ಟಿ20 ವಿಶ್ವಕಪ್’ಗೂ ಮುನ್ನ ಏಕದಿನಕ್ಕೆ ರೋಹಿತ್-ಕೊಹ್ಲಿ ವಿದಾಯ! ಹೊರಬಿತ್ತು ಬಿಗ್ ಅಪ್ಡೇಟ್

Virat Kohli and Rohit Sharma retirement: 2023ರಲ್ಲಿ ಭಾರತ ಕ್ರಿಕೆಟ್ ತಂಡ ಏಕದಿನ ಕ್ರಿಕೆಟ್ ವಿಶ್ವಕಪ್‌ ಫೈನಲ್‌’ನಲ್ಲಿ ಸೋತಿತ್ತು. ನವೆಂಬರ್ 19ರಂದು ಅನುಭವಿಸಿದ ಆ 'ನೋವು' ಇಂದಿಗೂ ಭಾರತೀಯ ಕ್ರಿಕೆಟ್ ಅಭಿಮಾನಿಗಳ ಮನದಿಂದ ಮರೆಯಲಾಗುತ್ತಿಲ್ಲ. ಆದರೆ ಈ ಬಾರಿ ಟೀಂ ಇಂಡಿಯಾ 2024ರ ವಿಶ್ವಕಪ್ ಕಡೆ ಗಮನ ಹರಿಸುತ್ತಿದೆ.

ಇದನ್ನೂ ಓದಿ: ಸೂರ್ಯ, ರಮ್ಯಕೃಷ್ಣ ಸಿನಿಮಾ ನೋಡಿ ಸುಲಿಗೆ: ನಕಲಿ ಲೋಕಾಯುಕ್ತ ಅಧಿಕಾರಿ ಅಂದರ್

ಭಾರತ ಕ್ರಿಕೆಟ್ ತಂಡದ ಜರ್ನಿಯು 2024ರಲ್ಲಿ ಟೆಸ್ಟ್ ಪಂದ್ಯಗಳೊಂದಿಗೆ ಆರಂಭವಾಗಲಿದೆ. ಈ ವರ್ಷ ಭಾರತ ಒಟ್ಟು 15 ಟೆಸ್ಟ್ ಪಂದ್ಯಗಳನ್ನು ಆಡಲಿದೆ. ಏಕದಿನ ಕ್ರಿಕೆಟ್ ಪಂದ್ಯಗಳ ಬಗ್ಗೆ ಮಾತನಾಡುವುದಾದರೆ, 2024 ರಲ್ಲಿ ಕೇವಲ ಮೂರು ಪಂದ್ಯಗಳನ್ನು ಆಡಲಾಗುತ್ತದೆ. ಹೀಗಿರುವಾಗ ಟೀಂ ಇಂಡಿಯಾದ ಹಿರಿಯ ಕ್ರಿಕೆಟಿಗರು ಏಕದಿನ ಕ್ರಿಕೆಟ್ ಪಂದ್ಯಗಳನ್ನಾಡುತ್ತಾರಾ ಎಂಬ ಪ್ರಶ್ನೆ ಶುರುವಾಗಿದೆ. ಏಕೆಂದರೆ ಟಿ20 ವಿಶ್ವಕಪ್’ಗೂ ಮುನ್ನ ವಿರಾಟ್ ಮತ್ತು ರೋಹಿತ್ ನಿವೃತ್ತಿ ಘೋಷಿಸುತ್ತಾರೆ ಎಂಬ ಮಾತೊಂದು ಭಾರೀ ಕೇಳಿ ಬರುತ್ತಿದೆ.

2024ರಲ್ಲಿ ಭಾರತ ಕ್ರಿಕೆಟ್ ತಂಡ ಆಡಲಿರುವ ಮೂರು ಪಂದ್ಯಗಳ ಪೈಕಿ ಜುಲೈ-ಆಗಸ್ಟ್‌’ನಲ್ಲಿ ಶ್ರೀಲಂಕಾ ವಿರುದ್ಧ ವಿದೇಶ ಸರಣಿ ಇದೆ. ಇನ್ನು ಈ ವರ್ಷ ಮತ್ತೆ ಟಿ20 ವಿಶ್ವಕಪ್ ನಡೆಯಲಿದೆ. ಇದೇ ಕಾರಣದಿಂದ ಟೀಂ ಇಂಡಿಯಾ ಈ ಸ್ವರೂಪದ ಮೇಲೆ ಹೆಚ್ಚು ಗಮನ ಹರಿಸುತ್ತಿದೆ.

ವಿರಾಟ್-ರೋಹಿತ್ ವಿದಾಯ?

ವಿರಾಟ್ ಕೊಹ್ಲಿ ಮತ್ತು ರೋಹಿತ್ ಶರ್ಮಾ ಕಳೆದ ಒಂದು ದಶಕದಿಂದ ಏಕದಿನ ಕ್ರಿಕೆಟ್’ನಲ್ಲಿ ಛಾಪು ಮೂಡಿಸಿದ್ದಾರೆ. ಕಳೆದ ವರ್ಷ ಅತಿ ಹೆಚ್ಚು ಪಂದ್ಯಗಳನ್ನಾಡಿರುವ ರೋಹಿತ್ ಮತ್ತು ವಿರಾಟ್, ಈ ಬಾರಿ ಕೇವಲ 3 ಪಂದ್ಯಗಳನ್ನಾಡಲಿದ್ದಾರೆ. ಇದೇ ಕಾರಣದಿಂದ ವಿಶ್ವಕಪ್’ಗೂ ಮುನ್ನ ಇವರಿಬ್ಬರು ನಿವೃತ್ತಿ ಘೋಷಿಸುತ್ತಾರಾ? ಎಂದು ಪ್ರಶ್ನೆ ಮಾಡಲಾಗುತ್ತಿದೆ.

ಇದನ್ನೂ ಓದಿ:  Jr NTR: ಜಪಾನ್​ ಭೂಕಂಪದಲ್ಲಿ ಸಿಲುಕಿದ ಜೂನಿಯರ್​ ಎನ್‌ಟಿಆರ್ ಫ್ಯಾಮಿಲಿ..!

ಸದ್ಯ ರೋಹಿತ್ ಶರ್ಮಾಗೆ 36 ಮತ್ತು ವಿರಾಟ್ ಕೊಹ್ಲಿಗೆ 35 ವರ್ಷ. ಇಬ್ಬರೂ ಈ ವರ್ಷ ಟಿ20 ವಿಶ್ವಕಪ್ ಮತ್ತು 15 ಟೆಸ್ಟ್ ಪಂದ್ಯಗಳತ್ತ ಗಮನ ಹರಿಸಲಿದ್ದಾರೆ. ಇವರ ವಯಸ್ಸಿನ ಆಧಾರದಲ್ಲಿ ನೋಡವುದಾದರೆ ಶೀಘ್ರವೇ ನಿವೃತ್ತಿ ಪಡೆಯುವ ಸಾಧ್ಯತೆ ಇದೆ ಎಂದು ಕ್ರಿಕೆಟ್ ವಿಮರ್ಶಕರು ಅಭಿಪ್ರಾಯ ಪಟ್ಟಿದ್ದಾರೆ.