Alert! ಈ ಆಪ್ ಗಳು ನಿಮ್ಮ ಫೋನ್ ಅನ್ನು ಕಂಟ್ರೋಲ್ ಗೆ ತೆಗೆದುಕೊಳ್ಳಬಹುದು, ಪಾರಾಗಲು ತಕ್ಷಣ ಈ ಕೆಲಸ ಮಾಡಿ!

ಬೆಂಗಳೂರು: ನೀವು ಅಪ್ಲಿಕೇಶನ್‌ಗಳ ಬಗ್ಗೆ ತಿಳಿದಿರಬೇಕು. ಇವುಗಳನ್ನು ಆಂಡ್ರಾಯ್ಡ್ ಸ್ಮಾರ್ಟ್‌ಫೋನ್‌ಗಳಲ್ಲಿ ಸಾಮಾನ್ಯವಾಗಿ ಬಳಸಲಾಗುತ್ತದೆ. ಕೆಲವು ಅಪ್ಲಿಕೇಶನ್‌ಗಳು ಸಾಧನದಲ್ಲಿ ಪ್ರೀ ಇನ್ಸ್ಟಾಲ್ ಆಗಿ ಬರುತ್ತವೆ ಮತ್ತು ಕೆಲವು ಗೂಗಲ್ ಪ್ಲೇ ಸ್ಟೋರ್ನಿಂದ ಡೌನ್‌ಲೋಡ್ ಆಗುತ್ತವೆ. ಈ ಆಪ್ ಗಳು ಬಳಕೆದಾರರ ಕೆಲಸವನ್ನು ಸುಲಭಗೊಳಿಸಲು ಸಹಾಯ ಮಾಡುತ್ತವೆ. ಹಲವಾರು ರೀತಿಯ ಅಪ್ಲಿಕೇಶನ್‌ಗಳಿವೆ. ಕಳೆವು ಆಪ್ ಗಳ  ಸಹಾಯದಿಂದ ಬಳಕೆದಾರರು ಮನೆಯಲ್ಲೇ ಕುಳಿತು ಶಾಪಿಂಗ್ ಮಾಡಬಹುದು. ಆದರೆ ಕೆಲವು ಆನ್‌ಲೈನ್ ಹಣದ ವಹಿವಾಟಿಗಾಗಿ ಬಳಸಲಾಗುತ್ತದೆ ಆದರೆ ನಿಮ್ಮ ಸ್ಮಾರ್ಟ್‌ಫೋನ್ ಅನ್ನು ನಿಯಂತ್ರಿಸುವ ಕೆಲವು ಅಪ್ಲಿಕೇಶನ್‌ಗಳಿವೆ. ಇಂತಹ ಪರಿಸ್ಥಿತಿಯಲ್ಲಿ ಅಪ್ಲಿಕೇಶನ್ ಡೌನ್‌ಲೋಡ್ ಮಾಡುವಾಗ ಬಳಕೆದಾರರು ಜಾಗರೂಕರಾಗಿರಬೇಕು. ನಿಮ್ಮ ಫೋನ್ ಅನ್ನು ನಿಯಂತ್ರಿಸಬಹುದಾದ ಆ ಅಪ್ಲಿಕೇಶನ್‌ಗಳ ಕುರಿತು ಇಂದು ನಾವು ನಿಮಗೆ ಮಾಹಿತಿಯನ್ನು ನೀಡುತ್ತಿದ್ದು. ಅವುಗಳನ್ನು  ತಪ್ಪಿಸಲು ನೀವು ಏನು ಮಾಡಬಹುದು ಎಂಬುದರ ಎಂಬುದರ ಕುರಿತಾದ ಮಾಹಿತಿಯನ್ನು ಕೂಡ ನಾವು ನೀಡುತ್ತಿದ್ದೇವೆ. (Technology News In Kannada)

