Cyber Warfare: ಏನಿದು ಸೈಬರ್ ವಾರ್ ಫೇರ್? ಸೈನಿಕರ ರೀತಿಯೇ ಯುದ್ಧವಾಡುತ್ತಾರೆಯೇ ಸೈಬರ್ ಅಪರಾಧಿಗಳು?

Cyber Warfare - ಸೈಬರ್ ಅಪರಾಧವು ಇನ್ನು ಮುಂದೆ ಆನ್‌ಲೈನ್ ವಂಚನೆ ವಹಿವಾಟು ಅಥವಾ ಪಾಸ್‌ವರ್ಡ್ ಹ್ಯಾಕಿಂಗ್‌ಗೆ ಸೀಮಿತವಾಗಿ ಉಳಿಯುವದಿಲ್ಲ. ಸೈಬರ್ ಕ್ರಿಮಿನಲ್‌ಗಳು ಈಗ ಜಗತ್ತಿನಾದ್ಯಂತ ಭದ್ರತಾ ವ್ಯವಸ್ಥೆಗೆ ದೊಡ್ಡ ಬೆದರಿಕೆಯಾಗಿ ಪರಿಣಮಿಸಿದ್ದಾರೆ. ಅನೇಕ ದೇಶಗಳು ವೃತ್ತಿಪರ ಸೈಬರ್ ಹ್ಯಾಕರ್‌ಗಳಿಗೆ ಉತ್ತಮ ಮೊತ್ತವನ್ನು ನೀಡುತ್ತವೆ, ಇದರಿಂದ ಶತ್ರು ದೇಶದ ಗುಪ್ತಚರ ಜಾಲವನ್ನು ಭೇದಿಸಬಹುದು. ಶತ್ರು ದೇಶಗಳ ಡೇಟಾಬೇಸ್ ಇದೀಗ ಸೈಬರ್ ಅಪರಾಧಿಗಳ ಗುರಿಯಾಗಿದೆ.

ಶತ್ರು ರಾಷ್ಟ್ರಗಳು ತಮ್ಮ ಹ್ಯಾಕರ್‌ಗಳ ಮೂಲಕ ಸೈಬರ್ ಸೈಬರ್ ಸರಣಿ ದಾಳಿಗಳನ್ನು ನಡೆಸುತ್ತವೆ. ಈ ದಾಳಿಗಳು ಯಾರನ್ನೂ ಕೊಲ್ಲದಿರಬಹುದು, ಆದರೆ ಇವುಗಳಿಂದ ಒಂದು ದೇಶವು ಆರ್ಥಿಕವಾಗಿ ಮತ್ತು ಜಾಗತಿಕವಾಗಿ ಬಡವಾಗಬಹುದು. ತಾಂತ್ರಿಕ ಭಾಷೆಯಲ್ಲಿ, ಒಂದು ದೇಶವು ಮತ್ತೊಂದು ದೇಶದ ಮೇಲೆ ಇಂತಹ ದಾಳಿಗಳನ್ನು ಮಾಡಿದಾಗ, ಅದನ್ನು ಸೈಬರ್ ವಾರ್‌ಫೇರ್ ಅಥವಾ ಸೈಬರ್ ವಾರ್‌ ಎಂದು ಕರೆಯಲಾಗುತ್ತದೆ.

