ಭಾರತಕ್ಕಾಗಿಯೇ ಕೆಲ ಹೊಸ ವೈಶಿಷ್ಟ್ಯಗಳನ್ನು ಬಿಡುಗಡೆ ಮಾಡಿದ ಗೂಗಲ್ ಮ್ಯಾಪ್ಸ್!

ಬೆಂಗಳೂರು: ಗೂಗಲ್ ಮ್ಯಾಪ್ಸ್ ಭಾರತೀಯ ಬಳಕೆದಾರರಿಗೆ ಐದು ಹೊಸ ವೈಶಿಷ್ಟ್ಯಗಳನ್ನು ಪರಿಚಯಿಸಿದೆ. ಕಂಪನಿಯು ಸ್ಥಳಗಳನ್ನು ಗುರುತಿಸಲು ಮತ್ತು ಪತ್ತೆಹಚ್ಚಲು ಈ ಬಾರಿ ಕೃತಕ ಬುದ್ಧಿಮಟ್ಟೆಯನ್ನು ಬಳಸಿದೆ, ಇದರಿಂದ ನ್ಯಾವಿಗೇಶನ್ ಮತ್ತಷ್ಟು ಸುಲಭವಾಗಿದೆ. ಇದರೊಂದಿಗೆ, ಗೂಗಲ್ ಮ್ಯಾಪ್ ಚಾಲನೆ ಮಾಡುವಾಗ ಕಡಿಮೆ ಇಂಧನ ವೆಚ್ಚದ ಮಾರ್ಗವನ್ನು ಆಯ್ಕೆ ಮಾಡುವ ಆಯ್ಕೆಯನ್ನು ಸಹ ನೀಡಿದೆ. (Technology News In Kannada)

ಇದಲ್ಲದೆ, ಸಾರ್ವಜನಿಕ ಸಾರಿಗೆಯ ವೇಳಾಪಟ್ಟಿ ಮತ್ತು ಟ್ರ್ಯಾಕಿಂಗ್ ಅನ್ನು ಡಿಜಿಟಲ್ ಮಾಡಲು ನಮ್ಮ ಯಾತ್ರಿ, ವೇರ್ ಈಸ್ ಮೈ ಟ್ರೈನ್ ಮತ್ತು ಓಎನ್ಡಿಸಿ ನಂತಹ ಸ್ಥಳೀಯ ಅಪ್ಲಿಕೇಶನ್‌ಗಳೊಂದಿಗೆ ಗೂಗಲ್ ಸಹಭಾಗಿತ್ವ ಹೊಂದಿದೆ. ಮುಂಬೈ ಮತ್ತು ಕೋಲ್ಕತ್ತಾದಲ್ಲಿ ಓಡುತ್ತಿರುವ ಲೋಕಲ್ ರೈಲುಗಳ ಲೈವ್ ಸ್ಥಿತಿಯನ್ನು ಪತ್ತೆಹಚ್ಚಲು ಕಂಪನಿಯು ಸಹಾಯ ಸಹಾಯ ಮಾಡಲಿದೆ. ಬನ್ನಿ, ವಿವರವಾಗಿ ತಿಳಿದುಕೊಳ್ಳೋಣ.

ಗೂಗಲ್ ಮ್ಯಾಪ್ ನಲ್ಲಿ ಹಲವು ವೈಶಿಷ್ಟ್ಯಗಳು 
ಅಡ್ರೆಸ್ ಡೀಟೈಲ್ಸ್
ಗೂಗಲ್ ಮ್ಯಾಪ್ಸ್ ಹೊಸ ವೈಶಿಷ್ಟ್ಯಗಳ ಪೈಕಿ ಅತಿ ದೊಡ್ಡ ಅಪ್‌ಡೇಟ್ ಎಂದರೆ ಸ್ಥಳೀಯ ಲ್ಯಾಂಡ್‌ಮಾರ್ಕ್‌ಗಳಿಗೆ ಬೆಂಬಲ. ಇದನ್ನು ವಿಳಾಸ ವಿವರಣೆ / ಅಡ್ರೆಸ್ ಡೀಟೈಲ್ಸ್ ಎಂದು ಕರೆಯಲಾಗುತ್ತದೆ. ಗೂಗಲ್ ಪ್ರಕಾರ, ಬಳಕೆದಾರರು ನಿರ್ದಿಷ್ಟ ಸ್ಥಳವನ್ನು ಹುಡುಕಿದಾಗ, ಮ್ಯಾಪ್  ಅಪ್ಲಿಕೇಶನ್ ಈಗ ಐದು ಸಂಬಂಧಿತ ಮತ್ತು ಜನಪ್ರಿಯ ಹೆಗ್ಗುರುತುಗಳನ್ನು ತೋರಿಸಲಿದೆ.

ಸರಿಯಾದ ಹೆಗ್ಗುರುತುಗಳನ್ನು ತೋರಿಸಲು ಮಶೀನ್ ಲರ್ನಿಂಗ್ ಸಂಕೇತಗಳ ಸಂಯೋಜನೆಯನ್ನು ಗೂಗಲ್ ಬಳಸುತ್ತದೆ. ಉದಾಹರಣೆಗೆ, ಎಬಿಸಿ ಬ್ಯಾಂಕ್ ಬಳಿ, ಶಾಲೆ, ಉದ್ಯಾನವನ, ಪ್ರತಿಮೆ ಇತ್ಯಾದಿ. ಮುಂದಿನ ವರ್ಷದಿಂದ ಭಾರತದ ಎಲ್ಲಾ ಬಳಕೆದಾರರಿಗೆ ಅಡ್ರೆಸ್ಸ್ ಡೀಟೈಲ್ಸ್ ಲಭ್ಯವಿರಲಿದೆ.

