Digital condom: ಸ್ಮಾರ್ಟ್‌ಫೋನ್‌ನಲ್ಲಿ `ಡಿಜಿಟಲ್ ಕಾಂಡೋಮ್`... ಇದು ಹೇಗೆ ಕೆಲಸ ಮಾಡುತ್ತದೆ ಗೊತ್ತಾ?

Digital condom: ಸ್ಮಾರ್ಟ್‌ಫೋನ್ ಲಭ್ಯವಾದ ನಂತರ ಪ್ರಪಂಚವೇ ಬದಲಾಗಿದೆ... ಅಸಾಧ್ಯವೆಂದುಕೊಂಡಿದ್ದ ಅನೇಕ ಸಂಗತಿಗಳು ಸಹ ಸಾಧ್ಯವಾಗಿವೆ. ಆದರೆ ಸ್ಮಾರ್ಟ್‌ಫೋನ್‌ನಲ್ಲಿ ಕೆಲವು ಅನಾನುಕೂಲಗಳು ಮತ್ತು ಅನುಕೂಲಗಳಿವೆ ಎಂಬುದು ನಮಗೆಲ್ಲಾ ತಿಳಿದಿರುವ ಸಂಗತಿ. ಇವುಗಳಲ್ಲಿ ಮುಖ್ಯವಾದುದು ಖಾಸಗಿತನ. ಸ್ಮಾರ್ಟ್ ಫೋನ್‌ಗಳಿಂದ ವೈಯಕ್ತಿಕ ಗೌಪ್ಯತೆಗೆ ಅಪಾಯವಿದೆ.

ಇದನ್ನೂ ಓದಿ: ಈ ದೇಶದಲ್ಲಿ ಬರಲಿದೆ ಮುಸ್ಲಿಂ ಆಳ್ವಿಕೆ... ಬಾಬಾ ವಂಗಾ ಭವಿಷ್ಯ ಕೇಳಿ ಜನರ ಎದೆಯಲ್ಲಿ ನಡುಕ!?

ಆದರೆ ಖಾಸಗಿತನಕ್ಕೆ ಹೆಚ್ಚಿನ ಒತ್ತು ನೀಡಲು ಜರ್ಮನಿಯ ಪ್ರಸಿದ್ಧ ಕಾಂಡೋಮ್ ಬ್ರಾಂಡ್ ಬಿಲ್ಲಿಬಾಯ್ ಡಿಜಿಟಲ್ ಕಾಂಡೋಮ್ ತಂದಿದೆ. Innosion ಬರ್ಲಿನ್ 'camdom' ಎಂಬ ಹೊಸ ಅಪ್ಲಿಕೇಶನ್‌ನೊಂದಿಗೆ ಬಂದಿದೆ. ಇದನ್ನು ಡಿಜಿಟ್‌ ಕಾಂಡೋಮ್‌ ಎಂದು ಕರೆಯಲಾಗುತ್ತಿದೆ. ಅಷ್ಟಕ್ಕೂ ಈ ಡಿಜಿಟಲ್ ಕಾಂಡೋಮ್ ಎಂದರೇನು? ಇದು ನಿಜವಾಗಿಯೂ ಹೇಗೆ ಉಪಯುಕ್ತ? ಇದರ ಮುಖ್ಯ ಉದ್ದೇಶವೇನು? ಹೇಗೆ ಕೆಲಸ ಮಾಡುತ್ತದೆ? ಎಂಬೆಲ್ಲಾ ವಿಚಾರದ ಬಗ್ಗೆ ತಿಳಿದುಕೊಳ್ಳೋಣ.

ಈ ಅಪ್ಲಿಕೇಶನ್ ಅನ್ನು ಗೌಪ್ಯತೆಗಾಗಿ ತರಲಾಗಿದೆ. ಇದು ವಿಶೇಷವಾಗಿ ಖಾಸಗಿ ಸಮಯದಲ್ಲಿ ದಂಪತಿಗಳ ನಡುವಿನ ಗೌಪ್ಯತೆಯನ್ನು ರಕ್ಷಿಸುತ್ತದೆ. ವಿಶೇಷವಾಗಿ ವೀಡಿಯೊ ಕರೆಗಳ ಸಮಯದಲ್ಲಿ ಇತರ ಜನರು ಅವುಗಳನ್ನು ರೆಕಾರ್ಡ್ ಮಾಡುವ ಮತ್ತು ಬ್ಲ್ಯಾಕ್‌ಮೇಲ್ ಮಾಡುವ ಘಟನೆಗಳನ್ನು ನಾವು ನೋಡುತ್ತೇವೆ. ಆದರೆ ನಿಮ್ಮ ಫೋನ್‌ನಲ್ಲಿ ಈ ಅಪ್ಲಿಕೇಶನ್ ಇದ್ದರೆ ಇತರ ವ್ಯಕ್ತಿ ಕರೆ ಅಥವಾ ವೀಡಿಯೊ ರೆಕಾರ್ಡ್ ಮಾಡುವುದನ್ನು ತಡೆಯುತ್ತದೆ. ನೀವು ರೆಕಾರ್ಡ್ ಮಾಡಲು ಪ್ರಯತ್ನಿಸಿದರೆ ತಕ್ಷಣ ಎಚ್ಚರಿಕೆ ನೀಡುತ್ತದೆ.

ಇದನ್ನೂ ಓದಿ: ಬ್ಲಡ್‌ ಶುಗರ್‌ನ್ನು ನಿಮಿಷದಲ್ಲೇ ಕಂಟ್ರೋಲ್‌ ತರುವಷ್ಟು ಶಕ್ತಿಶಾಲಿ ತರಕಾರಿ... ವರ್ಷಕ್ಕೆ ಕೇವಲ 60 ದಿನವಷ್ಟೇ ಸಿಗುವ ಇದು ತೂಕ ಇಳಿಕೆಗೆ ಸಂಜೀವಿನಿಯಿದ್ದಂತೆ

ಇದು ಬ್ಲೂಟೂತ್ ತಂತ್ರಜ್ಞಾನದೊಂದಿಗೆ ಕಾರ್ಯನಿರ್ವಹಿಸುತ್ತದೆ. ಅದನ್ನು ಸಕ್ರಿಯಗೊಳಿಸಲು ಅಪ್ಲಿಕೇಶನ್ ಅನ್ನು ಸ್ವೈಪ್ ಮಾಡಬೇಕು. ಹೀಗೆ ಮಾಡುವುದರಿಂದ ಕ್ಯಾಮರಾ ಮತ್ತು ಮೈಕ್ರೊಫೋನ್ ಆಫ್ ಆಗುತ್ತದೆ. ಈ ಅಪ್ಲಿಕೇಶನ್ ಅನ್ನು ಈಗಾಗಲೇ 30 ಕ್ಕೂ ಹೆಚ್ಚು ದೇಶಗಳಲ್ಲಿ ಆಂಡ್ರಾಯ್ಡ್ ಬಳಕೆದಾರರಿಗೆ ಲಭ್ಯವಾಗುವಂತೆ ಮಾಡಲಾಗಿದೆ. ಶೀಘ್ರದಲ್ಲೇ ಈ ಆಪ್ ಐಒಎಸ್ ಬಳಕೆದಾರರಿಗೂ ಲಭ್ಯವಾಗಲಿದೆ.