6-7 ಸೀಟರ್ ಅಲ್ಲ ಬಂದಿದೆ 8 ಸೀಟರ್ ಕಾರು ! ಅದು ಕೂಡಾ ಕಡಿಮೆ ಬೆಲೆಯಲ್ಲಿ

8-Seater Cars : ಭಾರತೀಯ ಕಾರು ಮಾರುಕಟ್ಟೆಯಲ್ಲಿ ಅನೇಕ 7-ಆಸನಗಳ ಕಾರುಗಳು ಲಭ್ಯವಿವೆ. ದೊಡ್ಡ ಕುಟುಂಬಗಳಿಗೆ ಈ ಕಾರು ಉತ್ತಮವಾಗಿವೆ. ಆದರೆ, ಮಾರುಕಟ್ಟೆಯಲ್ಲಿ 8 ಆಸನಗಳ ಕಾರುಗಳೂ ಇವೆ.  ಹೌದು 8 ಸೀಟರ್ ಕಾರುಗಳಿಗೆ ಈಗ ಮಾರುಕಟ್ಟೆಯಲ್ಲಿ ನಿಧಾನವಾಗಿ ಬೇಡಿಕೆ ಹೆಚ್ಚುತ್ತಿದೆ. 8 ಸೀಟರ್ ಅಂದಾಕ್ಷಣ ಈ ಕಾರು ದುಬಾರಿ ಅಂದುಕೊಳ್ಳಬೇಕಿಲ್ಲ. ಕಡಿಮೆ ಬೆಲೆಗೆ ಈ 8 ಸೀಟರ್ ಕಾರುಗಳು ಖರೀದಿಗೆ ಲಭ್ಯವಿದೆ. 

1. ಮಹೀಂದ್ರ ಮರಾಜ್ಜೊ : 
ಇದು ಎಂಪಿವಿ. ಇದರ ಬೆಲೆ 14.10 ಲಕ್ಷ ರೂ.ಗಳಿಂದ ಆರಂಭವಾಗುತ್ತದೆ. ಇದು 1.5-ಲೀಟರ್ ಡೀಸೆಲ್ ಎಂಜಿನ್ ನೊಂದಿಗೆ ಬರುತ್ತದೆ. ಇದು 122PS/300Nm ಅನ್ನು ಜನರೆಟ್ ಮಾಡುತ್ತದೆ.  ಇದು 6-ಸ್ಪೀಡ್ ಮ್ಯಾನುವಲ್ ಗೇರ್‌ಬಾಕ್ಸ್‌ನೊಂದಿಗೆ ಬರುತ್ತದೆ. ಇದು ಡೀಸೆಲ್ ಎಂಜಿನ್ ನೊಂದಿಗೆ ಮಾತ್ರ ಲಭ್ಯವಿದೆ. 

ಇದನ್ನೂ ಓದಿ : Smartphone Tips: ದೀರ್ಘ ಬಾಳಿಕೆಗಾಗಿ ವಾರಕ್ಕೆ ಎಷ್ಟು ಬಾರಿ ಫೋನ್ ರೀಸ್ಟಾರ್ಟ್ ಮಾಡ್ಬೇಕು?

2. ಟೊಯೊಟಾ ಇನ್ನೋವಾ ಕ್ರಿಸ್ಟಾ : 
ಇನ್ನೋವಾ ಕ್ರಿಸ್ಟಾ ಬಹಳ ಜನಪ್ರಿಯವಾಗಿದೆ. ಇದು ವರ್ಷಗಳಿಂದ ಗ್ರಾಹಕರ ಮನ ಗೆದ್ದಿದೆ. ಇದರ 8 ಆಸನಗಳ ರೂಪಾಂತರಗಳ ಬೆಲೆ 19,99,000 ರೂ.ನಿಂದ ಪ್ರಾರಂಭವಾಗುತ್ತದೆ. ಇದು ದೇಶದ ಅತಿ ಹೆಚ್ಚು ಮಾರಾಟವಾಗುವ MPV ಯಲ್ಲಿ ಒಂದು. ಇದು 7 ಮತ್ತು 8 ಸೀಟರ್ ಆಯ್ಕೆಗಳಲ್ಲಿ ಬರುತ್ತದೆ. ಪ್ರಸ್ತುತ, ಇದು ಡೀಸೆಲ್ ಎಂಜಿನ್ ಅನ್ನು ಮಾತ್ರ ಹೊಂದಿದೆ. 