ಅಪ್ಲಿಕೇಶನ್‌ಗಾಗಿ ಗೂಗಲ್ ಲೆನ್ಸ್ ಬರಲಿದೆ
ಗೂಗಲ್ ಈಗ ಮ್ಯಾಪ್ಸ್ ನಲ್ಲಿ  ಗೂಗಲ್ ಲೆನ್ಸ್ ಅನ್ನು ಸಂಯೋಜಿಸಲಿದೆ. ಇದರೊಂದಿಗೆ, ಬಳಕೆದಾರರು ರಸ್ತೆಯ ಯಾವುದೇ ಸ್ಥಳವನ್ನು ಸ್ಕ್ಯಾನ್ ಮಾಡಲು ಸಾಧ್ಯವಾಗಲಿದೆ ಮತ್ತು ಉನ್ನತ ರೆಸ್ಟೋರೆಂಟ್‌ಗಳು, ಸಿನಿಮಾ ಹಾಲ್‌ಗಳು ಅಥವಾ ಇತರ ಯಾವುದೇ ಸ್ಥಳದ ಬಗ್ಗೆ ಮಾಹಿತಿಯನ್ನು ಪಡೆಯಬಹುದು. ಆ ಸ್ಥಳದ ಹೆಸರು ನಿಮಗೆ ತಿಳಿದಿದೆಯೋ ಇಲ್ಲವೋ. ಈ ವೈಶಿಷ್ಟ್ಯವು ಜನವರಿ 2024 ರಲ್ಲಿ ಆರಂಭವಾಗಲಿದೆ ಮತ್ತು ಆಂಡ್ರಾಯ್ಡ್ ಬಳಕೆದಾರರು ಇದನ್ನು ಮೊದಲು ಬಳಕೆ ಮಾಡಲು ಸಾಧ್ಯವಾಗಲಿದೆ.

ಲೈವ್ ವ್ಯೂ ವಾಕಿಂಗ್ ನ್ಯಾವಿಗೇಷನ್
ಲೈವ್ ವ್ಯೂ ವಾಕಿಂಗ್ ನ್ಯಾವಿಗೇಶನ್ ಅನ್ನು ಸಹ ಗೂಗಲ್ ಮ್ಯಾಪ್ಸ್ ಅಪ್ಲಿಕೇಶನ್‌ಗೆ ಸೇರಿಸಲಾಗುತ್ತಿದೆ. ಇಲ್ಲಿ ಅಪ್ಲಿಕೇಶನ್ ರಸ್ತೆಯ ನೇರ ನೋಟವನ್ನು ತೆಗೆದುಕೊಳ್ಳಲು ಫೋನ್‌ನ ಕ್ಯಾಮರಾವನ್ನು ಬಳಸುತ್ತದೆ ಮತ್ತು ರಿಯಲ್ ಟೈಮ್ ಆಧಾರದಲ್ಲಿ ನಿಖರವಾದ ನಿರ್ದೇಶನಗಳೊಂದಿಗೆ ಬಾಣಗಳನ್ನು ನಿಮಗೆ ತೋರಿಸಲಿದೆ. ಮಲ್ಟಿಪಲ್ ಕ್ರಾಸಿಂಗ್ ಹೊಂದಿರುವ ಪ್ರದೇಶಗಳಿಗೆ ಈ ವೈಶಿಷ್ಟ್ಯವು ನಿಜವಾಗಿಯೂ ಕೆಲಸ ಮಾಡುತ್ತದೆ.

ಇದನ್ನೂ ಓದಿ-ಒಂದೇ ಚಾರ್ಜ್ ನಲ್ಲಿ 270 ಕಿಮೀ ರೆಂಜ್ ನೀಡುವ ಫೋಲ್ಡಿಂಗ್ ಇ-ಬೈಕ್ ಬಿಡುಗಡೆ, ವೈಶಿಷ್ಟ್ಯಗಳು ಇಲ್ಲಿವೆ!

ಚಾಲನೆ ಮಾಡುವಾಗ ಇಂಧನ-ಸಮರ್ಥ ಮಾರ್ಗಗಳನ್ನು ಆಯ್ಕೆ ಮಾಡಲು ಗೂಗಲ್ ಬಳಕೆದಾರರಿಗೆ ಅವಕಾಶ ನೀಡಲಿದೆ. ಪ್ರಯಾಣದ ಸಮಯದ ಮೇಲೆ ಪರಿಣಾಮ ಬೀರದಂತೆ ಅಪ್ಲಿಕೇಶನ್ ಅತ್ಯುತ್ತಮ ಮಾರ್ಗವನ್ನು ತೋರಿಸಲಿದೆ ಎಂದು ಕಂಪನಿ ಹೇಳಿದೆ.

ಇದನ್ನೂ ಓದಿ-ಈ ಟೆಲಿಕಾಂ ಕಂಪನಿ ಕೇವಲ 202 ರೂ.ಗಳಲ್ಲಿ ನೀಡುತ್ತಿದೆ 13 ಅಧಿಕ ಓಟಿಟಿ ವೇದಿಕೆಗಳ ಉಚಿತ ಚಂದಾದಾರಿಕೆ !

ಇದರ ಹೊರತಾಗಿ, ಹಿಂದಿನ ಸಮಯದ ನವೀಕರಣಗಳಿಗಾಗಿ ಗೂಗಲ್ ಅನೇಕ ಅಪ್ಲಿಕೇಶನ್‌ಗಳೊಂದಿಗೆ ಪಾಲುದಾರಿಕೆ ಹೊಂದಿದೆ.

ಇದನ್ನೂ ನೋಡಿ-