“ಮೊಮ್ಮಗನಿಗೆ ಯಾರ ಕಣ್ಣೂ ಬೀಳದಿರಲಿ…” ಎನ್ನುತ್ತಾ ದೃಷ್ಟಿ ತೆಗೆದ ರಚಿನ್ ರವೀಂದ್ರ ಅಜ್ಜಿ! ವಿಡಿಯೋ

World Cup 2023, Rachin Ravindra: ಐಸಿಸಿ ಏಕದಿನ ವಿಶ್ವಕಪ್‌’ನಲ್ಲಿ ನ್ಯೂಜಿಲೆಂಡ್ ಪರ ಬ್ಯಾಟ್ ಬೀಸುತ್ತಾ ಅಬ್ಬರಿಸುತ್ತಿರುವ ಆರಂಭಿಕ ಬ್ಯಾಟ್ಸ್‌’ಮನ್ ರಚಿನ್ ರವೀಂದ್ರ ಅವರು ತಮ್ಮ ತಾತಾ-ಅಜ್ಜಿಯನ್ನು ಭೇಟಿ ಮಾಡಲೆಂದು ಬೆಂಗಳೂರಿಗೆ ಆಗಮಿಸಿದ್ದಾರೆ. ಮೊಮ್ಮಗ ಮನೆಗೆ ಬಂದ ಖುಷಿಯಲ್ಲಿ ರಚಿನ್ ಅವರ ಅಜ್ಜಿ, ಯಾರ ಕಣ್ಣೂ ಬೀಳದಿರಲಿ ಎಂದು ದೃಷ್ಟಿ ತೆಗೆದಿದ್ದಾರೆ. ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದೆ.

ಇದನ್ನೂ ಓದಿ: ಮಳೆಯಿಂದಾಗಿ ಸೆಮಿಫೈನಲ್ ಪಂದ್ಯ ರದ್ದಾದ್ರೆ ಫೈನಲ್’ಗೆ ಪ್ರವೇಶ ಪಡೆಯುವ ತಂಡ ಯಾವುದು ಗೊತ್ತಾ?

ರಚಿನ್ ಅವರು ಎರಡು ಪಂದ್ಯಗಳನ್ನು ಆಡುವ ಸಲುವಾಗಿ ತಮ್ಮ ತಂಡದೊಂದಿಗೆ ಬೆಂಗಳೂರಿಗೆ ಆಗಮಿಸಿದ್ದರು. ಇನ್ನು ಎಂ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಪಾಕಿಸ್ತಾನ ವಿರುದ್ಧ ನಡೆದ ಪಂದ್ಯದಲ್ಲಿ ರಚಿನ್ ಅದ್ಭುತ ಶತಕ ಬಾರಿಸಿದ್ದರು. ಈ ಪಂದ್ಯವನ್ನು ವೀಕ್ಷಿಸಲು ಅವರ ಅಜ್ಜಿಯೂ ಕ್ರೀಡಾಂಗಣಕ್ಕೆ ಆಗಮಿಸಿದ್ದರು. ಅಂದಹಾಗೆ ರಚಿನ್ ಕರ್ನಾಟಕ ಮೂಲದವರಾಗಿದ್ದು. ಅವರ ತಂದೆ 90 ರ ದಶಕದಲ್ಲಿ ನ್ಯೂಜಿಲೆಂಡ್‌’ಗೆ ಹೋಗಿ ನೆಲೆಸಿದ್ದರು.

ರಚಿನ್ ತಂದೆ ರವಿ ಕೃಷ್ಣಮೂರ್ತಿ ಕ್ರಿಕೆಟ್‌’ನ ಕಟ್ಟಾ ಅಭಿಮಾನಿ. ಅವರೂ ಕೂಡ ಬೆಂಗಳೂರಿನಲ್ಲಿ ಕ್ಲಬ್ ಕ್ರಿಕೆಟ್ ಆಡುತ್ತಿದ್ದರು. ಇನ್ನು ರಚಿನ್ ಹುಟ್ಟಿದಾಗ ತನ್ನ ಮಗನಿಗೆ ರಾಹುಲ್ ದ್ರಾವಿಡ್ ಮತ್ತು ಸಚಿನ್ ತೆಂಡೂಲ್ಕರ್ ಹೆಸರನ್ನು ಸೇರಿಸಿ ರಚಿನ್ ಎಂದು ಹೆಸರಿಟ್ಟಿದ್ದರು. ರಚಿನ್ ಅವರ ತಾತ ಪ್ರಸಿದ್ಧ ಶಿಕ್ಷಣತಜ್ಞ ಬಾಲಕೃಷ್ಣ ಅಡಿಗ ಮತ್ತು ಅಜ್ಜಿ ಪೂರ್ಣಿಮಾ ಅಡಿಗ, ತಮ್ಮ ಮೊಮ್ಮಗನ ಆಟವನ್ನು ನೋಡಲೆಂದು ಕ್ರೀಡಾಂಗಣಕ್ಕೆ ಬಂದಿದ್ದರು.

ರಚಿನ್ ರವೀಂದ್ರ ಅವರು, ಇಲ್ಲಿಯವರೆಗೆ ತಮ್ಮ ತಂಡಕ್ಕಾಗಿ ಒಟ್ಟು 565 ರನ್ ಗಳಿಸಿದ್ದಾರೆ. ಇದರೊಂದಿಗೆ ಚೊಚ್ಚಲ ವಿಶ್ವಕಪ್‌’ನಲ್ಲಿ ಅತಿ ಹೆಚ್ಚು ರನ್ ಗಳಿಸಿದ ಆಟಗಾರ ಎನಿಸಿಕೊಂಡಿದ್ದಾರೆ.

ಇದನ್ನೂ ಓದಿ:  ಕೊಹ್ಲಿಗಿಂತಲೂ ಈ ಆಟಗಾರ ವಿಶ್ವದ ಅತ್ಯಂತ ಪ್ರಭಾವಶಾಲಿ ಪ್ಲೇಯರ್!- ಎಬಿ ಡಿವಿಲಿಯರ್ಸ್

ನ್ಯೂಜಿಲೆಂಡ್ ಕ್ರಿಕೆಟ್ ತಂಡವು 2023 ರ ವಿಶ್ವಕಪ್‌’ನ ಸೆಮಿಫೈನಲ್‌ನಲ್ಲಿ ಬಹುತೇಕ ತನ್ನ ಸ್ಥಾನವನ್ನು ಪಡೆದುಕೊಂಡಿದೆ. ಹೀಗಿರುವಾಗ ನಾಕೌಟ್ ಹಂತದಲ್ಲಿ ಮೊದಲ ಸ್ಥಾನದಲ್ಲಿರುವ ಭಾರತದೊಂದಿಗೆ ನ್ಯೂಜಿಲೆಂಡ್ ಪೈಪೋಟಿ ನಡೆಸಲಿದೆ. ನವೆಂಬರ್ 15 ರಂದು ಮುಂಬೈನ ವಾಂಖೆಡೆ ಸ್ಟೇಡಿಯಂನಲ್ಲಿ ನಡೆಯಲಿರುವ ಸೆಮಿಫೈನಲ್ ಪಂದ್ಯದಲ್ಲಿ ಉಭಯ ತಂಡಗಳು ಮುಖಾಮುಖಿಯಾಗುವ ಸಾಧ್ಯತೆ ಇದೆ.