ಸೈಬರ್ ವಾರ್‌ಫೇರ್ ಎಂದರೇನು?
ಸಾಮಾನ್ಯವಾಗಿ, ವೆಬ್‌ಸೈಟ್ ಅಥವಾ ಡೇಟಾಬೇಸ್‌ನಲ್ಲಿ ನಡೆಸಲಾಗುವ ನಿರಂತರ ದಾಳಿಯನ್ನು ಸೈಬರ್ ದಾಳಿ ಎಂದು ಕರೆಯಲಾಗುತ್ತದೆ. ಹ್ಯಾಕರ್‌ಗಳು ನಿರಂತರವಾಗಿ ಸೈಬರ್ ಸ್ಟ್ರೈಕ್‌ಗಳನ್ನು ನಡೆಸುತ್ತಾರೆ, ಇದರಿಂದಾಗಿ ವೆಬ್‌ಸೈಟ್ ಕ್ರ್ಯಾಶ್ ಆಗುತ್ತದೆ. ಹ್ಯಾಕರ್‌ಗಳು ವೆಬ್‌ಸೈಟ್‌ನ ವಿನ್ಯಾಸವನ್ನೇ ಬದಲಾಯಿಸುತ್ತಾರೆ. ಸೈಬರ್ ದಾಳಿಯ ಮೂಲಕ ದೇಶದ ಮೂಲಸೌಕರ್ಯವನ್ನು ಬುಡಮೇಲು ಮಾಡಬಹುದು. ಪ್ರಸ್ತುತ, ಪ್ರತಿಯೊಂದು ಡೇಟಾವನ್ನು ಸರ್ವರ್‌ನಲ್ಲಿ ಸೇವ್ ಮಾಡಲಾಗುತ್ತದೆ. ಪ್ರತಿಯೊಂದು  ಗುಪ್ತಚರ ಮಾಹಿತಿ ಒಂದು ಡೇಟಾಬೇಸ್ ಅನ್ನು ಹೊಂದಿದೆ.
ಬ್ಯಾಂಕ್‌ಗಳು ಸಂಪೂರ್ಣ ಆನ್‌ಲೈನ್‌ ಆಗಿವೆ. ಅನೇಕ ದೇಶಗಳ ಯುದ್ಧ ವ್ಯವಸ್ಥೆಗಳನ್ನು ಆನ್‌ಲೈನ್‌ನಲ್ಲಿಯೂ ನಡೆಸಲಾಗುತ್ತಿದೆ. ಪ್ರಪಂಚದ ಪ್ರತಿಯೊಂದು ಪ್ರಮುಖ ದೇಶವು ಮ್ಯಾನ್ಯುವಲ್ ಆಪರೇಟಿಂಗ್‌ನಿಂದ ಆನ್‌ಲೈನ್ ಕಂಪ್ಯೂಟರ್ ಆಧಾರಿತ ಆಪರೇಟಿಂಗ್ ಸಿಸ್ಟಮ್‌ಗೆ ಬದಲಾಗಿವೆ. ರಕ್ಷಣಾ ಇಲಾಖೆ, ಹಣಕಾಸು, ಗುಪ್ತಚರ ಮತ್ತು ದೂರಸಂಪರ್ಕ, ಪ್ರತಿ ಇಲಾಖೆಯು ಡೇಟಾಬೇಸ್ ಅನ್ನು ಹೊಂದಿದ್ದು, ಅದರ ಮೇಲೆ ಹ್ಯಾಕರ್‌ಗಳು ಕಣ್ಣಿಟ್ಟಿರುತ್ತಾರೆ.