ನಿಮ್ಮ ಸ್ಮಾರ್ಟ್‌ಫೋನ್‌ನ ನಿಯಂತ್ರಣವನ್ನು ತೆಗೆದುಕೊಳ್ಳಬಹುದಾದ ಕೆಲವು ಅಪಾಯಕಾರಿ ಆಂಡ್ರಾಯ್ಡ್ ಅಪ್ಲಿಕೇಶನ್‌ಗಳ ಬಗ್ಗೆ ಸಂಶೋಧಕರು ಎಚ್ಚರಿಸಿದ್ದಾರೆ. ಮ್ಯಾಕ್‌ಅಫೀ ಆ್ಯಪ್‌ಗಳ ಪಟ್ಟಿಯನ್ನು ಬಿಡುಗಡೆ ಮಾಡಿದೆ, ಅದರಲ್ಲಿ 'Xamalicious' ಹೆಸರಿನ ಆಂಡ್ರಾಯ್ಡ್ ಬ್ಯಾಕ್‌ಡೋರ್ ಕಂಡುಬಂದಿದೆ. ಸಾಮಾಜಿಕ ಎಂಜಿನಿಯರಿಂಗ್ ಸಹಾಯದಿಂದ ನಿಮ್ಮ ಫೋನ್ ಅನ್ನು ತಲುಪಲು ಈ ಅಪ್ಲಿಕೇಶನ್‌ಗಳು ಅನುಮತಿಯನ್ನು ತೆಗೆದುಕೊಳ್ಳುತ್ತವೆ ಎಂದು ಹೇಳಲಾಗುತ್ತಿದೆ. ನಿಮ್ಮ ಅರಿವಿಲ್ಲದೆಯೇ ಕಮಾಂಡ್ ಮತ್ತು ಕಂಟ್ರೋಲ್ ಸರ್ವರ್‌ನೊಂದಿಗೆ ಸಂವಹನ ನಡೆಸಲು ಇದು ಸಾಧನವನ್ನು ಅನುಮತಿಸುತ್ತದೆ.

ಇದರ ನಂತರ, ನಿಮ್ಮ ಫೋನ್ ಅನ್ನು ಸಂಪೂರ್ಣವಾಗಿ ನಿಯಂತ್ರಿಸಬಹುದಾದ ಮತ್ತೊಂದು ಪ್ರೋಗ್ರಾಂ ಅನ್ನು ನಿಮ್ಮ ಫೋನ್ನಲ್ಲಿ ಡೌನ್ಲೋಡ್ ಮಾಡಲಾಗುತ್ತದೆ. ಈ ಕಾರಣದಿಂದಾಗಿ, ನಿಮ್ಮ ಒಪ್ಪಿಗೆಯಿಲ್ಲದೆ ಯಾರಾದರೂ ನಿಮ್ಮ ಫೋನ್‌ನಲ್ಲಿ ಮೋಸದ ಕೆಲಸವನ್ನು ಮಾಡಬಹುದು. ಇದು ಜಾಹೀರಾತುಗಳ ಮೇಲೆ ಕ್ಲಿಕ್ ಮಾಡುವುದು, ಅಪ್ಲಿಕೇಶನ್‌ಗಳನ್ನು ಇನ್ಸ್ಟಾಲ್ ಮಾಡುವುದು ಮತ್ತು ಆರ್ಥಿಕ ಪ್ರಯೋಜನಗಳನ್ನು ನೀಡುವ ಇತರ ಚಟುವಟಿಕೆಗಳನ್ನು ಒಳಗೊಂಡಿರುತ್ತದೆ. ನಿಮ್ಮ ಫೋನ್ ಅನ್ನು ನಿಯಂತ್ರಿಸಬಹುದಾದ ಆ ಅಪ್ಲಿಕೇಶನ್‌ಗಳ ಹೆಸರುಗಳು ಈ ಕೆಳಗಿನಂತಿದೆ.

