Watch: ವಿಮಾನದಲ್ಲಿ ಧೋನಿ ಮಲಗಿದ್ದಾಗ ಕದ್ದು ಫೋಟೋ ತೆಗೆಸಿಕೊಂಡ ಗಗನಸಖಿ! ಫ್ಯಾನ್ಸ್ ಏನಂದ್ರು ಗೊತ್ತಾ?

MS Dhoni Photo: ಟೀಂ ಇಂಡಿಯಾದ ಮಾಜಿ ನಾಯಕ ಎಂಎಸ್ ಧೋನಿ ಪ್ರಸ್ತುತ ವಿಶ್ವದಾದ್ಯಂತ ಅತ್ಯಂತ ಆರಾಧ್ಯ ಕ್ರಿಕೆಟಿಗರಲ್ಲಿ ಒಬ್ಬರು ಎನ್ನಬಹುದು. ಧೋನಿಯನ್ನು ಒಮ್ಮೆಯಾದ್ರೂ ನೋಡುವ ಅವಕಾಶ ಸಿಗಲಿ ಎಂದು ಅದೆಷ್ಟೋ ಫ್ಯಾನ್ಸ್ ಬೇಡಿಕೊಳ್ಳುತ್ತಿರುತ್ತಾರೆ. ಒಂದು ಕ್ಷಣ ಅಂತಹ ಅವಕಾಶ ಸಿಕ್ಕರೆ ನೆನಪಿಗಾಗಿ ಫೋಟೋ ತೆಗೆದುಕೊಳ್ಳದೆ ಇರಲಾರರು. ಇದೀಗ ಗಗನಸಖಿಯೊಬ್ಬಳು ಅಂತಹದ್ದೇ ಕ್ಷಣವನ್ನು ಅನುಭವಿಸಿದ್ದಾಳೆ.

ಇದನ್ನೂ ಓದಿ: 2ನೇ ODIನಲ್ಲಿ ಸೋಲುಂಡ ಭಾರತ: 4 ವರ್ಷಗಳ ಬಳಿಕ Team India ಅನುಭವಿಸಿತು ಆ ಕೆಟ್ಟ ಕ್ಷಣ!

ಸಾಮಾನ್ಯವಾಗಿ ಧೋನಿ ಸಾಮಾಜಿಕ ಜಾಲತಾಣವನ್ನು ಹೆಚ್ಚಾಗಿ ಬಳಕೆ ಮಾಡುವುದಿಲ್ಲ. ಕೂಲ್ ಕ್ಯಾಪ್ಟನ್ ಮಾಹಿ ಮೈದಾನದ ಹೊರತಾಗಿ, ಬೈಕ್ ಗಳ ಮೇಲೆ ಹೆಚ್ಚು ಕ್ರೇಜ್ ಹೊಂದಿದ್ದಾರೆ. ಇದರ ಜೊತೆಗೆ ತಮ್ಮ ಫಾರ್ಮ್ ಹೌಸ್ ನಲ್ಲಿ ಕಾಲ ಕಳೆಯುತ್ತಾರೆ ಎಂದು ಅನೇಕ ಮೂಲಗಳು ಹೇಳಿದ್ದುಂಟು.

ಅನೇಕ ಸಂದರ್ಭದಲ್ಲಿ ಧೋನಿಯ ಸುಂದರ ಕ್ಷಣಗಳನ್ನು ಸೆರೆಹಿಡಿದು ಅದನ್ನು ಅಭಿಮಾನಿಗಳು ಶೇರ್ ಮಾಡುತ್ತಾ 'MSDians' ಎಂಬೆಲ್ಲಾ ಹೆಸರನ್ನಿಟ್ಟುಕೊಳ್ಳುವುದನ್ನು ಸೋಶಿಯಲ್ ಮೀಡಿಯಾದಲ್ಲಿ ಕಾಣಬಹುದು. ಇತ್ತೀಚೆಗೆ, ವಿಮಾನ ಪ್ರಯಾಣದ ಸಮಯದಲ್ಲಿ ಧೋನಿ ಪಕ್ಕದಲ್ಲಿ ನಿಂತು ಗಗನಸಖಿ ಫೋಟೋ ತೆಗೆಸಿಕೊಂಡಿದ್ದಾಳೆ. ಆದರೆ ಇಲ್ಲಿ ಆ ಫೋಟೋ ತೆಗೆದಿದ್ದು ಧೋನಿ ಗೊತ್ತೇ ಇರಲಿಲ್ಲ. ಏಕೆಂದರೆ ಆ ಸಂದರ್ಭದಲ್ಲಿ ಅವರು ಮಲಗಿದ್ದರು.

ಈ ಫೋಟೋ ವೈರಲ್ ಆಗುತ್ತಿದ್ದಂತೆ ಅಭಿಮಾನಿಗಳಿಂದ ಮಿಶ್ರ ಪ್ರತಿಕ್ರಿಯೆ ವ್ಯಕ್ತವಾಗಿದೆ. ಕೆಲವರು ಸಂತೋಷ ಹಂಚಿಕೊಂಡರೆ ಇನ್ನೂ ಕೆಲವರು ಗೌಪ್ಯತೆಗೆ ಅಡ್ಡಿಪಡಿಸಿದ್ದೀರಿ ಎಂದು ಕಿಡಿಕಾರಿದ್ದಾರೆ. ಜೊತೆಗೆ ಟೀಕಿಸಿದ್ದಾರೆ.

ಇಂಡಿಯನ್ ಪ್ರೀಮಿಯರ್ ಲೀಗ್‌’ನ ಮತ್ತೊಂದು ಋತುವನ್ನು ಯಶಸ್ವಿಯಾಗಿ ಪೂರ್ಣಗೊಳಿಸಿ, ಐದನೇ ಪ್ರಶಸ್ತಿಯನ್ನು ಎತ್ತಿ ಹಿಡಿದ ಧೋನಿ ಸದ್ಯ ಮೊಣಕಾಲಿನ ಗಾಯದಿಂದ ಬಳಲುತ್ತಿದ್ದಾರೆ. ಈ ಹಿನ್ನಡೆಯ ಹೊರತಾಗಿಯೂ 2011 ರ ವಿಶ್ವಕಪ್ ವಿಜೇತ ನಾಯಕ, ಇತ್ತೀಚೆಗೆ ತಮ್ಮದೇ ನಿರ್ಮಾಣ ಕಂಪನಿಯಾದ ಧೋನಿ ಎಂಟರ್ಟೈನ್ಮೆಂಟ್ ಪ್ರೈವೇಟ್ ಅನ್ನು ಪ್ರಾರಂಭಿಸುವ ಮೂಲಕ ಮನರಂಜನಾ ಜಗತ್ತಿನಲ್ಲಿ ತೊಡಗಿಸಿಕೊಂಡಿದ್ದಾರೆ.