ಶತ್ರು ರಾಷ್ಟ್ರಗಳು ಸೈಬರ್ ದಾಳಿಯನ್ನು ಹೇಗೆ ನಡೆಸುತ್ತವೆ?
ಇತ್ತೀಚಿನ ದಿನಗಳಲ್ಲಿ ವಿವಿಧ ದೇಶಗಳ ರಕ್ಷಣಾ ಸಚಿವಾಲಯದ ವೆಬ್‌ಸೈಟ್‌ಗಳು ಹ್ಯಾಕ್ ಆಗಿರುವಾಗ ಇಂತಹ ಹಲವು ಘಟನೆಗಳು ಬೆಳಕಿಗೆ ಬಂದಿವೆ. ಅಲ್ಲಿ ಶತ್ರು ದೇಶಗಳು ತಮ್ಮ ದೇಶದ ಗುರುತು ಅಥವಾ ಇತರ ಯಾವುದೇ ಶತ್ರು ದೇಶದ ಗುರುತು ಹಾಕುತ್ತವೆ. ಕೆಲವೊಮ್ಮೆ ಕೆಲವು ಆಕ್ಷೇಪಾರ್ಹ ಬದಲಾವಣೆ ಕೂಡ ಸಹ ಮಾಡಲಾಗುತ್ತದೆ. ಭದ್ರತಾ ವ್ಯವಸ್ಥೆಯನ್ನು ಎಷ್ಟು ಪ್ರಬಲವಾಗಿ ಸ್ಥಾಪಿಸಿದರೂ, ಹ್ಯಾಕರ್‌ಗಳು ಅದನ್ನು ಭೇದಿಸುತ್ತಾರೆ. ಒಂದು ದೊಡ್ಡ ದೇಶ ಹ್ಯಾಕಿಂಗ್‌ನಲ್ಲಿ ತೊಡಗಿಸಿಕೊಂಡಾಗ ಸನ್ನಿವೇಶಗಳು ಇನ್ನಷ್ಟು ಅಪಾಯಕಾರಿ ಸ್ವರೂಪಗಳು ಪಡೆದುಕೊಳ್ಳುತ್ತವೆ.
ಗೌಪ್ಯ ಮಾಹಿತಿಯನ್ನು ವಿಶೇಷ ಸರ್ವರ್‌ನಲ್ಲಿ ಸಂಗ್ರಹಿಸಲಾಗುತ್ತದೆ ಇದರಿಂದ ಅಗತ್ಯವಿದ್ದಾಗ ತಕ್ಷಣ ಅದನ್ನು ಪ್ರವೇಶಿಸಬಹುದು. ಗೌಪ್ಯ ಮಾಹಿತಿಯನ್ನು ಹೇಗೆ ಭೇದಿಸುವುದು ಮತ್ತು ಡೇಟಾಬೇಸ್‌ಗಳನ್ನು ಹೇಗೆ ಪಡೆಯುವುದು ಎಂಬುದರ ಮೇಲೆ ಶತ್ರು ರಾಷ್ಟ್ರಗಳ ಕಣ್ಣುಗಳು ಯಾವಾಗಲೂ ಇರುತ್ತವೆ. ಸ್ವಯಂಚಾಲಿತ ವ್ಯವಸ್ಥೆಗಳ ಮೇಲಿನ ಹೆಚ್ಚುತ್ತಿರುವ ಅವಲಂಬನೆಯು ಹೆಚ್ಚಿನ ದುರಂತಕ್ಕೆ ಕಾರಣವಾಗಬಹುದು.

ಸೈಬರ್ ಯುದ್ಧದಲ್ಲಿ ಯಾವುದಾದರೊಂದು ದೇಶದ ಕೈವಾಡ ಇರುತ್ತದೆ ಮತ್ತು ಆ ದೇಶ ತನ್ನ ಶತ್ರು ರಾಷ್ಟ್ರದ ಮೇಲೆ ದಾಳಿ ನಡೆಸುತ್ತವೆ..ಕೆಲವು ಪ್ರಕರಣಗಳಲ್ಲಿ ಭಯೋತ್ಪಾದಕ ಸಂಘಟನೆಗಳಿಂದಲೂ ದಾಳಿಗಳು ನಡೆಯುತ್ತವೆ. ಸೈಬರ್ ದಾಳಿಯಿಂದ ಇಲ್ಲಿಯವರೆಗೆ ಯಾವುದೇ ದುರಂತದ ಪರಿಣಾಮಗಳು ಬಂದಿಲ್ಲ, ಆದರೆ ಅದರ ಹಸ್ತಕ್ಷೇಪ ಹೆಚ್ಚುತ್ತಿರುವ ರೀತಿಯನ್ನು ಗಮನಿಸಿದರೆ, ಭವಿಷ್ಯದಲ್ಲಿ ಏನು ಬೇಕಾದರೂ ಆಗಬಹುದು.