ಇದನ್ನೂ ಓದಿ-ಒಂದು ವರ್ಷದ ಮಾನ್ಯತೆ, 850ಜಿಬಿ ಡೇಟಾ, 200 ಟಿವಿ ಚಾನೆಲ್ ಗಳ ಉಚಿತ ವೀಕ್ಷಣೆ ಇಲ್ಲಿದೆ ಅದ್ಭುತ ರಿಚಾರ್ಜ್ ಯೋಜನೆ!

1. 3D Skin Editor for PE Minecraft (com.littleray.skineditorforpeminecraft)
2. Logo Maker Pro (com.vyblystudio.dotslinkpuzzles)
3. Auto Click Repeater (com.autoclickrepeater.free)
4. Count Easy Calorie Calculator (com.lakhinstudio.counteasycaloriecalculator)
5. LetterLink (com.regaliusgames.llinkgame)
6. Step Keeper: Easy Pedometer (com.browgames.stepkeepereasymeter)
7. Track Your Sleep (com.shvetsStudio.trackYourSleep)
8. Sound Volume Booster (com.devapps.soundvolumebooster)

ಇದನ್ನೂ ಓದಿ-ಗೂಗಲ್ ಪೇನಿಂದ ಹಿಡಿದು ಪೇಟಿಎಂವರೆಗಿನ ಈ ಬಳಕೆದಾರರ ಖಾತೆಗಳು ಜನವರಿ 1 ರಿಂದ ಸ್ಥಗಿತ! ಕಾರಣ ಇಲ್ಲಿದೆ

ತಪ್ಪಿಸಲು ಈ ಕೆಲಸಗಳನ್ನು ಮಾಡಿ
1. ಮೊದಲನೆಯದಾಗಿ, ಈ ಪಟ್ಟಿಯನ್ನು ನೋಡಿ ಮತ್ತು ನಿಮ್ಮ ಫೋನ್‌ನಲ್ಲಿ ಈ ಯಾವುದೇ ಅಪ್ಲಿಕೇಶನ್‌ಗಳಿಲ್ಲ ಎಂಬುದನ್ನು ಖಚಿತಪಡಿಸಿಕೊಳ್ಳಿ.
2. ಗೂಗಲ್ ಪ್ಲೇ ಸ್ಟೋರ್ ನಿಂದ ಮಾತ್ರ ಅಪ್ಲಿಕೇಶನ್ ಅನ್ನು ಡೌನ್‌ಲೋಡ್ ಮಾಡಲು ವಿಶೇಷ ಕಾಳಜಿಯನ್ನು ತೆಗೆದುಕೊಳ್ಳಿ.
3. ಅಪ್ಲಿಕೇಶನ್ ಅನ್ನು ಇನ್ಸ್ಟಾಲ್ ಮಾಡುವ ಮೊದಲು, ದಯವಿಟ್ಟು ಅದರ ರೇಟಿಂಗ್ ಅನ್ನು ಪರಿಶೀಲಿಸಿ.
4. ಅಪರಿಚಿತ ಜನರು ಕಳುಹಿಸಿದ ಲಿಂಕ್‌ಗಳಿಂದ ಅಪ್ಲಿಕೇಶನ್‌ಗಳನ್ನು ಎಂದಿಗೂ ಡೌನ್‌ಲೋಡ್ ಮಾಡಬೇಡಿ.
5. ಯಾವಾಗಲೂ ಇತ್ತೀಚಿನ ಭದ್ರತಾ ಪ್ಯಾಚ್‌ಗಳೊಂದಿಗೆ ಸ್ಮಾರ್ಟ್‌ಫೋನ್ ಅನ್ನು ನವೀಕರಿಸಿ.
6. ಫೋನ್‌ನಲ್ಲಿ ಆಂಟಿವೈರಸ್ ಅಪ್ಲಿಕೇಶನ್ ಬಳಸಿ ಮತ್ತು ನಿಯಮಿತವಾಗಿ ಫೋನ್ ಅನ್ನು ಸ್ಕ್ಯಾನ್ ಮಾಡಿ.

ಇದನ್ನೂ ನೋಡಿ-