3. ಟೊಯೋಟಾ ಇನ್ನೋವಾ ಹೈಕ್ರಾಸ್ :
ಇದು 7 ಮತ್ತು 8 ಸೀಟರ್ ಆಯ್ಕೆಗಳಲ್ಲಿಯೂ ಬರುತ್ತದೆ. ಇದರ 8 ಆಸನಗಳ ರೂಪಾಂತರಗಳ ಬೆಲೆ 18.87 ಲಕ್ಷ ರೂ.ಗಳಿಂದ ಪ್ರಾರಂಭವಾಗುತ್ತದೆ. ಎರಡು ಪವರ್‌ಟ್ರೇನ್‌ಗಳ ಆಯ್ಕೆಯೊಂದಿಗೆ ಇದು ಲಭ್ಯವಿದೆ.  ಸಾಮಾನ್ಯ 2-ಲೀಟರ್ ಪೆಟ್ರೋಲ್ ಎಂಜಿನ್ ಮತ್ತು ಹೈಬ್ರಿಡ್ ಸೆಟಪ್‌ನೊಂದಿಗೆ 2-ಲೀಟರ್ ಪೆಟ್ರೋಲ್ ಎಂಜಿನ್. ಎರಡೂ 8-ಆಸನಗಳ ವಿನ್ಯಾಸದ ಆಯ್ಕೆಯೊಂದಿಗೆ ಬರುತ್ತವೆ. 

ಇದನ್ನೂ ಓದಿ :ಭವಿಷ್ಯದಲ್ಲಿ ನಿಮಗಾಗುವ ಕಾಯಿಲೆಯ ಬಗ್ಗೆ ಮಾಹಿತಿ ನೀಡಲಿದೆ ಪಿನ್ ಕೋಡ್! ಅದ್ಹೇಗೆ ಸಾಧ್ಯ?

4. ಮಾರುತಿ ಇನ್ವಿಕ್ಟೋ : 
ಇನ್ವಿಕ್ಟೋ ಸಹ 7 ಮತ್ತು 8 ಸೀಟರ್ ಆಯ್ಕೆಗಳನ್ನು ಹೊಂದಿದೆ. ಇದರ 8 ಆಸನಗಳ ರೂಪಾಂತರದ ಬೆಲೆ 24.84 ಲಕ್ಷ ರೂ. ಕೇವಲ ಒಂದು ಪವರ್‌ಟ್ರೇನ್ ಅನ್ನು ಇದು ಹೊಂದಿದೆ. ಹೈಬ್ರಿಡ್ ಸೆಟಪ್‌ನೊಂದಿಗೆ 2-ಲೀಟರ್ ಪೆಟ್ರೋಲ್ ಎಂಜಿನ್ ಆಯ್ಕ ಇದರಲ್ಲಿ ಲಭ್ಯ. ಇದು ಇನ್ನೋವಾ ಹೈಕ್ರಾಸ್ ಆಧಾರಿತ MPV ಆಗಿದೆ.

5. Lexus LX : 
ಇದರ ಬೆಲೆ ಸುಮಾರು 2.63 ಕೋಟಿ ರೂ. ಇದು ಅತ್ಯಂತ ಶಕ್ತಿಶಾಲಿ ಎಂಜಿನ್ ಮತ್ತು ಗಟ್ಟಿಮುಟ್ಟಾದ ವೈಶಿಷ್ಟ್ಯಗಳೊಂದಿಗೆ ಬರುತ್ತದೆ. ಇದರಲ್ಲಿ 8 ಜನ ಕುಳಿತುಕೊಳ್ಳಬಹುದು. ಇದು 5663cc ಎಂಜಿನ್‌ನಿಂದ ನಿಯಂತ್ರಿಸಲ್ಪಡುತ್ತದೆ. ಇದು 362bhp ಮತ್ತು 530Nm ಅನ್ನು ಜನರೆಟ್ ಮಾಡುತ್ತದೆ. ಇದು 7.7 ಸೆಕೆಂಡುಗಳಲ್ಲಿ 0-100kmph ವೇಗವನ್ನು ಸಾಧಿಸುತ್ತದೆ.