ಸ್ಮೃತಿ ಮಂಧನಾ ಬಿರುಸಿನ ಹೊಡೆತಕ್ಕೆ ತತ್ತರಿಸಿದ ವಾರಿಯರ್ಸ್ : RCBಯಿಂದ ಯುಪಿಗೆ ಬಿಗ್ ಟಾರ್ಗೆಟ್

Smriti Mandhana : ಬೆಂಗಳೂರಿನ ಎಂ ಚಿನ್ನಸ್ವಾಮಿ ಮೈದಾನದಲ್ಲಿ ಇಂದು (ಮಾ.೪)ರಂದು ಸೋಮವಾರ  ಮಹಿಳಾ ಪ್ರೀಮಿಯರ್​ ಲೀಗ್​ 2024ರ 11ನೇ ಪಂದ್ಯದಲ್ಲಿ ಯುಪಿ ವಾರಿಯರ್ಜ್ ಮತ್ತು ರಾಯಲ್ ಚಾಲೆಂಜರ್ಸ್ ಬೆಂಗಳೂರು (RCB vs UPW) ತಂಡಗಳು ಆಡುತ್ತಿವೆ. 

ಮೊದಲಿಗೆ ಯುಪಿ ನಾಯಕಿ ಅಲಿಸ್ಸಾ ಹೀಲಿ ಬೆಂಗಳೂರು ವಿರುದ್ಧ ಟಾಸ್ ಗೆದ್ದು ಮೊದಲು ಬೌಲಿಂಗ್ ಆಯ್ಕೆ ಮಾಡಿಕೊಂಡರು. ಆರ್​ಸಿಬಿ ತಂಡದ ಬ್ಯಾಟರ್​ ಗಳು ಯುಪಿ ವಿರುದ್ಧ ಭರ್ಜರಿ ಬ್ಯಾಟಿಂಗ್​ ಮಾಡುವ ಮತ್ತು ಮೂಲಕ ಚಿನ್ನಸ್ವಾಮಿ ಮೈದಾನದ ಮೂಲೆ ಮೂಲೆಗೂ ಚೆಂಡುಗಳನ್ನು ಅಟ್ಟಿದರು. 

ಇದನ್ನು ಓದಿ : ಬೆಂಗಳೂರು ಮೂಲದ Gobuds Sports Earbuds ಬಿಡುಗಡೆ : ಈ ಕುರಿತು ಮಾಹಿತಿ ಇಲ್ಲಿದೆ

ಅದರಲ್ಲಿಯೂ ನಾಯಕಿ ಸ್ಮೃತಿ ಮಂಧನಾ   ಪೆರ್ರಿ  ಸ್ಪೋಟಕ ಬ್ಯಾಟಿಂಗ್​ ಮಾಡುವ ಮೂಲಕ ಆರ್​ಸಿಬಿ ತಂಡ ಅಂತಿಮವಾಗಿ 20 ಓವರ್​ ಗೆ 3 ವಿಕೆಟ್ ನಷ್ಟಕ್ಕೆ  198 ರನ್​ ಗಳಿಸುವ ಮೂಲಕ ಯುಪಿ ವಾರಿಯರ್ಸ್​​ ತಂಡಕ್ಕೆ 199 ರನ್​ ಗಳ ಬೃಹತ್​ ಟಾರ್ಗೆಟ್ ನೀಡಿದೆ.

ಟಾಸ್ ಸೋತು ಮೊದಲು ಬ್ಯಾಟಿಂಗ್​ ಮಾಡಿದ ರಾಯಲ್​ ಚಾಲೆಂಜರ್ಸ್​ ತಂಡಕ್ಕೆ ಆರಂಭಿಕರು ಉತ್ತಮ ಆರಂಭ ನೀಡಿದರು. ವೇಗವಾಗಿ ಸಿಕ್ಸ್​, ಫೋರ್​ ಗಳ ಮೂಲಕ ರನ್​ ಗಳಿಸುವ ಮೂಲಕ ಮಿಂಚಿದರು. ನಾಯಕಿಯಾಗಿ ಮತ್ತೊಮ್ಮೆ ಮಿಂಚಿದ ಸ್ಮೃತಿ ಮಂಧಾನ 50 ಎಸೆತದಲ್ಲಿ 10 ಬೌಂಡರಿ ಮತ್ತು 3 ಸಿಕ್ಸ್​ ಮೂಲಕ 80 ರನ್​ ಗಳಿಸಿ ಶತಕ ಮಿಸ್ ಮಾಡಿಕೊಂಡರು. ಮಂಧನಾ ಬಳಿಕ ಎಲ್ಲಿಸ್ ಪೆರ್ರಿ ಅವರೂ ಸಹ ಭರ್ಜರಿಯಾಗಿ ಬ್ಯಾಟಿಂಗ್​ ಮಾಡುವ ಮೂಲಕ ಅರ್ಧಶತಕ ಸಿಡಿಸಿದರು. 

ಇದನ್ನು ಓದಿ :  ರಾಜ್ಯದಲ್ಲಿ 1,190 ಚಾರ್ಜಿಂಗ್ ಸ್ಟೇಷನ್ ಸ್ಥಾಪಿಸಲು ಮುಂದಾದ ಎಸ್ಕಾಂ

ಕೊನೆಯಲ್ಲಿ ಮಿಂಚಿದ ಎಲ್ಲಿಸ್ ಪೆರ್ರಿ 37 ಎಸೆತದಲ್ಲಿ 4 ಬೌಂಡರಿ ಮತ್ತು 4 ಸಿಕ್ಸ್​ ಮೂಲಕ 58 ರನ್​ ಗಳಿಸಿದರು. ಉಳಿದಂತೆ ಸೋಫಿ ಡಿವೈನ್ 2 ರನ್, ಸಬ್ಬಿನೇನಿ ಮೇಘನಾ 21 ಎಸೆತದಲ್ಲಿ 5 ಬೌಂಡರಿ ಮೂಲಕ 28 ರನ್, ರಿಚಾ ಘೋಷ್ 10 ಎಸೆತದಲ್ಲಿ 2 ಬೌಂಡರಿ ಮತ್ತು 1 ಸಿಕ್ಸ್​ ಮೂಲಕ 21 ರನ್​ ಗಳಿಸಿದರು.