Virat Kohli Bungalow: ಐಷಾರಾಮಿ ಬಂಗಲೆ ಖರೀದಿಸಿದ ವಿರಾಟ್ ಕೊಹ್ಲಿ: ಈ ಮನೆಯ ಬೆಲೆಗೆ ಬರುತ್ತೆ 100 ಕಾರುಗಳು!

Virat Kohli Bungalow in Alibaug: ಟೀಂ ಇಂಡಿಯಾದ ಮಾಜಿ ನಾಯಕ ವಿರಾಟ್ ಕೊಹ್ಲಿ ವಿಶ್ವದ ಪ್ರಸ್ತುತ ಯುಗದ ಬ್ಯಾಟ್ಸ್‌ಮನ್‌ಗಳಲ್ಲಿ ಒಬ್ಬರು ಎಂದು ಗುರುತಿಸಲ್ಪಟ್ಟಿದ್ದಾರೆ. ಪ್ರಸ್ತುತ ಆಸ್ಟ್ರೇಲಿಯಾ ವಿರುದ್ಧದ ಟೆಸ್ಟ್ ಸರಣಿಯ ಭಾಗವಾಗಿದ್ದಾರೆ. ಆರಂಭಿಕ ರೋಹಿತ್ ಶರ್ಮಾ ನಾಯಕತ್ವದಲ್ಲಿ ಆಡುತ್ತಿರುವ 4 ಪಂದ್ಯಗಳ ಬಾರ್ಡರ್-ಗವಾಸ್ಕರ್ ಟ್ರೋಫಿ ಟೆಸ್ಟ್ ಸರಣಿಯಲ್ಲಿ ಟೀಂ ಇಂಡಿಯಾ 2-0 ಮುನ್ನಡೆ ಕಾಯ್ದುಕೊಂಡಿದೆ. ಈ ನಡುವೆ ವಿರಾಟ್ ಬಗ್ಗೆ ಒಂದು ದೊಡ್ಡ ಸುದ್ದಿ ಬಂದಿದೆ. ಮುಂಬೈನಲ್ಲಿ ವಿರಾಟ್ ಐಷಾರಾಮಿ ಬಂಗಲೆ ಖರೀದಿಸಿದ್ದಾರೆ.

ಇದನ್ನೂ ಓದಿ: Kichcha Sudeep: ಕಿಚ್ಚ ಸುದೀಪ್ ಧರಿಸುವ ಈ ವಾಚ್ ಬೆಲೆ ಎಷ್ಟು ಕೋಟಿ ಗೊತ್ತಾ? ತಲೆ ಸುತ್ತೋದು ಖಂಡಿತ!

ಭಾರತದ ಖ್ಯಾತ ಕ್ರಿಕೆಟಿಗ ವಿರಾಟ್ ಕೊಹ್ಲಿ ಮುಂಬೈನ ಅಲಿಬಾಗ್‌ನಲ್ಲಿ ಐಷಾರಾಮಿ ಬಂಗಲೆಯನ್ನು ಖರೀದಿಸಿದ್ದಾರೆ. ಇದು 2000 ಚ.ಅಡಿಗಳಷ್ಟು ವಿಸ್ತಾರವಾಗಿದೆ. ವಿರಾಟ್ ಕೊಹ್ಲಿ ಸದ್ಯ ಭಾರತ ಕ್ರಿಕೆಟ್ ತಂಡದಲ್ಲಿದ್ದಾರೆ. ಇಂತಹ ಪರಿಸ್ಥಿತಿಯಲ್ಲಿ, ಅವರ ಹಿರಿಯ ಸಹೋದರ ವಿಕಾಸ್ ಕೊಹ್ಲಿ ಅವರು ನೋಂದಣಿಗೆ ಸಂಬಂಧಿಸಿದ ಎಲ್ಲಾ ಪ್ರಕ್ರಿಯೆಯನ್ನು ಪೂರ್ಣಗೊಳಿಸಿದ್ದಾರೆ.

ಬೆಲೆ 100 ಕಾರುಗಳಿಗೆ ಸಮಾನ!

ವಿರಾಟ್ ಕೊಹ್ಲಿಯ ಈ ಬಂಗಲೆಯ ಬೆಲೆ 6 ಕೋಟಿ ಎಂದು ಹೇಳಲಾಗುತ್ತಿದೆ. ಈ ಬೆಲೆಯಲ್ಲಿ, ವ್ಯಾಗನ್ಆರ್, ಸೆಲೆರಿಯೊ, ಕ್ವಿಡ್ ನಂತಹ 100 ಸಣ್ಣ ಕಾರುಗಳು ಭಾರತದಲ್ಲಿ ಬರಬಹುದು. ವಿರಾಟ್ ಕೊಹ್ಲಿ 36 ಲಕ್ಷ ರೂಪಾಯಿಯನ್ನು ಮುದ್ರಾಂಕ ಶುಲ್ಕವಾಗಿ ಪಾವತಿಸಿದ್ದಾರೆ ಎಂದು ತಿಳಿದು ಬಂದಿದೆ. ಈ ಬಂಗಲೆಯಲ್ಲಿ ಅವರಿಗೆ 400 ಚದರ ಅಡಿಯ ಈಜುಕೊಳವೂ ಇದೆ.

ಇದನ್ನೂ ಓದಿ: IND vs AUS: ಇಂದೋರ್ ಟೆಸ್ಟ್’ನಿಂದ ಆಸೀಸ್ ನಾಯಕ ಕಮಿನ್ಸ್ ಔಟ್: ಆದ್ರೆ ವಿಶ್ವದ ಈ ಮಾರಕ ಬೌಲರ್ ಪಾದಾರ್ಪಣೆ!

ವಿರಾಟ್ ಕೊಹ್ಲಿ ಅಲಿಬಾಗ್‌ನಲ್ಲಿರುವ ಮತ್ತೊಂದು ಆಸ್ತಿಯಲ್ಲಿ ಹೂಡಿಕೆ ಮಾಡಿದ್ದಾರೆ. ಕಳೆದ ವರ್ಷ ಸೆಪ್ಟೆಂಬರ್‌ನಲ್ಲಿ ಅವರು ತಮ್ಮ ಪತ್ನಿ ಅನುಷ್ಕಾ ಶರ್ಮಾ ಅವರೊಂದಿಗೆ ಅದೇ ಪ್ರದೇಶದಲ್ಲಿ 36,059 ಚದರ ಅಡಿ ತೋಟದ ಮನೆಯನ್ನು ನೋಂದಾಯಿಸಿದ್ದರು. ಈ ಫಾರ್ಮ್‌ಹೌಸ್‌ಗಾಗಿ ಅವರು ಸುಮಾರು 20 ಕೋಟಿ ರೂ. ಖರ್ಚು ಮಾಡಿದ್ದರು. ಟೀಂ ಇಂಡಿಯಾದ ಹಾಲಿ ನಾಯಕ ರೋಹಿತ್ ಶರ್ಮಾ ಕೂಡ ಅಲಿಬಾಗ್‌ನಲ್ಲಿ 4 ಎಕರೆ ಆಸ್ತಿ ಹೊಂದಿದ್ದಾರೆ.