`ಕೊಹ್ಲಿಯಂತೆ...`- ಆಸೀಸ್‌ ವಿರುದ್ಧದ 2ನೇ ಟೆಸ್ಟ್‌ ದಿನಗಣನೆ ಬೆನ್ನಲ್ಲೇ ವಿರಾಟ್‌ ಬಗ್ಗೆ ರಿಕಿ ಪಾಂಟಿಂಗ್‌ ಹೇಳಿದ್ದೇನು?

India vs Australia 2nd Test: ಭಾರತ ಮತ್ತು ಆಸ್ಟ್ರೇಲಿಯಾ ನಡುವಿನ 5 ಟೆಸ್ಟ್ ಪಂದ್ಯಗಳ ಸರಣಿಯ ಎರಡನೇ ಪಂದ್ಯ ಡಿಸೆಂಬರ್ 6 ರಿಂದ ಅಡಿಲೇಡ್‌ನಲ್ಲಿ ನಡೆಯಲಿದೆ. ಈ ಪಿಂಕ್ ಬಾಲ್ ಪಂದ್ಯ ಹಗಲು-ರಾತ್ರಿ ನಡೆಯಲಿದ್ದು, ಪರ್ತ್‌ನಲ್ಲಿ ನಡೆದ ಮೊದಲ ಟೆಸ್ಟ್ ಪಂದ್ಯವನ್ನು ಗೆದ್ದಿರುವ ಟೀಮ್ ಇಂಡಿಯಾ ಸರಣಿಯಲ್ಲಿ 1-0 ಮುನ್ನಡೆ ಸಾಧಿಸಿದೆ. ಆಸ್ಟ್ರೇಲಿಯಾ ಪುನರಾಗಮನದ ಮೇಲೆ ಕಣ್ಣಿಟ್ಟಿದ್ದು, ಅಡಿಲೇಡ್ ಟೆಸ್ಟ್‌ಗೆ ಸ್ವತಃ ತಯಾರಿ ನಡೆಸುತ್ತಿದ್ದಾರೆ. ವೇಗದ ಬೌಲರ್ ಜೋಶ್ ಹ್ಯಾಜಲ್‌ವುಡ್ ಗಾಯಗೊಂಡಿದ್ದರಿಂದ ತಂಡ ದೊಡ್ಡ ಹೊಡೆತವನ್ನೇ ಅನುಭವಿಸುತ್ತಿದೆ. ಇಂತಹ ಪರಿಸ್ಥಿತಿಯಲ್ಲಿ ಮಾಜಿ ನಾಯಕ ರಿಕಿ ಪಾಂಟಿಂಗ್ ತಂಡಕ್ಕೆ ಉತ್ತೇಜನ ನೀಡಲು ಮುಂದಾಗಿದ್ದಾರೆ.

ಇದನ್ನೂ ಓದಿ: ಹಲಸಿನ ಹಣ್ಣಿನ ಬೀಜ ಹೀಗೆ ತಿಂದರೆ ಮಧುಮೇಹಿಗಳಿಗೆ ಎಷ್ಟೊಂದು ಲಾಭ..! ಗೊತ್ತಿದ್ದರೆ ಬಿಡುವುದೇ ಇಲ್ಲ

ರನ್ ಗಳಿಸಲು ಪರದಾಡುತ್ತಿರುವ ಮಾರ್ನಸ್ ಲ್ಯಾಬುಸ್ಚಾಗ್ನೆ ಮತ್ತು ಸ್ಟೀವ್ ಸ್ಮಿತ್ ಅವರು ಭಾರತದ ಸ್ಟಾರ್ ಬ್ಯಾಟ್ಸ್‌ಮನ್ ವಿರಾಟ್ ಕೊಹ್ಲಿ ಅವರಂತೆ ತಮ್ಮ ಆಟವನ್ನು ನಂಬಬೇಕು ಎಂದು ಪಾಂಟಿಂಗ್ ಸಲಹೆ ನೀಡಿದ್ದಾರೆ. ಪರ್ತ್‌ನಲ್ಲಿ ಸ್ಮಿತ್-ಲಬುಸ್ಚೆನ್ ಭಾರತದ ವೇಗದ ಬೌಲರ್‌ಗಳ ವಿರುದ್ಧ ಸೆಣಸಾಡುತ್ತಿರುವುದು ಕಂಡುಬಂದಿತು.

