Tokyo Olympics Update:ಸ್ವದೇಶಕ್ಕೆ ಮರಳುತ್ತಿದ್ದಂತೆ ASPಯಾಗಿ ನೇಮಕಗೊಂಡ Silver Girl ಮೀರಾಬಾಯಿ ಚಾನು

ಮಣಿಪುರ್: Tokyo Olympics Update - ಟೋಕಿಯೊ ಒಲಿಂಪಿಕ್ಸ್‌ನಲ್ಲಿ (Tokyo Olympics 2020) ಬೆಳ್ಳಿ ಪದಕ ಗೆಲ್ಲುವ ಮೂಲಕ ಇತಿಹಾಸ ಸೃಷ್ಟಿಸಿದ ಮೀರಾಬಾಯಿ ಚಾನು (Mirabai Chanu) ಅವರನ್ನು ಮಣಿಪುರ ಸರ್ಕಾರ (Manipur Government) ಹೆಚ್ಚುವರಿ ಎಸ್‌ಪಿ (Additional SP) ಆಗಿ ನೇಮಕ ಮಾಡಿದೆ. ಮೀರಾಬಾಯಿ ಚಾನು ಅವರನ್ನು ಹೆಚ್ಚುವರಿ ಎಸ್‌ಪಿ (Sports) ಆಗಿ ಮಣಿಪುರ ಪೊಲೀಸರಲ್ಲಿ ನೇಮಕ ಮಾಡಲು ರಾಜ್ಯ ಸರ್ಕಾರ ನಿರ್ಧರಿಸಿದೆ. ಮೀರಾಬಾಯಿಗೆ ರಾಜ್ಯ ಸರ್ಕಾರ ಈಗಾಗಲೇ 1 ಕೋಟಿ ರೂ.ಗಳ ನಗದು ಪ್ರಶಸ್ತಿಯನ್ನು ಘೋಷಿಸಿದೆ ಎಂಬುದು ಇಲ್ಲಿ ಉಲ್ಲೇಖನೀಯ.

ಮೀರಾಬಾಯಿ ಚಾನು ಭಾರತದ 21 ವರ್ಷಗಳ ವೇಟ್‌ಲಿಫ್ಟಿಂಗ್‌ ವಿಭಾಗದಲ್ಲಿ ಪದಕದ ಬರವನ್ನು ಅಂತ್ಯಗೊಳಿಸಿದ್ದಾರೆ  ಮತ್ತು ಬೆಳ್ಳಿ ಪದಕ ಗೆಲ್ಲುವ ಮೂಲಕ ಟೋಕಿಯೋ ಒಲಿಂಪಿಕ್ಸ್ (Tokyo Olympics 2020) ನಲ್ಲಿ ಭಾರತದ ಖಾತೆಯನ್ನು ತೆರೆದಿದ್ದಾರೆ. 49 ಕೆಜಿ ವಿಭಾಗದಲ್ಲಿ ಈ ಪದಕವನ್ನು ಪಡೆದುಕೊಂಡಿದ್ದಾರೆ.  ಈ ಸ್ಪರ್ಧೆಯಲ್ಲಿ ಚೀನಾ ವೇಟ್ ಲಿಫ್ಟರ್ ಹೌ ಜಿಹುಯಿ ಒಟ್ಟು 210 ಕೆ.ಜಿ ಭಾರ ಎತ್ತುವ ಮೂಲಕ ಚಿನ್ನದ ಪದಕ ಪಡೆದಿದ್ದಲ್ಲದೆ. ಆದರೆ, ಪ್ರಸ್ತುತ ಚೀನಾ ಆಟಗಾರ್ತಿಗೆ ಡೋಪಿಂಗ್ ಪರೀಕ್ಷೆಯನ್ನು ನಡೆಸಲಾಗುತ್ತಿದೆ ಎಂಬ ಸುದ್ದಿಗಳು ಪ್ರಕಟಗೊಂಡಿದ್ದು. ನಿಯಮಗಳ ಪ್ರಕಾರ ಒಂದು ವೇಳೆ ಅವರು ಡೋಪಿಂಗ್ ಪರೀಕ್ಷೆಯಲ್ಲಿ ವಿಫಲವಾದರೆ, ಭಾರತದ ಬೆಳ್ಳಿ ಬೆಡಗಿಗೆ ಮೀರಾಬಾಯಿ ಚಾನುಗೆ  ಚಿನ್ನದ ಬೆಡಗಿಯಾಗುವ ಅವಕಾಶ ಸಿಗಲಿದೆ. 

ಮಿರಾಬಾಯಿ ಚಾನೂಗೂ ಮೊದಲು, ಅನುಭವಿ ಕರ್ಣಂ ಮಲ್ಲೇಶ್ವರಿ 2000 ಸಿಡ್ನಿ ಒಲಿಂಪಿಕ್ಸ್ ಕ್ರೀಡಾಕೂಟದ ವೇಟ್‌ಲಿಫ್ಟಿಂಗ್‌ ವಿಭಾಗದಲ್ಲಿ ಕಂಚಿನ ಪದಕ ಗೆದ್ದು ಇತಿಹಾಸ ನಿರ್ಮಿಸಿದ್ದರು. ಅದರ ನಂತರ, 21 ವರ್ಷಗಳ ಕಾಲ ಭಾರತವು ಈ ಸ್ಪರ್ಧೆಯಲ್ಲಿ ಪದಕಕ್ಕಾಗಿ ಹಂಬಲಿಸಿತ್ತು. ಟೋಕಿಯೋ ಒಲಿಂಪಿಕ್ಸ್ ನಲ್ಲಿ ಬೆಳ್ಳಿ ಪದಕ ತನ್ನದಾಗಿಸಿಕೊಂಡ ಮೀರಾಬಾಯಿ ಚಾನುಗೆ ಮಣಿಪುರದ ಮುಖ್ಯಮಂತ್ರಿ N.ಬಿರೆನ್ ಸಿಂಗ್ (Manipur CM N. Biren Singh), ಕ್ರೀಡಾಕೂಟದಲ್ಲಿ ಬೆಳ್ಳಿ ಪದಕ ಗೆದ್ದ ವೇಟ್ ಲಿಫ್ಟರ್ ಮೀರಾಬಾಯಿ ಚಾನುಗೆ ಒಂದು ಕೋಟಿ ರೂ. ನಗದು ಪ್ರಶಸ್ತಿ ನೀಡುವುದಾಗಿ ಘೋಷಿಸಿದ್ದರು.