ಎಷ್ಟು ರೀತಿಯ ಸೈಬರ್ ಅಟ್ಯಾಕ್ ಗಳಿವೆ.
1. ಬೇಹುಗಾರಿಕೆ 
ಸೈಬರ್ ದಾಳಿಯ ಮೂಲಕ ಶತ್ರು ರಾಷ್ಟ್ರಗಳು ಸರ್ವರ್ ಗೆ ನುಗ್ಗಿ ಗೌಪ್ಯ ಮಾಹಿತಿ ಪಡೆಯಲು ಯತ್ನಿಸುತ್ತವೆ. ರಕ್ಷಣಾ ಕ್ಷೇತ್ರದ ಸ್ವಲ್ಪ ಜ್ಞಾನವು ದೇಶದ ಭದ್ರತಾ ವ್ಯವಸ್ಥೆಯನ್ನು ಹಾನಿಗೊಳಿಸುತ್ತದೆ. ಪ್ರಸ್ತುತ, ಪ್ರತಿಯೊಂದು ಆದೇಶವನ್ನು ಆನ್‌ಲೈನ್‌ನಲ್ಲಿ ನೀಡಲಾಗುತ್ತದೆ. ಇಂತಹ ಪರಿಸ್ಥಿತಿಯಲ್ಲಿ, ಶತ್ರು ದೇಶಗಳು ಅದನ್ನು ಸಾಧಿಸಲು ಪ್ರಯತ್ನಿಸಬಹುದು.

1. ಡೇಟಾಬೇಸ್ ಟ್ಯಾಂಪರಿಂಗ್ (Database Tampering)
ಸೈಬರ್ ದಾಳಿಯ ಅಪರಾಧಿಗಳು ಸಂಪೂರ್ಣ ಡೇಟಾಬೇಸ್ ಅನ್ನು ಅಳಿಸಿಹಾಕಬಹುದು. ಗೌಪ್ಯ ಮಾಹಿತಿಯನ್ನು ನಾಶಪಡಿಸಬಹುದು. ಅವರು ಈಗಾಗಲೇ ಅದನ್ನು ಪಡೆದುಕೊಂಡಿರುವುದರಿಂದ, ಒಂದು ದೇಶವು ಅದೇ ಡೇಟಾವನ್ನು ಎರಡನೇ ಬಾರಿಗೆ ಮರು-ಫೀಡ್ ಮಾಡಿದಾಗ, ಅವರು ಅದನ್ನು ತಮ್ಮ ಪರವಾಗಿ ತಪ್ಪಾಗಿ ಬಳಸುತ್ತಾರೆ. ಸೈಬರ್ ಅಪರಾಧಿಗಳು ಒಂದರ ನಂತರ ಒಂದರಂತೆ ಹಲವಾರು ಸುತ್ತಿನ ಫಿಶಿಂಗ್ ದಾಳಿಗಳನ್ನು ನಡೆಸುತ್ತಾರೆ.

3. DoS ಅಟ್ಯಾಕ್ (DoS Attack)
ಡಿನಾಯಲ್ ಆಫ್ ಸರ್ವಿಸ್ ದಾಳಿ (DoS) ಅತ್ಯಂತ ಸೂಕ್ಷ್ಮವಾಗಿರುತ್ತದೆ. ಲಾಗಿನ್ ಸಮಯದಲ್ಲಿ ಹ್ಯಾಕರ್‌ಗಳು ಅನೇಕ ನಕಲಿ ವಿನಂತಿಗಳನ್ನು ಕಳುಹಿಸುತ್ತಾರೆ, ಇದರಿಂದಾಗಿ ವೆಬ್‌ಸೈಟ್ ನಿರ್ವಹಣೆ ಕಷ್ಟವಾಗುತ್ತದೆ. ಸೂಕ್ಷ್ಮ ಕಾರ್ಯಾಚರಣೆಯನ್ನು ಅಡ್ಡಿಪಡಿಸಲು ಇಂತಹ ದಾಳಿಗಳನ್ನು ಮಾಡಲಾಗುತ್ತದೆ.