"ಪರ್ತ್‌ನಲ್ಲಿನ ಎಲ್ಲಾ ಬ್ಯಾಟ್ಸ್‌ಮನ್‌ಗಳಲ್ಲಿ, ಮಾರ್ನಸ್ ಹೆಚ್ಚು ಹೆಣಗಾಡುತ್ತಿರುವುದನ್ನು ಕಾಣಬಹುದು. ವಿಕೆಟ್ ಕಷ್ಟವಾಗಿದ್ದು ಭಾರತೀಯ ಬೌಲರ್ ಗಳು ಅಮೋಘ ಬೌಲಿಂಗ್ ಮಾಡುತ್ತಿದ್ದುದು ನಿಜ .ಆದರೆ ಅದನ್ನು ಬದಲಾಯಿಸಲು ದಾರಿ ಹುಡುಕಬೇಕು. ಕೊಹ್ಲಿ ಮೊದಲು ಐದು ರನ್ ಗಳಿಸಿ ಔಟಾಗಿದ್ದರು. ಆದರೆ ಮತ್ತೆ ಕಂಬ್ಯಾಕ್‌ ಮಾಡಿದ ಅಜೇಯ 100 ರನ್ ಗಳಿಸುವ ಮೂಲಕ ಪುನರಾಗಮನ ಮಾಡುವಲ್ಲಿ ಯಶಸ್ವಿಯಾದರು ಎಂದು ಆಸ್ಟ್ರೇಲಿಯಾದ ಮಾಜಿ ನಾಯಕ ಸಲಹೆ ನೀಡಿದ್ದಾರೆ.

"ವಿರಾಟ್ ಅವರ ಆಟವನ್ನು ನಂಬಿದ್ದರು. ಮೊದಲ ಇನ್ನಿಂಗ್ಸ್‌ಗೆ ಹೋಲಿಸಿದರೆ ಎರಡನೇ ಇನ್ನಿಂಗ್ಸ್‌ನಲ್ಲಿ ಅವರು ವಿಭಿನ್ನ ಆಟಗಾರರಂತೆ ಕಾಣುತ್ತಿದ್ದರು. ಎದುರಾಳಿ ತಂಡದ ವಿರುದ್ಧ ಸೆಣಸುವ ಬದಲು ತನ್ನ ಸ್ಟ್ರಾಂಗ್ ಪಾಯಿಂಟ್‌ಗಳತ್ತ ಗಮನ ಹರಿಸಿದರು. ಮಾರ್ನಸ್ ಮತ್ತು ಸ್ಮಿತ್ ಮಾಡಬೇಕಾದುದು ಅದನ್ನೇ - ಅವರ ಮಾರ್ಗವನ್ನು ಕಂಡುಕೊಳ್ಳಿ" ಎಂದರು.

ಇದನ್ನೂ ಓದಿ: ಈ 3 ಷರತ್ತುಗಳನ್ನು ಒಪ್ಪಿದ್ರೆ ಮಾತ್ರ ಹೈಬ್ರಿಡ್ ಮಾದರಿಯಲ್ಲಿ ಚಾಂಪಿಯನ್ಸ್ ಟ್ರೋಫಿ ಆಯೋಜನೆ

ಪಾಂಟಿಂಗ್ ಅವರು ಆಸ್ಟ್ರೇಲಿಯಾದ ಬ್ಯಾಟ್ಸ್‌ಮನ್‌ಗಳಿಗೆ ಹೆಚ್ಚಿನ ರಿಸ್ಕ್‌ ತೆಗೆದುಕೊಳ್ಳುವಂತೆ ಮತ್ತು ಭಾರತೀಯ ಬೌಲರ್‌ಗಳ ಮೇಲೆ ಒತ್ತಡ ಹೇರುವಂತೆ ಹೇಳಿದ್ದಾರೆ. "ನೀವು ರಿಸ್ಕ್ ತೆಗೆದುಕೊಳ್ಳಲು ಮತ್ತು ಬೌಲರ್‌ಗಳ ಮೇಲೆ ಒತ್ತಡ ಹೇರಲು ಒಂದು ಮಾರ್ಗವನ್ನು ಕಂಡುಕೊಳ್ಳಬೇಕು ಏಕೆಂದರೆ ಬುಮ್ರಾ ಅವರಂತಹ ಬೌಲರ್ ನಿಮಗೆ ರನ್ ಗಳಿಸಲು ನಿಮಗೆ ಸುಲಭವಾದ ಅವಕಾಶಗಳನ್ನು ನೀಡುವುದಿಲ್ಲ ಎಂದು ನಮಗೆಲ್ಲರಿಗೂ ತಿಳಿದಿದೆ" ಎಂದು ಅವರು ಹೇಳಿದರು.