Wisden ODI Team Of The Year: ವಿಸ್ಡನ್ 2022 ಅತ್ಯುತ್ತಮ ODI ತಂಡ ಪ್ರಕಟ: ಟೀಂ ಇಂಡಿಯಾದ ಇಬ್ಬರು ಆಟಗಾರರಿಗೆ ಸ್ಥಾನ

Wisden ODI Team Of The Year: ವಿಸ್ಡನ್ 2022 ರ ವರ್ಷದ ODI ತಂಡವನ್ನು ಆಯ್ಕೆ ಮಾಡಿದೆ. ಇದರಲ್ಲಿ ವಿಶ್ವದ ಅತ್ಯುತ್ತಮ 11 ಆಟಗಾರರನ್ನು ಪಟ್ಟಿ ಮಾಡಿದ್ದಾರೆ. ಈ ತಂಡದಲ್ಲಿ ಭಾರತದ ಇಬ್ಬರು ಆಟಗಾರರೂ ಸ್ಥಾನ ಪಡೆದಿದ್ದಾರೆ. ಆದರೆ ಸ್ಟಾರ್ ಕ್ರಿಕೆಟಿಗರು ಎನಿಸಿಕೊಂಡಿದ್ದ ರೋಹಿತ್ ಶರ್ಮಾ, ವಿರಾಟ್ ಕೊಹ್ಲಿ ಮತ್ತು ಶಿಖರ್ ಧವನ್ ಅವರಿಗೆ ಅವಕಾಶ ಸಿಕ್ಕಿಲ್ಲ. ಈ ತಂಡದ ನಾಯಕನಾಗಿ ಪಾಕಿಸ್ತಾನದ ಸ್ಟಾರ್ ಆಟಗಾರ ಆಯ್ಕೆಯಾಗಿದ್ದಾರೆ. ವಿಸ್ಡನ್ ಪ್ರಕಾರ, ಜನವರಿ 1, 2022 ರಿಂದ ಡಿಸೆಂಬರ್ 31, 2022 ರವರೆಗಿನ ಪ್ರದರ್ಶನಗಳನ್ನು ಗಮನದಲ್ಲಿಟ್ಟುಕೊಂಡು ಈ ತಂಡವನ್ನು ಆಯ್ಕೆ ಮಾಡಲಾಗಿದೆ.

ಇದನ್ನೂ ಓದಿ: Pandya brothers: ಗೃಹ ಸಚಿವ ಅಮಿತ್ ಶಾ ಭೇಟಿ ಮಾಡಿದ ಪಾಂಡ್ಯ ಬ್ರದರ್ಸ್!

ಆಸ್ಟ್ರೇಲಿಯಾದ ಟ್ರೆವಿಡ್ ಹೆಡ್ ಮತ್ತು ಪಾಕಿಸ್ತಾನದ ಇಮಾಮ್-ಉಲ್-ಹಕ್ ಆರಂಭಿಕ ಪಂದ್ಯಕ್ಕೆ ಆಯ್ಕೆಯಾಗಿದ್ದಾರೆ. ಟ್ರಾವಿಸ್ ಹೆಡ್ 9 ಪಂದ್ಯಗಳಲ್ಲಿ 550 ರನ್ ಗಳಿಸಿದ್ದಾರೆ. ಇಮಾಮ್-ಉಲ್-ಹಕ್ 2022 ರಲ್ಲಿ 8 ಪಂದ್ಯಗಳಲ್ಲಿ 505 ರನ್ ಗಳಿಸಿದ್ದಾರೆ. ಪಾಕಿಸ್ತಾನದ ಸ್ಟಾರ್ ಬ್ಯಾಟ್ಸ್‌ಮನ್ ಬಾಬರ್ ಅಜಮ್ ಮೂರನೇ ಕ್ರಮಾಂಕದಲ್ಲಿ ಸ್ಥಾನ ಪಡೆದಿದ್ದಾರೆ. ಅವರನ್ನು ತಂಡದ ನಾಯಕರನ್ನಾಗಿಯೂ ಮಾಡಲಾಗಿದೆ. ಬಾಬರ್ ಅಜಮ್ ಉತ್ತಮ ಫಾರ್ಮ್‌ನಲ್ಲಿ ಆಟವಾಡುತ್ತಿದ್ದು, ಈ ವರ್ಷ ಅವರು 9 ಏಕದಿನ ಪಂದ್ಯಗಳಲ್ಲಿ 679 ರನ್ ಗಳಿಸಿದ್ದಾರೆ.

