IPL 2025 ರಲ್ಲಿ ಸಂಚಲನ..! ನಿಷೇಧಕ್ಕೊಳಗಾಗಿದ್ದ ಪಾಕಿಸ್ತಾನಿ ಆಟಗಾರರು ಮೆಗಾ ಹರಾಜಿಗೆ ಎಂಟ್ರಿ..?!

IPL 2025: ಈ ಬಾರಿಯ ಐಪಿಎಲ್ 2025 ಮೆಗಾ ಹರಾಜು ನವೆಂಬರ್ 24 ಮತ್ತು 25 ರಂದು ಸೌದಿ ಅರೇಬಿಯಾದ ಜೆಡ್ಡಾದಲ್ಲಿ ನಡೆಯಲಿದೆ. ಈಗಾಗಲೆ ಮೆಗಾ ಹರಾಜಿಗಾಗಿ  1574 ಆಟಗಾರರು ತಮ್ಮ ಹೆಸರನ್ನು ನೊಂದಾಯಿಸಿಕೊಂಡಿದ್ದು, ಈ 1574 ಆಟಗಾರರ ಪೈಕಿ ಬಿಸಿಸಿಐ 574 ಆಟಗಾರರನ್ನು ಶಾರ್ಟ್‌ಲಿಸ್ಟ್‌ ಮಾಡಿ ಪಟ್ಟಿಯನ್ನು ತಯಾರಿಸಿಕೊಂಡಿದೆ. 

ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) ನಲ್ಲಿ ಪಾಕಿಸ್ತಾನಿ ಕ್ರಿಕೆಟಿಗರಿಗೆ ಪ್ರವೇಶವಿಲ್ಲ. ಐಪಿಎಲ್ ಸೀಸನ್ ಅಥವಾ ಹರಾಜು ಬಂದಾಗಲೆಲ್ಲಾ ಪಾಕಿಸ್ತಾನಿ ಆಟಗಾರರ ಹೆಸರನ್ನು ಕೂಡ ಉಲ್ಲೇಖಿಸಲಾಗುತ್ತದೆ, ಅಷ್ಟೆ ಅಲ್ಲ ಸ್ವತಃ ಪಾಕಿಸ್ತಾನಿ ಆಟಗಾರರು ಐಪಿಎಲ್‌ನಲ್ಲಿ ಆಡುವ ಆಸೆಯನ್ನು ಹೊರಹಾಕಿದ್ದಾರೆ. ಈ ಪೈಕಿ ಶೋಯಬ್‌ ಮಲಿಕ್‌ ಹಾಗೂ ಶಾಹಿದ್‌ ಆಫ್ರಿದಿ ಹೆಸರು ಕೂಡ ಈ ಪಟ್ಟಿಯಲ್ಲಿ ಸೇರಿಕೊಂಡಿದೆ. 

ಪಾಕಿಸ್ತಾನ ತಂಡದ ಆಟಗಾರರಿಗೆ ಏಕೆ ಐಪಿಎಲ್‌ ಆಡಲು ಪರವೇಶವಿಲ್ಲ ಎಂಬ ಅನುಮಾನ ನಿಮ್ಮನ್ನು ಕೂಡ ಕಾಡುತ್ತಾ ಇರಬಹುದು, ಇದಕ್ಕೆ ಕಾರನ ಇದೆ. 2008ರವರೆಗೂ ಪಾಕಿಸ್ತಾನ ತಂಡ ಕೂಡ ಐಪಿಎಲ್‌ ಅನ್ನು ಆಡುತ್ತಿತ್ತು, ಆಗಿನ ಸಮಯದಲ್ಲಿ ಪಾಕಿಸ್ತಾನದ 11 ಆಟಗಾರರು ಐಪಿಎಲ್‌ನಲ್ಲಿ ಆಡುತ್ತಿದ್ದರು, ಆದರೆ ಅದರ ನಂತರ ಭಾರತ ಹಾಗೂ ಪಾಕಿಸ್ತಾನ ತಂಡದ ನಡುವಿನ ಸಂಬಂಧ ಹದಗೆಟ್ಟಿತು, ರಾಜಕೀಯ ಉದ್ವಿಗ್ನತೆಯಿಂದಾಗಿ, ಐಪಿಎಲ್‌ನಲ್ಲಿ ಪಾಕಿಸ್ತಾನಿ ಆಟಗಾರರನ್ನು ನಿಷೇಧಿಸಲಾಯಿತು. 

ಐಪಿಎಲ್‌ನ ಮೊದಲ ಸೀಸನ್‌ನಲ್ಲಿ 11 ಪಾಕಿಸ್ತಾನಿ ಆಟಗಾರರು ಅಬ್ಬರಿಸಿದ್ದರು, ಈ ಪೈಕಿ ಸಲ್ಮಾನ್ ಬಟ್, ಶೋಯೆಬ್ ಅಖ್ತರ್, ಮೊಹಮ್ಮದ್ ಹಫೀಜ್, ಉಮರ್ ಗುಲ್ ಶಮಿಲ್, ಕಮ್ರಾನ್ ಅಕ್ಮಲ್, ಯೂನಿಸ್ ಖಾನ್, ಸೊಹೈಲ್ ತನ್ವಿರ್, ಮೊಹಮ್ಮದ್ ಆಸಿಫ್, ಶೋಯೆಬ್ ಮಲಿಕ್, ಶಾಹಿದ್ ಅಫ್ರಿದಿ, ಮತ್ತು ಮಿಸ್ಬಾ ಉಲ್ ಹಕ್ ತಂಡದಲ್ಲಿದ್ದರು.