ಬಿಎಸ್‌ಎನ್ಎಲ್ ಗ್ರಾಹಕರಿಗೆ ಬಂಪರ್ ಕೊಡುಗೆ: 160 ದಿನಕ್ಕೆ 320GB ಡೇಟಾ ಜೊತೆ ಸಿಗುತ್ತೆ ಇಷ್ಟೆಲ್ಲಾ ಲಾಭ!

BSNL Bumper Offer: ದುಬಾರಿ ರಿಚಾರ್ಜ್ ಪ್ಲಾನ್‌ಗಳಿಂದ ಬೇಸತ್ತಿರುವ ಮೊಬೈಲ್ ಗ್ರಾಹಕರಿಗೆ ಪರಿಹಾರ ನೀಡಿರುವ ಭಾರತದ ಸರ್ಕಾರಿ ಟೆಲಿಕಾಂ ಸಂಸ್ಥೆ ಬಿ‌ಎಸ್‌ಎನ್‌ಎಲ್ ಇದೀಗ 4ಜಿ ಸೇವೆಯೊಂದಿಗೆ ಭರ್ಜರಿ ವಿಶೇಷ ಆಫರ್  (BSNL 4G Special Offer) ಕೂಡ ಘೋಷಿಸಿದೆ. ತನ್ನ  ಬಳಕೆದಾರರಿಗೆ ಹಲವಾರು ಹೊಸ ಪ್ರಿಪೇಯ್ಡ್ ರೀಚಾರ್ಜ್ ಯೋಜನೆಗಳನ್ನು ಪರಿಚಯಿಸಿರುವ ಬಿ‌ಎನ್‌ಎಸ್‌ಎಲ್ ಮುಖೇಶ್ ಅಂಬಾನಿಯವರ (Mukesh Ambani) ರಿಲಯನ್ಸ್ ಜಿಯೋಗೆ ಕಠಿಣ ಸ್ಪರ್ಧೆ ಒಡ್ಡುತ್ತಿದೆ. 

ವಾಸ್ತವವಾಗಿ, ಜುಲೈನಲ್ಲಿ ರಿಲಯನ್ಸ್ ಜಿಯೋ (Reliance Jio), ಏರ್ಟೆಲ್ (Airtel), ವೋಡಾಫೋನ್-ಐಡಿಯಾ (Vodafone-Idea) ಕಂಪನಿಗಳು ತಮ್ಮ ಪ್ರಿಪೇಯ್ಡ್ ಯೋಜನೆಗಳ ಬೆಲೆಗಳಲ್ಲಿ ಏರಿಕೆಯನ್ನು ಘೋಷಿಸಿದ್ದವು. ಇದಾದ ಬಳಿಕ ಹಲವು ಬಳಕೆದಾರರು ಈ ಖಾಸಗಿ ಟೆಲಿಕಾಂಗಳಿಂದ ಸರ್ಕಾರಿ ಸ್ವಾಮ್ಯದ ಬಿ‌ಎಸ್‌ಎನ್‌ಎಲ್ ಗೆ ತಮ್ಮ ಸಂಖ್ಯೆಯನ್ನು ಪೋರ್ಟ್ ಮಾಡಿಸಿಕೊಂಡಿದ್ದಾರೆ ಎಂದು ವರದಿಯಾಗಿದೆ. ಈ ಸಂದರ್ಭದಲ್ಲಿ ಗ್ರಾಹಕರಿಗೆ ಭರ್ಜರಿ ಆಫರ್ ನೀಡಿರುವ ಬಿ‌ಎಸ್‌ಎನ್‌ಎಲ್ ಮತ್ತಷ್ಟು ಗ್ರಾಹಕರನ್ನು ತನ್ನತ್ತ ಆಕರ್ಷಿಸುವ ಗುರಿ ಹೊಂದಿದೆ ಎಂದು ತಿಳಿದುಬಂದಿದೆ. 

