ಅವಾಚ್ಯ ಪದ ಬಳಸಿ ಜಡೇಜಾಗೆ ನಿಂದಿಸಿದ ರೋಹಿತ್ ಶರ್ಮಾ –ಸ್ಟಂಪ್ ಮೈಕ್’ನಲ್ಲಿ ರೆಕಾರ್ಡ್ ಆಯ್ತು ಬೈಗುಳ! ಏನಿತ್ತು ಗೊತ್ತಾ ಅದರಲ್ಲಿ?

Rohit Sharma insults Ravindra Jadeja: 2023ರ ವಿಶ್ವಕಪ್‌’ನಲ್ಲಿ ಟೀಂ ಇಂಡಿಯಾ ಇದುವರೆಗೆ ಉತ್ತಮ ಪ್ರದರ್ಶನ ನೀಡಿದೆ. ಸತತ 8 ಪಂದ್ಯಗಳನ್ನು ಗೆದ್ದು ಅಂಕಪಟ್ಟಿಯಲ್ಲಿ ಅಗ್ರಸ್ಥಾನ ಕಾಯ್ದುಕೊಂಡಿದೆ. ಭಾನುವಾರ ನಡೆದ ಪಂದ್ಯದಲ್ಲಿ ಭಾರತ 243 ರನ್‌’ಗಳಿಂದ ದಕ್ಷಿಣ ಆಫ್ರಿಕಾ ವಿರುದ್ಧ ಭರ್ಜರಿ ಗೆಲುವು ಸಾಧಿಸಿತ್ತು. ಆದರೆ ಈ ಪಂದ್ಯದ ವೇಳೆ ನಾಯಕ ರೋಹಿತ್ ಶರ್ಮಾ ನಿಂದಿಸುತ್ತಿರುವ ವಿಡಿಯೋ ವೈರಲ್ ಆಗಿದೆ.

ಇದನ್ನೂ ಓದಿ: ಭಾರತದ ಸತತ ಗೆಲುವಿನ ಮಧ್ಯೆ ನಾಯಕತ್ವದ ಬಗ್ಗೆ ಹೀಗಂದ ರವೀಂದ್ರ ಜಡೇಜಾ

ಟೂರ್ನಿಯ 37ನೇ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ ಮಾಡಿದ ಟೀಂ ಇಂಡಿಯಾ 5 ವಿಕೆಟ್‌’ಗೆ 326 ರನ್‌’ಗಳ ಬೃಹತ್ ಮೊತ್ತ ಕಲೆಹಾಕಿತು. ವಿರಾಟ್ ಕೊಹ್ಲಿ 121 ಎಸೆತಗಳಲ್ಲಿ ಅಜೇಯ 101 ರನ್ ಗಳಿಸಿದರು. ಆ ಬಳಿಕ ಕಣಕ್ಕಿಳಿದ ದಕ್ಷಿಣ ಆಫ್ರಿಕಾ 27.1 ಓವರ್‌’ಗಳಲ್ಲಿ 83 ರನ್‌’ಗಳಿಗೆ ಆಲೌಟ್ ಆಯಿತು. ಎಡಗೈ ಸ್ಪಿನ್ನರ್ ರವೀಂದ್ರ ಜಡೇಜಾ 5 ವಿಕೆಟ್ ಪಡೆದರು.

ದಕ್ಷಿಣ ಆಫ್ರಿಕಾದ ಇನಿಂಗ್ಸ್‌’ನ 13ನೇ ಓವರ್‌’ನ ವಿಡಿಯೋ ವೈರಲ್ ಆಗಿದೆ. ಎಡಗೈ ಸ್ಪಿನ್ನರ್ ರವೀಂದ್ರ ಜಡೇಜಾ ಈ ಓವರ್ ಬೌಲಿಂಗ್ ಮಾಡುತ್ತಿದ್ದರು. 5 ನೇ ಎಸೆತದಲ್ಲಿ, ಹೆನ್ರಿಕ್ ಕ್ಲಾಸೆನ್ ವಿರುದ್ಧ LBWಗೆ ಮನವಿ ಮಾಡಿದರು, ಆದರೆ ಆನ್-ಫೀಲ್ಡ್ ಅಂಪೈರ್ ಔಟ್ ನೀಡಲಿಲ್ಲ. ಇದಾದ ನಂತರ ಜಡೇಜಾ, ನಾಯಕ ರೋಹಿತ್ ಶರ್ಮಾ ಮತ್ತು ಕೆಎಲ್ ರಾಹುಲ್ ಮಾತನಾಡುತ್ತಿರುವುದು ಕಂಡುಬಂದಿದೆ.

ಆಗ ರೋಹಿತ್ “ಕ್ಯಾ ಯೇ ಏಕ್ ಬ್ಯಾಟ್ಸ್‌ಮನ್ ಹೈ **” ಎಂದು ಬೈದಿರುವುದು ಕಂಡುಬಂದಿದೆ. ಅಂದರೆ ಒಬ್ಬ ಬ್ಯಾಟ್ಸ್‌ಮನ್‌’ಗಾಗಿ ಡಿಆರ್‌ಎಸ್ ತೆಗೆದುಕೊಳ್ಳಬೇಕಾ ಎನ್ನುತ್ತಾ ಕೊನೆಯದಾಗಿ ಸಾರ್ವಜನಿಕವಾಗಿ ಬಳಸಲು ಸಭ್ಯವಲ್ಲದ ಪದವನ್ನು ಬಳಕೆ ಮಾಡಿದ್ದಾರೆ ಎನ್ನಲಾಗಿದೆ. ಇನ್ನು ಈ ಆಡಿಯೋ ಸ್ಟಂಪ್‌ ಮೈಕ್’ನಲ್ಲಿ ರೆಕಾರ್ಡ್ ಆಗಿದೆ.