ಕ್ರಿಕೆಟ್‌ ಫ್ಯಾನ್ಸ್‌ಗೆ ಬಿಗ್‌ ಶಾಕ್‌.. 36 ಗಂಟೆಯಲ್ಲಿ 3 ಸ್ಟಾರ್‌ ಆಟಗಾರರು ನಿವೃತ್ತಿ!

Mohammad Irfan Retires: ಪಾಕಿಸ್ತಾನ ಕ್ರಿಕೆಟ್‌ನಲ್ಲಿ ನಿವೃತ್ತಿ ಟ್ರೆಂಡ್ ನಿಲ್ಲುವ ಲಕ್ಷಣಗಳು ಕಾಣುತ್ತಿಲ್ಲ. 36 ಗಂಟೆಗಳಲ್ಲಿ ಮೂವರು ಆಟಗಾರರು ನಿವೃತ್ತಿ ಘೋಷಿಸಿದ್ದಾರೆ. ಆಲ್ ರೌಂಡರ್ ಇಮಾದ್ ವಾಸಿಂ ಮತ್ತು ವೇಗದ ಬೌಲರ್ ಮೊಹಮ್ಮದ್ ಅಮೀರ್ ನಂತರ ಈಗ ಮತ್ತೊಬ್ಬ ವೇಗದ ಬೌಲರ್ ಮೊಹಮ್ಮದ್ ಇರ್ಫಾನ್ ಅಂತರಾಷ್ಟ್ರೀಯ ಕ್ರಿಕೆಟ್‌ನಿಂದ ನಿವೃತ್ತಿಯಾಗಿದ್ದಾರೆ. ಈ ಕುರಿತು ಸಾಮಾಜಿಕ ಮಾಧ್ಯಮದಲ್ಲಿ ಮಾಹಿತಿ ನೀಡಿದ್ದಾರೆ. ಅವರು 2019 ರಲ್ಲಿ ತಮ್ಮ ಕೊನೆಯ ಅಂತಾರಾಷ್ಟ್ರೀಯ ಪಂದ್ಯವನ್ನು ಆಡಿದ್ದರು.

ಮೊಹಮ್ಮದ್ ಇರ್ಫಾನ್ ಇಲ್ಲಿಯವರೆಗಿನ ಅತಿ ಎತ್ತರದ ಎಡಗೈ ಬೌಲರ್ ಮತ್ತು ಅಂತಾರಾಷ್ಟ್ರೀಯ ಕ್ರಿಕೆಟಿಗ ಎಂದು ಪರಿಗಣಿಸಲಾಗಿದೆ. ಅವರು ಟೆಸ್ಟ್, ODI ಮತ್ತು T20 ನಲ್ಲಿ 86 ಬಾರಿ ತಮ್ಮ ದೇಶವನ್ನು ಪ್ರತಿನಿಧಿಸಿದರು. ಅವರು ತಂಡದ ವೇಗದ ಬೌಲರ್‌ಗಳ ಪ್ರಮುಖ ಭಾಗವಾಗಿದ್ದರು.

ಇದನ್ನೂ ಓದಿ: ಪ್ರೇಮ ವದಂತಿಗೆ ಬಿತ್ತು ಫುಲ್‌ಸ್ಟಾಪ್‌... 4 ವರ್ಷಗಳ ಪ್ರಣಯಕ್ಕೆ ಶುಭ್ಮನ್-ಸಾರಾ ಮುನ್ನುಡಿ!? ಸ್ಟಾರ್‌ ಜೋಡಿಯ ಫೋಟೋ ವೈರಲ್‌

"ನಾನು ಅಂತರಾಷ್ಟ್ರೀಯ ಕ್ರಿಕೆಟ್‌ನಿಂದ ನಿವೃತ್ತಿ ಪಡೆಯಲು ನಿರ್ಧರಿಸಿದ್ದೇನೆ. ನನ್ನ ಸಹ ಆಟಗಾರರು, ಕೋಚ್‌ಗಳಿಗೆ ಧನ್ಯವಾದ ಹೇಳಲು ಬಯಸುತ್ತೇನೆ. ಪ್ರೀತಿ, ಉತ್ಸಾಹ ಮತ್ತು ಮರೆಯಲಾಗದ ನೆನಪುಗಳಿಗೆ ಧನ್ಯವಾದಗಳು" ಎಂದು ಇರ್ಫಾನ್ ಹೇಳಿದ್ದಾರೆ.

2015ರ ವಿಶ್ವಕಪ್‌ನಿಂದ ದೂರ ಉಳಿಯಬೇಕಾಯಿತು

ತನ್ನ ಬೃಹತ್ ದೇಹದಿಂದ ವೇಗದಲ್ಲಿ ಬೌಲಿಂಗ್ ಮಾಡುವ ಸಾಮರ್ಥ್ಯವನ್ನು ಹೊಂದಿರುವ ಇರ್ಫಾನ್ ತನ್ನ ಕಾಲದ ಅತ್ಯುತ್ತಮ ಬ್ಯಾಟಿಂಗ್ ಲೈನ್-ಅಪ್‌ಗಳಿಗೆ ಸಹ ಸಮಸ್ಯೆಗಳನ್ನು ಸೃಷ್ಟಿಸುತ್ತಿದ್ದರು. ಗಾಯಗಳು ಅವರನ್ನು ತುಂಬಾ ತೊಂದರೆಗೊಳಿಸಿದವು. ಗಾಯದಿಂದಾಗಿ 2015ರ ಏಕದಿನ ವಿಶ್ವಕಪ್‌ನಲ್ಲಿ ಆಡಲು ಸಾಧ್ಯವಾಗಿರಲಿಲ್ಲ. 

ಇದನ್ನೂ ಓದಿ: ವಿಶ್ವ ಚೆಸ್ ಚಾಂಪಿಯನ್‌ಶಿಪ್‌ ಗೆದ್ದ ಗುಕೇಶ್ ಪಡೆದ ಬಹುಮಾನ ಮೊತ್ತ ಎಷ್ಟು ಗೊತ್ತಾ? ಒಂದೇ ಏಟಿಗೆ ಧೋನಿಯನ್ನೇ ಮೀರಿಸಿದ ʼಗ್ರ್ಯಾಂಡ್‌ ಮಾಸ್ಟರ್‌ʼ

ಇತ್ತೀಚಿನ ಅಪ್ಡೇಟ್ ಸುದ್ದಿಗಳನ್ನು ವೀಕ್ಷಿಸಲು ನಮ್ಮ Youtube Link - https://www.youtube.com/@ZeeKannadaNews/featured ಸಬ್ ಸ್ಕ್ರೈಬ್ಆಗಿರಿ.