ವಿಸ್ಡನ್‌ನ ವರ್ಷದ ಏಕದಿನ ತಂಡದಲ್ಲಿ ಭಾರತದಿಂದ ಶ್ರೇಯಸ್ ಅಯ್ಯರ್ ಮತ್ತು ಮೊಹಮ್ಮದ್ ಸಿರಾಜ್ ಸ್ಥಾನ ಪಡೆದಿದ್ದಾರೆ. ಈ ಇಬ್ಬರೂ ಆಟಗಾರರು 2022 ರಲ್ಲಿ ಭಾರತಕ್ಕಾಗಿ ಅಸಾಧಾರಣವಾದ ಸಾಧನೆ ಮಾಡಿದ್ದಾರೆ. ಶ್ರೇಯಸ್ ಅಯ್ಯರ್ 17 ಏಕದಿನ ಪಂದ್ಯಗಳಲ್ಲಿ 724 ರನ್ ಗಳಿಸಿದ್ದಾರೆ. ಸಿರಾಜ್ 15 ಏಕದಿನ ಪಂದ್ಯಗಳಲ್ಲಿ 24 ವಿಕೆಟ್ಗಳನ್ನು ದಾಖಲಿಸಿದ್ದಾರೆ.

ವಿಸ್ಡನ್ ನ್ಯೂಜಿಲೆಂಡ್ ನ ಟಾಮ್ ಲ್ಯಾಥಮ್ ಅವರನ್ನು ವಿಕೆಟ್ ಕೀಪಿಂಗ್ ಗೆ ಆಯ್ಕೆ ಮಾಡಿದೆ. ಇದೇ ವೇಳೆ ದಕ್ಷಿಣ ಆಫ್ರಿಕಾದ ರಾಸಿ ವಾನ್ ಡೆರ್ ಡುಸ್ಸೆನ್ ಆರನೇ ಕ್ರಮಾಂಕದ ಅವಕಾಶ ಪಡೆದಿದ್ದಾರೆ. ದುಸ್ಸೇನ್ 2022 ರಲ್ಲಿ ಸಾಕಷ್ಟು ರನ್ ಗಳಿಸಿದ್ದಾರೆ. ಬಾಂಗ್ಲಾದೇಶದ ಆಲ್ ರೌಂಡರ್ ಮೆಹದಿ ಹಸನ್ ಮಿರಾಜ್ ಏಳನೇ ಕ್ರಮಾಂಕದಲ್ಲಿ ಅವಕಾಶ ಪಡೆದಿದ್ದಾರೆ.

ವಿಸ್ಡನ್ ತಂಡದಲ್ಲಿ ವೆಸ್ಟ್ ಇಂಡೀಸ್ ನ ಅಲ್ಜಾರಿ ಜೋಸೆಫ್ ಕೂಡ ಸೇರ್ಪಡೆಗೊಂಡಿದ್ದಾರೆ. ವೇಗದ ಬೌಲಿಂಗ್ ದಾಳಿಯ ಜವಾಬ್ದಾರಿಯನ್ನು ಟ್ರೆಂಟ್ ಬೌಲ್ಟ್ಗೆ ವಹಿಸಲಾಗಿದೆ. ಆಡಮ್ ಝಂಪಾ ಸ್ಪಿನ್ನರ್ ಆಗಿ ಅವಕಾಶ ಪಡೆದಿದ್ದಾರೆ. 12ನೇ ಆಟಗಾರನಾಗಿ ಜಿಂಬಾಬ್ವೆಯ ಸಿಕಂದರ್ ರಜಾಗೆ ಅವಕಾಶ ಸಿಕ್ಕಿದೆ.

ಇದನ್ನೂ ಓದಿ: Rishabh Pant: ಆಸೀಸ್ ಸರಣಿಯಲ್ಲಿ ಪಂತ್ ಬದಲಿಗೆ ಈ ಮೂವರಲ್ಲಿ ಒಬ್ಬರಿಗೆ ಸಿಗಲಿದೆ ಸ್ಥಾನ!

ವಿಸ್ಡನ್‌ನ ವರ್ಷದ ODI ತಂಡ:

ಟ್ರೆವಿಡ್ ಹೆಡ್, ಇಮಾಮ್-ಉಲ್-ಹಕ್, ಬಾಬರ್ ಅಜಮ್ (ನಾ), ಶ್ರೇಯಸ್ ಅಯ್ಯರ್, ಟಾಮ್ ಲಾಥಮ್, ರೋಸ್ಸಿ ವ್ಯಾನ್ ಡುಸೇನ್, ಮೆಹಿದಿ ಹಸನ್ ಮಿರಾಜ್, ಅಲ್ಜಾರಿ ಜೋಸೆಫ್, ಮೊಹಮ್ಮದ್ ಸಿರಾಜ್, ಟ್ರೆಂಟ್ ಬೌಲ್ಟ್, ಆಡಮ್ ಝಂಪಾ, ಸಿಕಂದರ್ ರಜಾ.