WTC Final 2021: ಭಾರತ ತಂಡ 170 ಕ್ಕೆ ಆಲೌಟ್, ನ್ಯೂಜಿಲೆಂಡ್ ಗೆ 139 ರನ್ ಗಳ ಗುರಿ

ನವದೆಹಲಿ: ದಿ ರೋಸ್ ಬೌಲ್ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ವಿಶ್ವ ಟೆಸ್ಟ್ ಚಾಂಪಿಯನ್ ಶಿಪ್ ನ ಆರನೇ ದಿನದಿಂದ ಭಾರತ ತಂಡವು 170 ರನ್ ಗಳಿಗೆ ಆಲೌಟ್ ಆಗಿದೆ.

ಭಾರತದ ಪರವಾಗಿ ರಿಶಬ್ ಪಂತ್ 41 ರನ್ ಗಳನ್ನು ಗಳಿಸಿದ್ದು ಬಿಟ್ಟರೆ ಉಳಿದವರ್ಯಾರು ಕೂಡ 20 ರ ಗಡಿ ದಾಟಲಿಲ್ಲ.ನ್ಯೂಜಿಲೆಂಡ್ ತಂಡದ ಪರವಾಗಿ ಸೌಥಿ 4 ಹಾಗೂ ಬೌಲ್ಟ್ 3 ಜೆಮಿಸನ್ 2 ವಿಕೆಟ್ ಗಳನ್ನು ಕಬಳಿಸುವ ಮೂಲಕ ಭಾರತ ತಂಡದ ಪತನಕ್ಕೆ ಕಾರಣವಾದರು.

ಭಾರತ ಅಂತಿಮವಾಗಿ 170 ರನ್ ಗಳಿಗೆ ಸರ್ವಪತನವನ್ನು ಕಂಡಿತು, ಈಗ ನ್ಯೂಜಿಲೆಂಡ್ ತಂಡವು ಪಂದ್ಯವನ್ನು ಗೆಲ್ಲಲು 139 ರನ್ ಗಳನ್ನು ಗಳಿಸಬೇಕಾಗಿದೆ.