“ಆತ ಚೆನ್ನಾಗಿ ಆಡಿದ್ರೆ ನಮ್ಗೆ ದುಡ್ಡು ಸಿಗುತ್ತೆ..”- ಗಂಡನೇ ಬೇಡ ಅಂದಿದ್ದ ಶಮಿ ಪತ್ನಿ ಆತನ ಸಂಪಾದನೆ ಬಗ್ಗೆ ಹೇಳಿದ್ದು ಹೀಗೆ..

ODI World Cup 2023: ಮೊಹಮ್ಮದ್ ಶಮಿ 2023ರ ವಿಶ್ವಕಪ್‌’ನಲ್ಲಿ ಮಿಂಚುತ್ತಿರುವುದು ಎಲ್ಲರಿಗೂ ತಿಳಿದ ಸಂಗತಿ. ಮೊದಲ ಕೆಲವು ಪಂದ್ಯಗಳ ಪ್ಲೇಯಿಂಗ್ 11ನಲ್ಲಿ ಸ್ಥಾನ ಪಡೆಯದ ಶಮಿ, ಆ ಬಳಿಕ ಅಂದರೆ ಹಾರ್ದಿಕ್ ಪಾಂಡ್ಯ ಗಾಯದ ಹಿನ್ನೆಲೆಯಲ್ಲಿ ಹೊರಬಿದ್ದ ಬಳಿಕ ಅವಕಾಶ ಪಡೆದಿದ್ದರು.

ಸಿಕ್ಕ ಅವಕಾಶವನ್ನು ಭರ್ಜರಿಯಾಗಿ ಬಳಸಿಕೊಂಡ ಶಮಿ ಆಡಿದ 4 ಪಂದ್ಯಗಳಲ್ಲಿ ಇಲ್ಲಿಯವರೆಗೆ 16 ವಿಕೆಟ್’ಗಳನ್ನು ಕಬಳಿಸಿದ್ದಾರೆ. ಅಷ್ಟೇ ಅಲ್ಲದೆ, ಈ ಮೂಲಕ ಟೂರ್ನಿಯಲ್ಲಿ ಅತಿ ಹೆಚ್ಚು ವಿಕೆಟ್ ಪಡೆದ ನಾಲ್ಕನೇ ಬೌಲರ್ ಆಗಿ ಹೊರಹೊಮ್ಮಿದ್ದಾರೆ.

ಇದನ್ನೂ ಓದಿ: ಸಂಕಷ್ಟದಲ್ಲಿದೆ ಈ ತಂಡ! ಕೊನೆಯ ಪಂದ್ಯ ಆಡದೆಯೇ ಹೊರಬೀಳುವ ಸಾಧ್ಯತೆ

ಈ ನಡುವೆ ಶಮಿ ಪತ್ನಿ ಹಸಿನ್ ಜಹಾನ್ ಹೇಳಿಕೆಯೊಂದು ಬೆಳಕಿಗೆ ಬಂದಿದೆ. “ನಾನು ಕ್ರಿಕೆಟ್ ಅಭಿಮಾನಿಯಲ್ಲ ಹಾಗಾಗಿ ನೋಡಲು ಇಷ್ಟಪಡುವುದಿಲ್ಲ. ಜೊತೆಗೆ ಟೂರ್ನಿಯಲ್ಲಿ ಯಾರು ಎಷ್ಟು ವಿಕೆಟ್‌ ಕಬಳಿಸಿದ್ದಾರೆ ಎಂದೂ ಸಹ ನನಗೆ ತಿಳಿದಿಲ್ಲ” ಎಂದಿದ್ದಾರೆ.

ನ್ಯೂಸ್ ನೇಷನ್’ನಲ್ಲಿ ಶಮಿ ಕುರಿತು ಮಾತನಾಡಿದ ಪತ್ನಿ ಹಸಿನ್, “ಅವರು ಉತ್ತಮ ಪ್ರದರ್ಶನ ನೀಡುತ್ತಿದ್ದಾರೆ. ವಿಕೆಟ್ ಪಡೆಯುತ್ತಿದ್ದಾರೆ. ಆತ ಚೆನ್ನಾಗಿ ಆಡಿದರೆ ನಾವು ಉಳಿಯುತ್ತೇವೆ.  ಚೆನ್ನಾಗಿ ಗಳಿಸುತ್ತೇವೆ ಮತ್ತು ನಮ್ಮ ಭವಿಷ್ಯವು ಸುರಕ್ಷಿತವಾಗಿರುತ್ತದೆ” ಎಂದು ಟೀಂ ಇಂಡಿಯಾ ಗೆಲುವಿಗೆ ಶುಭ ಹಾರೈಸಿದ್ದಾರೆ.

ಮೊಹಮ್ಮದ್ ಶಮಿ ಮತ್ತು ಅವರ ಪತ್ನಿ ಹಸಿನ್ ಜಹಾನ್ ಪ್ರಸ್ತುತ ಪ್ರತ್ಯೇಕವಾಗಿ ವಾಸಿಸುತ್ತಿದ್ದಾರೆ. 2018ರಲ್ಲಿ ಯಾವುದೋ ವಿಚಾರದಲ್ಲಿ ಇಬ್ಬರ ನಡುವೆ ಜಗಳವಾಗಿತ್ತು. ಈ ಅವಧಿಯಲ್ಲಿ ಜಹಾನ್ ಶಮಿ ವಿರುದ್ಧ ಹಲವು ಆರೋಪಗಳನ್ನು ಮಾಡಿದ್ದರು. ಇದರಲ್ಲಿ ಕೌಟುಂಬಿಕ ಹಿಂಸಾಚಾರ, ಮ್ಯಾಚ್ ಫಿಕ್ಸಿಂಗ್ ಮುಂತಾದ ಕೆಲವು ಪ್ರಮುಖ ಆರೋಪಗಳೂ ಸೇರಿವೆ.

ಇದನ್ನೂ ಓದಿ: “ನಾಚಿಕೆಯಾಗಬೇಕು… ನಾನ್ ಸೆನ್ಸ್”- ಮೊಹಮ್ಮದ್ ಶಮಿ ಶಾಕಿಂಗ್ ಹೇಳಿಕೆ ಕೊಟ್ಟಿದ್ದು ಯಾರಿಗೆ ಗೊತ್ತಾ?

ವಿಶ್ವಕಪ್‌’ನಲ್ಲಿ ಭಾರತದ ಸ್ಥಾನ:

2023ರ ವಿಶ್ವಕಪ್‌’ನಲ್ಲಿ ಭಾರತ ತಂಡ ವಿಜಯರಥದಲ್ಲಿ ಸವಾರಿ ಮಾಡುತ್ತಿದೆ. ಬ್ಲೂ ಬಾಯ್ಸ್ ಇದುವರೆಗೆ ಟೂರ್ನಿಯಲ್ಲಿ ಒಟ್ಟು ಎಂಟು ಪಂದ್ಯಗಳನ್ನು ಆಡಿದ್ದು, ಅದರಲ್ಲಿ ಒಂದೇ ಒಂದು ಪಂದ್ಯವನ್ನು ಸೋಲದೆ ಸೆಮಿಫೈನಲ್’ಗೆ ಅಧಿಕೃತವಾಗಿ ಪ್ರವೇಶ ಪಡೆದಿದೆ. ಅಂಕಪಟ್ಟಿಯಲ್ಲಿ ರೋಹಿತ್ ಪಡೆ 16 ಅಂಕಗಳೊಂದಿಗೆ ಮೊದಲ ಸ್ಥಾನದಲ್ಲಿದೆ.