Joe Root: ಮಿಡ್ ಲೆಗ್ ಬಾಲ್.. ವಿಚಿತ್ರ ರೀತಿಯಲ್ಲಿ ಜೋ ರೂಟ್ ಕ್ಲೀನ್‌ಬೌಲ್ಡ್

Joe Root gets clean-bowled : ನೆದರ್​ಲೆಂಡ್ಸ್​ ವಿರುದ್ಧ ಇಂಗ್ಲೆಂಡ್ ಭರ್ಜರಿ ಗೆಲುವು ಸಾಧಿಸಿದೆ. ಪುಣೆಯ ಎಂಸಿಎ ಸ್ಟೇಡಿಯಂನಲ್ಲಿ ನಡೆದ ಈ ಪಂದ್ಯದಲ್ಲಿ ಟಾಸ್ ಗೆದ್ದ ಇಂಗ್ಲೆಂಡ್ ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡಿತು. ಇಂಗ್ಲೆಂಡ್ ಪರ ಬೆನ್ ಸ್ಟೋಕ್ಸ್ 108 ರನ್‌ಗಳ ಭರ್ಜರಿ ಶತಕ ಸಿಡಿಸಿದರು. ಡೇವಿಡ್ ಮಲಾನ್ (87) ಮತ್ತು ಕ್ರಿಸ್ ವೋಕ್ಸ್ (51) ಅರ್ಧಶತಕದೊಂದಿಗೆ ಮಿಂಚಿದರು.  ಇಂಗ್ಲೆಂಡ್​ ತಂಡ 50 ಓವರ್‌ಗಳಲ್ಲಿ 9 ವಿಕೆಟ್ ನಷ್ಟಕ್ಕೆ 339 ರನ್​ ಕಲೆ ಹಾಕಿತು. 340 ರನ್‌ಗಳ ಬೃಹತ್ ಗುರಿಯನ್ನು ನೆದರ್​ಲೆಂಡ್ಸ್​ ತಂಡಕ್ಕೆ ನೀಡಿತು. 37.2 ಓವರ್‌ಳಲ್ಲಿ 179 ರನ್‌ ಗಳಿಸಿ ನೆದರ್​ಲೆಂಡ್ಸ್​ ತಂಡ ಆಲೌಟ್ ಆಯಿತು. ಇಂಗ್ಲೆಂಡ್ ಗೆ 160 ರನ್‌ಗಳ ಭರ್ಜರಿ ಗೆಲುವು ದೊರೆಯಿತು. ಆದರೆ ಈ ಪಂದ್ಯದಲ್ಲಿ ಜೋ ರೂಟ್ ವಿಚಿತ್ರ ರೀತಿಯಲ್ಲಿ ಔಟಾದರು. ರಿವರ್ಸ್ ಸ್ಕೂಪ್ ಶಾಟ್ ಆಡುವಾಗ ಕ್ಲೀನ್ ಬೌಲ್ಡ್ ಆದರು.  

ಇದನ್ನೂ ಓದಿ : ICC WorldCup 2023: ಒಂಟಿಗಾಲಿನಲ್ಲಿ ಸ್ಫೋಟಕ ಆಟ, ಹಲವು ದಾಖಲೆ ಬರೆದ ಗ್ಲೆನ್ ಮ್ಯಾಕ್ಸ್‌ವೆಲ್!

ಜೋ ರೂಟ್ ರಿವರ್ಸ್ ಸ್ಕೂಪ್ ಶಾಟ್ ಆಡಲು ಹೋಗಿ ಔಟಾಗಿದ್ದಾರೆ. ಈಗಾಗಲೇ ಹಲವು ಪಂದ್ಯಗಳಲ್ಲಿ ರಿವರ್ಸ್ ಸ್ಕೂಪ್‌ ಶಾಟ್‌ ಮೂಲಕ ಯಶಸ್ವಿಯಾಗಿ ರನ್ ಗಳಿಸಿದ್ದರು. ಆದರೆ ಈ ಪಂದ್ಯದಲ್ಲಿ ಅವರು ರಿವರ್ಸ್ ಸ್ಕೂಪ್‌ ಶಾಟ್‌ ಗೆ ಯತ್ನಿಸಿ ವಿಫಲರಾದರು. 

ಔಟಾಗುವ ಮುನ್ನ ಜೋ ರೂಟ್ ಉತ್ತಮ ಲಯದಲ್ಲಿ ಬೃಹತ್ ಇನ್ನಿಂಗ್ಸ್ ಆಡುವಂತೆ ತೋರಿದರು. 21ನೇ ಓವರ್ ನಲ್ಲಿ ನೆದರ್ಲೆಂಡ್ ನ ವೇಗಿ ಲೋಗನ್ ವ್ಯಾನ್ ಬೀಕ್ ಬೌಲಿಂಗ್ ವೇಳೆ ಥರ್ಡ್ ಮ್ಯಾನ್‌ಗೆ ಸ್ಕೂಪ್ ಮಾಡಲು ಜೋ ರೂಟ್‌ ಪ್ರಯತ್ನಿಸಿದರು. ಲೆಂತಿ ಎಸೆತವನ್ನು ತಪ್ಪಿಸಿ ಕ್ಲೀನ್ ಬೌಲ್ಡ್ ಆದರು. ಚೆಂಡು ನಿರೀಕ್ಷಿತ ಮಟ್ಟದಲ್ಲಿ ಪುಟಿದೇಳದೆ ನೇರವಾಗಿ ವಿಕೆಟ್‌ಗಳಿಗೆ ಬಡಿಯಿತು. ಚೆಂಡು ಜೋ ರೂಟ್‌ ಕಾಲುಗಳ ಮೂಲಕ ಹೋಗಿ ಸ್ಟಂಪ್‌ಗಳ ಮೇಲೆ ಬೌನ್ಸ್ ಆಯಿತು. ಇದಕ್ಕೆ ಸಂಬಂಧಿಸಿದ ವಿಡಿಯೋ ವೈರಲ್ ಆಗಿದೆ. ಜೋ ರೂಟ್ ಔಟ್ ಬಗ್ಗೆ ಕ್ರಿಕೆಟ್ ಅಭಿಮಾನಿಗಳು ಆಶ್ಚರ್ಯ ಪಡುತ್ತಿದ್ದಾರೆ.

ಇದನ್ನೂ ಓದಿ : ಸಂಕಷ್ಟದಲ್ಲಿದೆ ಈ ತಂಡ! ಕೊನೆಯ ಪಂದ್ಯ ಆಡದೆಯೇ ಹೊರಬೀಳುವ ಸಾಧ್ಯತೆ-ಪಾಕ್’ಗೆ ಸಿಗಲಿದೆ ಡೈರೆಕ್ಟ್ ಎಂಟ್ರಿ