ವಿಶ್ವಕಪ್ ಟೂರ್ನಿಯಲ್ಲಿ ಈ ವಿಶಿಷ್ಟ ದಾಖಲೆ ಮೂಲಕ ಸಚಿನ್-ಧೋನಿ ಕ್ಲಬ್ ಸೇರಲಿದ್ದಾರೆ ಆರ್. ಅಶ್ವಿನ್

R Ashwin: ಐಸಿಸಿ ವಿಶ್ವಕಪ್ 2023 ಅಕ್ಟೋಬರ್ 5 ರಿಂದ ಪ್ರಾರಂಭವಾಗಲಿದೆ. ಇಡೀ ವಿಶ್ವಕಪ್ ಭಾರತದಲ್ಲಿ ನಡೆಯುತ್ತಿರುವುದು ಇದೇ ಮೊದಲು. ಇನ್ನೊಂದೆಡೆ ಈ ಪಂದ್ಯಾವಳಿಯು ಟೀಮ್ ಇಂಡಿಯಾದ ಅನುಭವಿ ಸ್ಪಿನ್ನರ್ ಆರ್ ಅಶ್ವಿನ್‌’ಗೆ ತುಂಬಾ ವಿಶೇಷವಾಗಲಿದೆ. ಈ ಟೂರ್ನಿಯಲ್ಲಿ ಆಡುತ್ತಿದ್ದಂತೆ ಸಚಿನ್ ತೆಂಡೂಲ್ಕರ್, ಸುನಿಲ್ ಗವಾಸ್ಕರ್ ಮತ್ತು ಎಂಎಸ್ ಧೋನಿಯಂತಹ ದಂತಕಥೆಗಳ ವಿಶೇಷ ಕ್ಲಬ್‌’ಗೆ ಸೇರಲಿದ್ದಾರೆ.

ಇದನ್ನೂ ಓದಿ: ವಿಶ್ವಕಪ್’ನಲ್ಲಿ ಇದುವರೆಗೆ ಯಾರಿಂದಲೂ ಬ್ರೇಕ್ ಮಾಡಲು ಸಾಧ್ಯವಾಗದ ದಾಖಲೆಗಳು ಯಾವುವು ಗೊತ್ತಾ?

2023ರ ವಿಶ್ವಕಪ್‌’ಗೆ ಕೊನೆಯ ಕ್ಷಣದಲ್ಲಿ ಆರ್ ಅಶ್ವಿನ್ ಟೀಮ್ ಇಂಡಿಯಾದಲ್ಲಿ ಆಯ್ಕೆಯಾಗಿದ್ದಾರೆ. ಗಾಯಾಳು ಅಕ್ಷರ್ ಪಟೇಲ್ ಬದಲಿಗೆ ಭಾರತ ತಂಡದಲ್ಲಿ ಸ್ಥಾನ ಪಡೆದಿದ್ದಾರೆ.

ಇನ್ನು ಟೀಂ ಇಂಡಿಯಾದ ವಿಶ್ವಕಪ್‌’ನಲ್ಲಿ ಆಡಲಿರುವ ಹಿರಿಯ ಕ್ರಿಕೆಟಿಗರ ಪಟ್ಟಿಗೆ ಅಶ್ವಿನ್ ಸೇರಲಿದ್ದಾರೆ. ಭಾರತಕ್ಕಾಗಿ ವಿಶ್ವಕಪ್ ಪಂದ್ಯಗಳನ್ನು ಆಡಿದ ಟಾಪ್-5 ಹಿರಿಯ ಆಟಗಾರರಲ್ಲಿ ಒಬ್ಬರಾಗಲಿದ್ದಾರೆ.

ಆರ್ ಅಶ್ವಿನ್ ಅವರಿಗೆ ಇದೀಗ 37 ವರ್ಷ. ಒಂದು ವೇಳೆ ವಿಶ್ವಕಪ್ 2023 ರ ಸಮಯದಲ್ಲಿ ಪ್ಲೇಯಿಂಗ್ 11 ನಲ್ಲಿ ಸ್ಥಾನ ಪಡೆದರೆ, ಈ ಪಂದ್ಯಾವಳಿಯಲ್ಲಿ ಆಡುವ ಭಾರತದ 5 ನೇ ಹಿರಿಯ ಆಟಗಾರರಾಗುತ್ತಾರೆ.

ವಿಶ್ವಕಪ್‌’ನಲ್ಲಿ ಭಾಗವಹಿಸಿದ ಅತ್ಯಂತ ಹಿರಿಯ ಭಾರತೀಯ ಆಟಗಾರ ಸುನಿಲ್ ಗವಾಸ್ಕರ್, 38 ವರ್ಷ ಮತ್ತು 118 ದಿನಗಳಲ್ಲಿ ವಿಶ್ವಕಪ್‌’ನಲ್ಲಿ ಭಾಗವಹಿಸಿದ್ದಾರೆ.

ಇದನ್ನೂ ಓದಿ: ಸಾರಾಯಿ ಕುಡಿದು ರಸ್ತೆಯಲ್ಲಿ ಮಂಗನಾಟ: ಹೊಟ್ಟೆ ಹುಣ್ಣಾಗಿಸುವಂತೆ ನಗಿಸುವ ವಿಡಿಯೋ

ಈ ಪಟ್ಟಿಯಲ್ಲಿ ಸುನಿಲ್ ಗವಾಸ್ಕರ್ ನಂತರ ಮಹೇಂದ್ರ ಸಿಂಗ್ ಧೋನಿ ಇದ್ದಾರೆ. ಎಂಎಸ್ ಧೋನಿ ತಮ್ಮ 38 ನೇ ವಯಸ್ಸಿನಲ್ಲಿ ತಮ್ಮ ಕೊನೆಯ ODI ವಿಶ್ವಕಪ್ ಅನ್ನು ಆಡಿದ್ದರು. ಇನ್ನು ಮೂರನೇ ಸ್ಥಾನದಲ್ಲಿ ಸಚಿನ್ ತೆಂಡೂಲ್ಕರ್ ಇದ್ದಾರೆ, ಅವರು 37 ನೇ ವಯಸ್ಸಿನಲ್ಲಿ ತಮ್ಮ ಕೊನೆಯ ODI ವಿಶ್ವಕಪ್ ಆಡಿದ್ದರು.