4. ಆರ್ಥಿಕತೆಯ ಮೇಲೆ ದಾಳಿ (Economic War)
ಶತ್ರು ರಾಷ್ಟ್ರಗಳು ತಮ್ಮ ಹ್ಯಾಕರ್‌ಗಳ ಮೂಲಕ ಹಣಕಾಸು ಸಂಸ್ಥೆಗಳ ಮೇಲೆ ದಾಳಿ ಮಾಡುತ್ತವೆ. ಹ್ಯಾಕರ್‌ಗಳು ಇಡೀ ಕಂಪ್ಯೂಟರ್ ಆಪರೇಟಿಂಗ್ ಸಿಸ್ಟಮ್ ಅನ್ನು ಹ್ಯಾಕ್ ಮಾಡುತ್ತಾರೆ, ಇದರಿಂದಾಗಿ ದೇಶದ ಷೇರು ಮಾರುಕಟ್ಟೆ, ಪಾವತಿ ವ್ಯವಸ್ಥೆ ಮತ್ತು ಬ್ಯಾಂಕಿಂಗ್ ವ್ಯವಸ್ಥೆಯೂ ನಾಶವಾಗಬಹುದು.

ಮತ್ತೆಷ್ಟು ರೀತಿಯ ದಾಳಿಗಳು ಇರಬಹುದು?
ಶತ್ರು ದೇಶಗಳು ತನ್ನ ಗುರಿ ರಾಷ್ಟ್ರವನ್ನು ನಾಶಮಾಡಲು ಪ್ರಾಪಗೇಂಡಾ ವಾರ್ (Propagenda War) ಪ್ರಾರಂಭಿಸಬಹುದು. ಪಾಕಿಸ್ತಾನವೂ ಭಾರತದ ವಿರುದ್ಧ ಅಪಪ್ರಚಾರ ಮಾಡುತ್ತಿದೆ. ಮುಸ್ಲಿಂ ಸಮುದಾಯದ ಸುಳ್ಳು ಶೋಷಣೆಯ ಮಾತು ಕೆಲವೊಮ್ಮೆ ಪಾಕಿಸ್ತಾನದಿಂದ ಹರಡುತ್ತದೆ ಮತ್ತು ಕೆಲವೊಮ್ಮೆ ಕಾಶ್ಮೀರದಲ್ಲಿ ಮಾನವ ಹಕ್ಕುಗಳ ಉಲ್ಲಂಘನೆಯಾಗಿದೆ ಎಂಬುದರ ಕುರಿತು ಪ್ರೋಪಗೆಂಡಾ ಮಾಡಲಾಗುತ್ತದೆ. ಇಂತಹ ದೊಡ್ಡ ಪ್ರಮಾಣದ ಪ್ರಚಾರದ ಮೂಲಕ ಹ್ಯಾಕರ್‌ಗಳು ವದಂತಿಗಳನ್ನು ಹರಡುತ್ತಾರೆ. ಸೈಬರ್ ಅಪರಾಧಿಗಳು ಈಗ ಎಲೆಕ್ಟ್ರಿಕ್ ಪವರ್ ಗ್ರಿಡ್ ಅನ್ನು ಗುರಿಯಾಗಿಸಲು ಪ್ರಯತ್ನಿಸುತ್ತಿದ್ದಾರೆ. ಇದರ ಮೂಲಕ, ದಾಳಿಕೋರರು ಗ್ರಿಡ್ ವ್ಯವಸ್ಥೆಯನ್ನು ವಿಫಲಗೊಳಿಸಬಹುದು.

