ವಿಶ್ವಕಪ್ ನಲ್ಲಿ ಕಳಪೆ ಪ್ರದರ್ಶನದ ನಡುವೆಯೂ ದಾಖಲೆ ನಿರ್ಮಿಸಿದ ಇಂಗ್ಲೆಂಡ್ ತಂಡ

2023ರ ವಿಶ್ವಕಪ್‌ನಲ್ಲಿ ಇಂಗ್ಲೆಂಡ್‌ನ ಕಳಪೆ ಪ್ರದರ್ಶನ ಮುಂದುವರಿದಿದೆ.ಗುರುವಾರ (ಅಕ್ಟೋಬರ್ 26) ನಡೆದ ಶ್ರೀಲಂಕಾ ವಿರುದ್ಧದ ಪಂದ್ಯದಲ್ಲಿ ಇಂಗ್ಲೆಂಡ್ 8 ವಿಕೆಟ್ ಗಳ ಹೀನಾಯ ಸೋಲನ್ನು ಎದುರಿಸಬೇಕಾಯಿತು.

ಇಂಗ್ಲೆಂಡ್ ತಂಡವು  ಹ್ಯಾಟ್ರಿಕ್ ಸೋಲು ಕಂಡಿದ್ದು, 5 ಪಂದ್ಯಗಳಲ್ಲಿ ಕೇವಲ 1 ಗೆಲುವಿನೊಂದಿಗೆ ಪಾಯಿಂಟ್ ಪಟ್ಟಿಯಲ್ಲಿ 9ನೇ ಸ್ಥಾನದಲ್ಲಿದೆ. ಈಗ ಶ್ರೀಲಂಕಾ ವಿರುದ್ಧದ ಸೋಲಿನೊಂದಿಗೆ ತಂಡವು ವಿಚಿತ್ರ ದಾಖಲೆಯನ್ನು ನಿರ್ಮಿಸಿದೆ.

ಇದನ್ನೂ ಓದಿ: ಜಾನಪದ ಸೊಗಡಿನ ಹಾಡು ಬರೆದು ಕೊಟ್ಟಿದ್ದು ಡಾಲಿ ಧನಂಜಯ್‌

ಸ್ಟೋಕ್ಸ್, ರೂಟ್ ಮತ್ತು ಬಟ್ಲರ್ ಅವರಂತಹ ಸ್ಫೋಟಕ ಬ್ಯಾಟ್ಸ್‌ಮನ್‌ಗಳಿಂದ ತುಂಬಿರುವ ಇಂಗ್ಲೆಂಡ್ ತಂಡವು 2023 ರ ವಿಶ್ವಕಪ್‌ನಿಂದ ಹೊರಬೀಳುವ ಅಂಚಿನಲ್ಲಿದೆ.ಕಳೆದ ಗುರುವಾರದಂದು ನಡೆದ ಪಂದ್ಯದಲ್ಲಿ ಶ್ರೀಲಂಕಾ 8 ವಿಕೆಟ್‌ಗಳಿಂದ ಭಾರತವನ್ನು ಹೀನಾಯವಾಗಿ ಸೋಲಿಸಿತ್ತು. ಇಂಗ್ಲೆಂಡ್ ನಾಯಕ ಜೋಸ್ ಬಟ್ಲರ್ ಮೊದಲು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡಿದ್ದರು ಆದರೆ ಸಮರ್ಥ ಬ್ಯಾಟ್ಸಮನ್ ಗಳಿದ್ದರೂ ಸಹ ಕೇವಲ 156 ರನ್‌ ಸರ್ವಪತನ ಕಾಣಬೇಕಾಯಿತು.2023 ರ ವಿಶ್ವಕಪ್‌ನ ಮೊದಲ ಪಂದ್ಯವನ್ನು ಆಡುತ್ತಿರುವ ಬೆನ್ ಸ್ಟೋಕ್ಸ್ ಗರಿಷ್ಠ 43 ರನ್ ಗಳಿಸಿದರೆ, ಜಾನಿ ಬೈರ್‌ಸ್ಟೋ 30 ಮತ್ತು ಡೇವಿಡ್ ಮಲಾನ್ 28 ರನ್ ಗಳಿದರು. ಜೋ ರೂಟ್ ಮತ್ತು ಜೋಸ್ ಬಟ್ಲರ್ ಅವರಂತಹ ಸ್ಫೋಟಕ ಬ್ಯಾಟ್ಸ್‌ಮನ್‌ಗಳು ಸಂಪೂರ್ಣ ವಿಫಲರಾದರು. ಇದಕ್ಕುತ್ತರವಾಗಿ ಶ್ರೀಲಂಕಾದ ಪಾಥುಮ್ ನಿಸ್ಸಾಂಕ (77) ಮತ್ತು ಸದಿರಾ ಸಮರವಿಕ್ರಮ (65) ಅವರ ಅಜೇಯ 137 ರನ್‌ಗಳ ಜೊತೆಯಾಟವು ಕೇವಲ 25.4 ಓವರ್‌ಗಳಲ್ಲಿ ತಂಡಕ್ಕೆ ದೊಡ್ಡ ಜಯವನ್ನು ತಂದುಕೊಟ್ಟಿತು.

ಇದನ್ನೂ ಓದಿ: ಅರಣ್ಯ ಇಲಾಖೆಯಿಂದ ಮತ್ತಷ್ಟು ಕಠಿಣ ಕಾನೂನು

ಶ್ರೀಲಂಕಾ ವಿರುದ್ಧದ ಪಂದ್ಯದಲ್ಲಿ ಸೋಲುವ ಮೂಲಕ ಹಾಲಿ ವಿಶ್ವಚಾಂಪಿಯನ್ ಇಂಗ್ಲೆಂಡ್ ತಂಡ ಹೊಸ ದಾಖಲೆ ಮಾಡಿದೆ. ವಾಸ್ತವವಾಗಿ, 1996 ರ ನಂತರ ಇಂಗ್ಲೆಂಡ್ ವಿಶ್ವಕಪ್‌ನಲ್ಲಿ ಹ್ಯಾಟ್ರಿಕ್ ಸೋಲು ಕಂಡಿರುವುದು ಇದೇ ಮೊದಲು. 27 ವರ್ಷಗಳ ನಂತರ ಇಂಗ್ಲೆಂಡ್ ಈ ಕಳಪೆ ದಾಖಲೆಯನ್ನು ಮತ್ತೊಮ್ಮೆ ಪುನರಾವರ್ತಿಸಿದೆ.