160 ದಿನ 320 ಜಿಬಿ ಡೇಟಾ, ಅನ್‌ಲಿಮಿಟೆಡ್ ಕಾಲ್:  ಗ್ರಾಹಕರಿಗೆ ಬಿ‌ಎಸ್‌ಎನ್‌ಎಲ್ ಭರ್ಜರಿ ಆಫರ್!
ಗ್ರಾಹಕರನ್ನು ತನ್ನತ್ತ ಆಕರ್ಷಿಸಲು ಬಿ‌ಎಸ್‌ಎನ್‌ಎಲ್ ವಿಶೇಷ ರಿಚಾರ್ಜ್ ಪ್ಲಾನ್ (BSNL Special Recharge Plan) ಘೋಷಿಸಿದೆ.  ರೂ. 997 ಬೆಲೆಯ ಈ ಪ್ಲಾನ್160 ದಿನಗಳ ಮಾನ್ಯತೆಯೊಂದಿಗೆ ಲಭ್ಯವಾಗಲಿದ್ದು, ಇದರಲ್ಲಿ ಪ್ರತಿದಿನ ದಿನಕ್ಕೆ 2GB ಹೈ-ಸ್ಪೀಡ್ ಡೇಟಾ ಎಂದರೆ ಒಟ್ಟು 320 ಜಿ‌ಬಿ 4ಜಿ ಡೇಟಾವನ್ನು ಗ್ರಾಹಕರು ಆನಂದಿಸಬಹುದು. ಇದಲ್ಲದೆ, ಪ್ರತಿದಿನ 100 ಫ್ರೀ ಎಸ್‌ಎಮ್‌ಎಸ್ ಜೊತೆಗೆ  ಇನ್ನೂ ಕೆಲವು ಸೌಲಭ್ಯಗಳು  ಕೂಡ ಲಭ್ಯವಾಗಲಿವೆ. 

ಇದನ್ನೂ ಓದಿ- ಇನ್ಮುಂದೆ ಫೇಕ್ ಕಾಲ್ ಮಾಡುವವರ ನಂಬರ್ ಸೇರುತ್ತೆ ಬ್ಲಾಕ್ ಲಿಸ್ಟ್: ಸೆಪ್ಟೆಂಬರ್ 01 ಜಾರಿಯಾಗಲಿದೆ ಹೊಸ ನಿಯಮ

ಬಿ‌ಎಸ್‌ಎನ್‌ಎಲ್ 160 ದಿನಗಳ ಯೋಜನೆಯಲ್ಲಿ ಗ್ರಾಹಕರು ಹೆಚ್ಚುವರಿಯಾಗಿ, ದೇಶದ ಯಾವುದೇ ನೆಟ್‌ವರ್ಕ್‌ಗೆ ಅನಿಯಮಿತ ಕರೆಗಳ ಜೊತೆಗೆ ಭಾರತದಾದ್ಯಂತ ಉಚಿತ ರೋಮಿಂಗ್, ಜಿಂಗ್ ಮ್ಯೂಸಿಕ್  ಮತ್ತು  ಬಿ‌ಎಸ್‌ಎನ್‌ಎಲ್ ಟ್ಯೂನ್‌ಗಳಂತಹ ಹಲವಾರು ಮೌಲ್ಯವರ್ಧಿತ ಸೇವೆಗಳನ್ನು ಕೂಡ ಆನಂದಿಸಬಹುದು. 

ಇದನ್ನೂ ಓದಿ-  ಎಸ್‌ಬಿ‌ಐ ಗ್ರಾಹಕರಿಗೆ ಗುಡ್ ನ್ಯೂಸ್: ನೆಟ್‌ಬ್ಯಾಂಕಿಂಗ್, ಆ್ಯಪ್‌ ಬಳಸದವರಿಗೂ ಸಿಗುತ್ತೆ ಈ ಸೌಲಭ್ಯ

ಶೀಘದಲ್ಲೇ ಬಿ‌ಎಸ್‌ಎನ್‌ಎಲ್ 5ಜಿ ಸೇವೆ: 
ಸರ್ಕಾರಿ ಟೆಲಿಕಾಂ ಕಂಪನಿ ಬಿ‌ಎಸ್‌ಎನ್‌ಎಲ್ ಈಗ ದೇಶದ ಎಲ್ಲಾ ಟೆಲಿಕಾಂ ವಲಯಗಳಲ್ಲಿ 4G ಸೇವೆಗಳನ್ನು ಪ್ರಾರಂಭಿಸಲು ಭರ್ಜರಿ ತಯಾರಿ ನಡೆಸುತ್ತಿದೆ. ಕೆಲವು ರಾಜ್ಯಗಳಲ್ಲಿ, ಈಗಾಗಲೇ ಬಿ‌ಎಸ್‌ಎನ್‌ಎಲ್ 4ಜಿ ಸೇವೆಯನ್ನು ಹೊರತರಲಾಗಿದೆ. ಲಭ್ಯವಿರುವ ಮಾಹಿತಿಯ ಪ್ರಕಾರ, ಶೀಘ್ರದಲ್ಲೇ ಬಿ‌ಎಸ್‌ಎನ್‌ಎಲ್ 5ಜಿ ಸೇವೆಗಳನ್ನು ಕೂಡ ಪರಿಚಯಿಸುವ ನಿರೀಕ್ಷೆಯಿದೆ.