ಸೈಬರ್ ವಾರ್‌ಫೇರ್ ಸುದ್ದಿಯಲ್ಲಿ ಏಕೆ ಬಂದಿದೆ?
ರಷ್ಯಾ ಉಕ್ರೇನ್ ಮೇಲೆ ದಾಳಿ ಮಾಡಿದಾಗ (Russia-Ukraine Conflict) ಸೈಬರ್ ಯುದ್ಧ ಮತ್ತೊಮ್ಮೆ ಬೆಳಕಿಗೆ ಬಂದಿದೆ. ಬುಧವಾರ, ಇಂಟರ್ನೆಟ್ ಸಂಪರ್ಕ ಕಂಪನಿ NetBlocks ಉಕ್ರೇನ್ ಮೇಲೆ ರಷ್ಯಾದ ದಾಳಿಯ ಜೊತೆಗೆ ಸರ್ವರ್ ಸ್ಥಗಿತದ ದೂರನ್ನು ದಾಖಲಿಸಿದೆ. ಹೊಸ ಸೈಬರ್ ದಾಳಿಯು ಡಿಸ್ಟ್ರಿಬ್ಯೂಟೆಡ್ ಡಿನೈಯಲ್ ಆಫ್ ಸರ್ವಿಸ್ (ಡಿಡಿಒಎಸ್) ನಂತೆ ಇದೆ ಎಂದು ನಂತರ ಅದು ಟ್ವೀಟ್ ಮಾಡಿದೆ.

ಸೇವೆಯ ನಿರಾಕರಣೆ ದಾಳಿಯ (DoS) ಮೂಲಕ ವೆಬ್‌ಸೈಟ್ ಅನ್ನು ಆಫ್‌ಲೈನ್‌ನಲ್ಲಿ ಕದ ತಟ್ಟಬಹುದು. ಇದನ್ನು ವಿಶೇಷವಾಗಿ ವಿನ್ಯಾಸಗೊಳಿಸಲಾಗಿದೆ ಮತ್ತು ಅದು ಕ್ರ್ಯಾಶ್ ಆಗುವವರೆಗೆ ಕೆಲಸ ಮಾಡುತ್ತದೆ. ಉಕ್ರೇನ್ ಮೇಲೆಯೂ ರಷ್ಯಾ ಸೈಬರ್ ದಾಳಿ ನಡೆಸಿದೆ ಎಂದು ಹೇಳಲಾಗುತ್ತಿದೆ. ಇದೇ ವೇಳೆ , ದೇಶದ ಹ್ಯಾಕರ್‌ಗಳು ಸೈಬರ್ ಯುದ್ಧದಲ್ಲಿ ಭಾಗವಹಿಸಬೇಕು ಎಂದು ಸ್ವತಃ ಉಕ್ರೇನ್ ಯುದ್ಧದ ಭೀತಿಯ ನಡುವೆ ಹೇಳಿಕೆ ನೀಡಿತ್ತು.

ಸೈಬರ್ ದಾಳಿಕೋರರು ರಷ್ಯಾ-ಉಕ್ರೇನ್ ಯುದ್ಧದಲ್ಲಿಯೂ ಕೂಡ ಭಾಗಿಯಾಗಿದ್ದಾರೆ
ಉಕ್ರೇನ್ ಮತ್ತು ರಷ್ಯಾ ನಡುವಿನ ಯುದ್ಧದಲ್ಲಿ ಹ್ಯಾಕರ್‌ಗಳು ಸಹ ನಿರ್ಣಾಯಕ ಯುದ್ಧ ಹೋರಾಡುತ್ತಿದ್ದಾರೆ. ರಷ್ಯಾದ ಹ್ಯಾಕರ್‌ಗಳು ಉಕ್ರೇನಿಯನ್ ಸರ್ಕಾರಿ ವೆಬ್‌ಸೈಟ್‌ಗಳು ಮತ್ತು ಬ್ಯಾಂಕ್‌ಗಳ ಮೇಲೆ ದೊಡ್ಡ ಪ್ರಮಾಣದಲ್ಲಿ ದಾಳಿ ಮಾಡಿದ್ದಾರೆ. ರಷ್ಯಾದ ಹ್ಯಾಕರ್‌ಗಳು ಪ್ರಸ್ತುತ ಯುದ್ಧದಲ್ಲಿ ನಿರತರಾಗಿದ್ದಾರೆ.

