾಡಿದ ಫೋಟೋಗಳು ಮತ್ತು ಕಾಮೆಂಟ್‌ಗಳು ಅವರ ವೈವಾಹಿಕ ಜೀವನದಲ್ಲಿ ಸಮಸ್ಯೆಗಳನ್ನು ಸೂಚಿಸುತ್ತವೆ ಎಂದು ನಂಬಲಾಗಿದೆ. 

ಇದನ್ನೂ ಓದಿ-ಚಿನ್ನದ ಬೆಲೆಯಲ್ಲಿ ದಿಢೀರ್‌ ಇಳಿಕೆ.. 10 ಗ್ರಾಂ ಆಭರಣ ಬಂಗಾರದ ಬೆಲೆ ಇಂದು ಎಷ್ಟಿದೆ ನೋಡಿ!

ಮತ್ತೊಂದೆಡೆ, ಧನಶ್ರೀ ತನ್ನ ಮಾಡೆಲಿಂಗ್ ಫೋಟೋಗಳನ್ನು ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಂಡು ಎಲ್ಲರನ್ನೂ ಸೆಳೆಯುತ್ತಿರುತ್ತಾರೆ.. ಆದರೆ ಕೆಲವರಿಂದ ಟೀಕೆಗೂ ಗುರಿಯಾಗುತ್ತಿದ್ದಾರೆ. ಈ ಹಿಂದೆ, ಧನಶ್ರೀ ಅವರ ಮೇಲಿನ ನಕಾರಾತ್ಮಕ ಕಾಮೆಂಟ್‌ಗಳಿಗೆ ಚಹಾಲ್ ಸಕ್ರಿಯವಾಗಿ ಪ್ರತಿಕ್ರಿಯಿಸುತ್ತಿದ್ದರು. ಆದರೆ ಈಗ ಅಂತಹ ಬೆಂಬಲ ಇಲ್ಲದಿರುವುದು ವಿಚ್ಛೇದನದ ಊಹಾಪೋಹವನ್ನು ಹೆಚ್ಚಿಸಿದೆ.

ಆದರೆ, ಅವರ ವಿಚ್ಛೇದನದ ಬಗ್ಗೆ ಇನ್ನೂ ಅಧಿಕೃತ ಪ್ರಕಟಣೆ ಹೊರಬಿದ್ದಿಲ್ಲ. ಈ ಸುದ್ದಿಯ ಸ್ಪಷ್ಟತೆಗಾಗಿ ಅಭಿಮಾನಿಗಳು ಮತ್ತು ಮಾಧ್ಯಮಗಳು ಕಾಯುತ್ತಿದ್ದಾರೆ. ಏನೇ ಆಗಲಿ ಚಹಾಲ್ ಮತ್ತು ಧನಶ್ರೀ ನಡುವಿನ ಸಂಬಂಧವನ್ನು ಸ್ಪಷ್ಟಪಡಿಸುವುದು ಅನಿವಾರ್ಯವಾಗಿದೆ. ಸದ್ಯ ಅಭಿಮಾನಿಗಳ ಅಭಿಪ್ರಾಯಗಳಷ್ಟೇ ಚಾಲ್ತಿಯಲ್ಲಿದ್ದು ಸತ್ಯ ತಿಳಿಯುವ ದಿನ ಶೀಘ್ರದಲ್ಲೇ ಬರಲಿದೆ.