Tokyo Paralympics 2020: ಭಾರತಕ್ಕೆ ಒಲಿದ 4ನೇ ಚಿನ್ನ, ಬ್ಯಾಡ್ಮಿಂಟನ್ ನಲ್ಲಿ ತ್ರಿವರ್ಣ ಧ್ವಜ ಹಾರಿಸಿದ Pramod Bhagat

ನವದೆಹಲಿ: Tokyo Paralympics 2020 - ಟೋಕಿಯೋ ಪ್ಯಾರಾಲಿಂಪಿಕ್ಸ್ ನಲ್ಲಿ (Tokyo Paralympics) ಭಾರತದ ಖಾತೆಗೆ ಮತ್ತೊಂದು ಚಿನ್ನ ಸೇರ್ಪಡೆಯಾಗಿದೆ. ಪ್ರಮೋದ್ ಭಗತ್ (Pramod Bhagat) ಬ್ಯಾಡ್ಮಿಂಟನ್ ಪುರುಷರ ಸಿಂಗಲ್ಸ್ SL3 (Badminton Men's Singles SL3) ವಿಭಾಗದಲ್ಲಿ ಚಿನ್ನ ಗೆಲ್ಲುವ ಮೂಲಕ ಚಾಂಪಿಯನ್ ಆಗಿ ಹೊರಹೊಮ್ಮಿದ್ದಾರೆ.

ಇತಿಹಾಸ ಬರೆದ ಪ್ರಮೋದ್ 
ಇದೇ ವರ್ಷ  ಮೊದಲ ಬಾರಿಗೆ ಬ್ಯಾಡ್ಮಿಂಟನ್ ಅನ್ನು ಪ್ಯಾರಾಲಿಂಪಿಕ್ ಕ್ರೀಡಾಕೂಟದಲ್ಲಿ ಸೇರಿಸಲಾಗಿದೆ. ವಿಶ್ವ ನಂಬರ್ ಒನ್ ಆಟಗಾರ ಪ್ರಮೋದ್ ಭಗತ್ ಪ್ಯಾರಾಲಿಂಪಿಕ್ಸ್ ನಲ್ಲಿ ಚಿನ್ನದ ಪದಕ ಗೆದ್ದ ಮೊದಲ ಭಾರತೀಯ ಎನಿಸಿಕೊಂಡಿದ್ದಾರೆ. ಯೋಗತ್ ರಾಷ್ಟ್ರೀಯ ಕ್ರೀಡಾಂಗಣದಲ್ಲಿ ನಡೆದ 45 ನಿಮಿಷಗಳ ರೋಚಕ ಫೈನಲ್ ಪಂದ್ಯದಲ್ಲಿ ಭಗತ್ ಎರಡನೇ ಶ್ರೇಯಾಂಕಿತ ಡೇನಿಯಲ್ ಬೆಥೆಲ್ ಅವರನ್ನು 21-14 21-17 ಅಂತರದಿಂದ ಸೋಲಿಸಿದ್ದಾರೆ.

ಪ್ರಮೋದ್ ಗೆ ಶುಭಾಷಯಗಳನ್ನು ಕೋರಿದ ಪ್ರಧಾನಿ ಮೋದಿ
ಈ ಕುರಿತು ತಮ್ಮ ಅಧಿಕೃತ ಟ್ವಿಟ್ಟರ್ ಹ್ಯಾಂಡಲ್ ಮೂಲಕ ಚಿನ್ನದ ಹುಡುಗನನ್ನು ಅಭಿನಂದಿರಿಸುವ ಪ್ರಧಾನಿ ನರೇಂದ್ರ ಮೋದಿ ಅವರು , 'ಪ್ರಮೋದ್ ಭಗತ್ ಇಡೀ ರಾಷ್ಟ್ರದ ಹೃದಯ ಗೆದ್ದು, ಚಾಂಪಿಯನ್ ಆಗಿದ್ದಾರೆ. ಅವರ ಯಶಸ್ಸು ಲಕ್ಷಾಂತರ ಜನರನ್ನು ಪ್ರೆರೆಪಿಸಲಿದೆ. ಅವರು ಪ್ರಚಂಡ ದೃಢ ಸಂಕಲ್ಪ ತೋರಿಸಿದ್ದಾರೆ.. ಬ್ಯಾಡ್ಮಿಂಟನ್ ನಲ್ಲಿ ಚಿನ್ನ ಗೆದ್ದ ಅವರಿಗೆ ಅಭಿನಂದನೆಗಳು. ಅವರ ಭವಿಷ್ಯಕ್ಕೆ ಶುಭ ಹಾರೈಕೆಗಳು' ಎಂದಿದ್ದಾರೆ. 

ಪ್ಯಾರಾಲಿಂಪಿಕ್ಸ್‌ನಲ್ಲಿ ಭಾರತದ ಖಾತೆಯಲ್ಲಿ 17 ಪದಕಗಳು
4 ಚಿನ್ನ, 7 ಬೆಳ್ಳಿ ಮತ್ತು 6 ಕಂಚಿನೊಂದಿಗೆ ಒಟ್ಟು 17 ಪದಕಗಳು ಇದೀಗ ಭಾರತದ ಖಾತೆಗೆ ಬಂದಿವೆ, ಟೋಕಿಯೊ ಪ್ಯಾರಾಲಿಂಪಿಕ್ಸ್ ನ ಪದಕ ಪಟ್ಟಿಯಲ್ಲಿ ಭಾರತ 25 ನೇ ಸ್ಥಾನವನ್ನು ತಲುಪಿದ್ದು, ಈ ಕ್ರೀಡಾಕೂಟದ (Paralympics 2020) ಇತಿಹಾಸದಲ್ಲಿಯೇ ಭಾರತದ ಅತ್ಯುತಮ ಸಾಧನೆ ಇದಾಗಿದೆ.