ಸೈಬರ್ ದಾಳಿಯ ಮೂಲಕ ರಷ್ಯಾ ಈಗಾಗಲೇ ಉಕ್ರೇನ್‌ನ ಕೆಲವು ಭಾಗಗಳಲ್ಲಿ ಇಂಟರ್ನೆಟ್ ಸಂಪರ್ಕವನ್ನು ಕಡಿತಗೊಳಿಸಿದೆ. ಇತ್ತೀಚೆಗೆ, ಯುಎಸ್‌ನ ಜಾರ್ಜಿಯಾ ಟೆಕ್ ಇಂಟರ್ನೆಟ್ ಸ್ಥಗಿತ ಪತ್ತೆ ಮತ್ತು ವಿಶ್ಲೇಷಣೆ ಯೋಜನೆಯನ್ನು ಟ್ವೀಟ್ ಮಾಡುವ ಮೂಲಕ ಈ ಬಗ್ಗೆ ದೂರು ನೀಡಿದೆ. ಜಾಗತಿಕ ಇಂಟರ್ನೆಟ್ ಮಾನಿಟರಿಂಗ್ ಪ್ಲಾಟ್‌ಫಾರ್ಮ್ ನೆಟ್ ಬ್ಲಾಕ್‌ಗಳು, ಭಾರೀ ಸ್ಫೋಟದ ಶಬ್ದ ಕೇಳಿದ ಸ್ವಲ್ಪ ಸಮಯದ ನಂತರ ಉಕ್ರೇನಿಯನ್ ನಿಯಂತ್ರಿತ ಖಾರ್ಕಿವ್ ನಗರವನ್ನು ನಿರ್ಬಂಧಿಸಲಾಗಿದೆ ಎಂದು ಟ್ವೀಟ್ ಮಾಡಿದೆ. ಸೆಲ್ ಫೋನ್‌ಗಳು ಮಾತ್ರ ಕಾರ್ಯನಿರ್ವಹಿಸುತ್ತಿವೆ.

ಇದನ್ನೂ ಓದಿ-Worlds Most Powerful Militaries : ಜಗತ್ತಿನ ಅತೀ ಬಲಿಷ್ಠ ಮಿಲಿಟರಿ ಯಾವುದು? ಭಾರತ ಯಾವ ಸ್ಥಾನದಲ್ಲಿದೆ? ಇಲ್ಲಿದೆ ನೋಡಿ

ಭವಿಷ್ಯದ ಯುದ್ಧದಲ್ಲಿ ಹ್ಯಾಕರ್‌ಗಳು ವೃತ್ತಿಪರ ಸೈನಿಕರಾಗುತ್ತಾರೆ!
ಒಂದೇ ರೀತಿಯ ಸೈಬರ್ ಅಪರಾಧಗಳ ಮೂಲಕ ಎರಡು ದೇಶಗಳು ಪರಸ್ಪರ ಎದುರಾದರೆ, ಸೈನಿಕರ ಬದಲಿಗೆ ಸೈಬರ್ ಅಪರಾಧಿಗಳೇ ನಿಜವಾದ ಯುದ್ಧವನ್ನು ಎದುರಿಸುತ್ತಾರೆ. ಸೈನ್ಯದ ಯುದ್ಧಕ್ಕಿಂತ ಸೈಬರ್ ಯುದ್ಧ ಕಡಿಮೆ ಅಪಾಯಕಾರಿ ಏನಲ್ಲ. ಯಾವುದೇ ದೇಶವು ಸೈಬರ್ ಕ್ರಿಮಿನಲ್‌ಗಳಿಗೆ ಶತ್ರು ದೇಶಗಳಿಗೆ ನುಗ್ಗುವ ಕಾರ್ಯವನ್ನು ಸಹ ವಹಿಸಬಹುದು. ಇಂತಹ ಪರಿಸ್ಥಿತಿಯಲ್ಲಿ, ಸೈಬರ್ ಅಪರಾಧಿಗಳನ್ನು ಹೊಸ ಯುಗದ ಸೈನಿಕರು ಎಂದೂ ಕರೆದರೂ ಕೂಡ ತಪ್ಪಾಗಲಾರದು.

