ಮೈದಾನದಲ್ಲೇ ಜಗಳವಾಡಿದ ಪಠಾಣ್ ಸಹೋದರರು! ಯೂಸುಫ್ ವಿರುದ್ಧ ಸಿಡಿದೆದ್ದ ಇರ್ಫಾನ್ ವಿಡಿಯೋ ವೈರಲ್

Irfan Pathan Run Out: ಟೀಂ ಇಂಡಿಯಾದ ಮಾಜಿ ಕ್ರಿಕೆಟಿಗರಾದ ಇರ್ಫಾನ್ ಪಠಾಣ್ ಮತ್ತು ಯೂಸುಫ್ ಪಠಾಣ್ ಇದೀಗ ಮತ್ತೆ ಸುದ್ದಿಯಾಗಿದ್ದಾರೆ. ಮೈದಾನದ ಮಧ್ಯೆಯೇ ಕಿತ್ತಾಡಿಕೊಂಡ ಇವರಿಬ್ಬರ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದೆ.

ಇದನ್ನೂ ಓದಿ: ಟೀಂ ಇಂಡಿಯಾದ ಹೆಡ್ ಕೋಚ್ ಆಗುತ್ತಿದ್ದಂತೆ ಬಿಸಿಸಿಐ ಮುಂದೆ ಈ ಬೇಡಿಕೆ ಇಟ್ಟ ಗೌತಮ್ ಗಂಭೀರ್! ಏನದು?

ಇಂಡಿಯಾ ಚಾಂಪಿಯನ್ಸ್ ತಂಡವು ಗುಂಪು ಹಂತದ ಕೊನೆಯ ಪಂದ್ಯದಲ್ಲಿ ದಕ್ಷಿಣ ಆಫ್ರಿಕಾವನ್ನು ಎದುರಿಸಿದೆ. ಯುವರಾಜ್ ಸಿಂಗ್ ನಾಯಕತ್ವದ ತಂಡ ಟಾಸ್ ಗೆದ್ದು ಮೊದಲು ಬೌಲಿಂಗ್ ಮಾಡಲು ನಿರ್ಧರಿಸಿತು. ಸೌತ್ ಆಫ್ರಿಕಾ ಚಾಂಪಿಯನ್ಸ್ ಸ್ಕೋರ್‌ಬೋರ್ಡ್‌ನಲ್ಲಿ 210 ರನ್‌ಗಳನ್ನು ಹಾಕಿದರು. ಸೇಡು ತೀರಿಸಿಕೊಳ್ಳಲು ಇಂಡಿಯಾ ಚಾಂಪಿಯನ್ಸ್’ಗೆ ಉತ್ತಮ ಆರಂಭ ಸಿಗಲಿಲ್ಲ. ಆದರೆ, ಸುರೇಶ್ ರೈನಾ (25) ಮತ್ತು ರಾಬಿನ್ ಉತ್ತಪ್ಪ (21) ತಕ್ಕಮಟ್ಟಿನ ಇನ್ನಿಂಗ್ಸ್‌ ಪ್ರದರ್ಶಿಸಿದರು. ಆದರೆ ವಿಕೆಟ್‌ಗಳ ಹರಿವು ನಿಲ್ಲಲಿಲ್ಲ. ಸಂಪೂರ್ಣ ಜವಾಬ್ದಾರಿ ಇರ್ಫಾನ್ ಪಠಾಣ್ ಮತ್ತು ಯೂಸುಫ್ ಪಠಾಣ್ ಮೇಲೆ ಬಿದ್ದಿತು.

ಈ ಪಂದ್ಯದಲ್ಲಿ ಇಂಡಿಯಾ ಚಾಂಪಿಯನ್ಸ್ ಸೋಲನ್ನು ಎದುರಿಸಬೇಕಾಯಿತು. ಇರ್ಫಾನ್ ಪಠಾಣ್ ವಿಕೆಟ್ ಪಡೆದ ಬಳಿಕ ಆಫ್ರಿಕಾ ಪಂದ್ಯದ ಮೇಲೆ ಹಿಡಿತ ಸಾಧಿಸಿತು. ಆದರೆ, ಯೂಸುಫ್ ಪಠಾಣ್ ಭರ್ಜರಿ ಅರ್ಧಶತಕ ಬಾರಿಸಿದರು. ಅವರು 44 ಎಸೆತಗಳಲ್ಲಿ 54 ರನ್ ಗಳಿಸಿ ಅಜೇಯ ಇನ್ನಿಂಗ್ಸ್ ಆಡಿದರು. ಆದರೆ ಯುವರಾಜ್ ತಂಡ 54 ರನ್‌’ಗಳಿಂದ ಸೋಲನುಭವಿಸಬೇಕಾಯಿತು.