ಇದನ್ನೂ ಓದಿ-Ukraine-Russia War: ಭಾರತಕ್ಕೆ ಧನ್ಯವಾದ ಹೇಳಿದ ರಷ್ಯಾ, ಕಾರಣ ಇಲ್ಲಿದೆ

ಅಂದರೆ ಯಾವುದೇ ಹೋರಾಟ ನಡೆಸದೆಯೇ ಸೋಲಲಿದೆಯೇ ಸೈಬರ್ ಅಟ್ಯಾಕ್ ಗೆ ಒಳಗಾದ ದೇಶ?
ಇಂಟರ್‌ನೆಟ್‌ನಲ್ಲಿ ನಡೆಯುತ್ತಿರುವ ಸೈಬರ್ ದಾಳಿಯಿಂದ ಇಡೀ ಜಗತ್ತೇ ಆತಂಕಕ್ಕೆ ಒಳಗಾಗಿದೆ. ಉಕ್ರೇನ್ ವಿರುದ್ಧ ರಷ್ಯಾ ಮಿಲಿಟರಿ ಕಾರ್ಯಾಚರಣೆಯನ್ನು ಪ್ರಾರಂಭಿಸಿದ ತಕ್ಷಣ, ಪ್ರಮುಖ ಉಕ್ರೇನ್ ಸರ್ಕಾರದ ವೆಬ್‌ಸೈಟ್‌ಗಳನ್ನು ಸ್ಥಗಿತಗೊಳಿಸಲಾಯಿತು. ಉಕ್ರೇನ್‌ನ ಕ್ಯಾಬಿನೆಟ್ ಮತ್ತು ವಿದೇಶಾಂಗ ಸಚಿವಾಲಯಗಳು, ಶಿಕ್ಷಣ ಮತ್ತು ಇತರ ಸಚಿವಾಲಯಗಳ ವೆಬ್‌ಸೈಟ್‌ಗಳು ಸ್ಥಗಿತಗೊಂಡಿವೆ. ಉಕ್ರೇನ್‌ನಲ್ಲಿ ಮಿಲಿಟರಿ ಕಾರ್ಯಾಚರಣೆಯೊಂದಿಗೆ ರಷ್ಯಾ ಸೈಬರ್ ಕಾರ್ಯಾಚರಣೆಗಳನ್ನು ನಡೆಸುತ್ತಿದೆ  ಎಂದು ಯುಎಸ್ ಅಧಿಕಾರಿಗಳು ಈಗಾಗಲೇ ಎಚ್ಚರಿಸಿದ್ದಾರೆ. ಇಂದಿನ ಕಾಲದಲ್ಲಿ ಇಂಟರ್ನೆಟ್ ಇಲ್ಲದೆ ಮಿಲಿಟರಿ ಕಾರ್ಯಾಚರಣೆಗಳನ್ನು ಮಾಡಲು ಸಾಧ್ಯವಿಲ್ಲ. ಪ್ರಸ್ತುತ ಸಮಯದಲ್ಲಿ ಯಾವುದೇ ದೇಶದಲ್ಲಿ ಇಂಟರ್ನೆಟ್ ಅಸ್ತವ್ಯಸ್ತಗೊಂಡರೆ, ಆ ದೇಶವೇ ನಿರ್ಣಾಯಕ ಯುದ್ಧವನ್ನು ಕಳೆದುಕೊಳ್ಳಲಿದೆ.