ರೈಲ್ವೇ ನಿಲ್ದಾಣದಲ್ಲಿ ಹೀಗೆ ಪಡೆದುಕೊಳ್ಳಿ ಫ್ರೀ ವೈ-ಫೈ ಕನೆಕ್ಷನ್ !5G ಸ್ಪೀಡ್ ನಲ್ಲಿ ಡೌನ್‌ಲೋಡ್ ಆಗುವುದು HD ಸಿನಿಮಾ

How to connect free Wi-Fi at railway stations : ಇತ್ತೀಚಿನ ದಿನಗಳಲ್ಲಿ ಪ್ರಯಾಣದ ವೇಳೆಯಲ್ಲಿಯೂ ಇಂಟರ್ನೆಟ್ ಬೇಕಾಗುತ್ತದೆ.ಭಾರತದ ಅನೇಕ ದೊಡ್ಡ ರೈಲು ನಿಲ್ದಾಣಗಳು ಪ್ರಯಾಣಿಕರಿಗೆ ಉಚಿತ ವೈ-ಫೈ ಸೌಲಭ್ಯವನ್ನು ಒದಗಿಸುತ್ತದೆ. ಆದರೆ ಈ ಸೌಲಭ್ಯವನ್ನು ಹೇಗೆ ಬಳಸುವುದು ಎನ್ನುವ ಮಾಹಿತಿ ಪ್ರಯಾಣಿಕರಿಗೆ ಇರುವುದಿಲ್ಲ. 

ರೈಲು ನಿಲ್ದಾಣದಲ್ಲಿ ಉಚಿತ ವೈ-ಫೈ : 
ಎಲ್ಲಾ ನಿಲ್ದಾಣಗಳಲ್ಲಿಲ್ಲದಿದ್ದರೂ, ಹೆಚ್ಚಿನ ದೊಡ್ಡ ನಿಲ್ದಾಣಗಳಲ್ಲಿ ಉಚಿತ ವೈ-ಫೈ ಸೇವೆ ಲಭ್ಯವಿದೆ.ಈ ಸೌಲಭ್ಯವನ್ನು ಗೂಗಲ್ ಮತ್ತು ರೈಲ್‌ಟೆಲ್ (ರೈಲ್ವೆಯ ಟೆಲಿಕಾಂ ಕಂಪನಿ) ಜಂಟಿಯಾಗಿ ಪ್ರಾರಂಭಿಸಿದೆ.ಸರ್ಕಾರದ 'ಡಿಜಿಟಲ್ ಇಂಡಿಯಾ' ಯೋಜನೆಯ ಅಡಿಯಲ್ಲಿ ಇದನ್ನು ಆರಂಭಿಸಲಾಗಿದೆ. 

ಇದನ್ನೂ ಓದಿ : BSNL 4G SIM ಖರೀದಿಸುವ ಮುನ್ನ ನಿಮ್ಮ ಏರಿಯಾದಲ್ಲಿ ನೆಟ್‌ವರ್ಕ್ ಸರಿಯಾಗಿ ಸಿಗುತ್ತದೆಯೇ ಎಂದು ಹೀಗೆ ಚೆಕ್ ಮಾಡಿ !

ಉಚಿತ ವೈ-ಫೈ ಸೌಲಭ್ಯ ಪಡೆಯುವುದು ಹೇಗೆ? :
ಹಂತ 1: ನಿಮ್ಮ ಫೋನ್‌ನ ವೈ-ಫೈ ಸೆಟ್ಟಿಂಗ್‌ಗಳನ್ನು ಓಪನ್ ಮಾಡಿ. 
ಹಂತ 2: ನೆಟ್‌ವರ್ಕ್‌ಗಳಿಗಾಗಿ ಸರ್ಚ್ ಮಾಡಿ. 
ಹಂತ 3: ನಿಮ್ಮ ಬ್ರೌಸರ್‌ನಲ್ಲಿ railwire.co.in ಗೆ ಹೋಗಿ.
ಹಂತ 4: ನಿಮ್ಮ 10 ಅಂಕಿಗಳ ಮೊಬೈಲ್ ಸಂಖ್ಯೆಯನ್ನು ನಮೂದಿಸಿ.
ಹಂತ 5: ನಿಮ್ಮ ಮೊಬೈಲ್‌ಗೆ ಒನ್ ಟೈಮ್ ಪಾಸ್‌ವರ್ಡ್ (OTP) ಬರುತ್ತದೆ. 
ಹಂತ 6: ಕನೆಕ್ಷನ್ ಅನ್ನು ಆಕ್ಟಿವ್ ಮಾಡಲು OTPಯನ್ನು ಬಳಸಿ. 
ಹಂತ 7: ಈಗ ರೈಲ್‌ವೈರ್‌ನ ಉಚಿತ ವೈ-ಫೈ ಸೇವೆ ನಿಮಗೆ ಲಭ್ಯವಾಗುತ್ತದೆ. 

ರೈಲು ನಿಲ್ದಾಣಗಳಲ್ಲಿ ಉಚಿತ ವೈ-ಫೈ ಒದಗಿಸುವುದು ದೇಶದಾದ್ಯಂತ ಡಿಜಿಟಲ್ ಸಂಪರ್ಕವನ್ನು ಹೆಚ್ಚಿಸುವ ಸರ್ಕಾರದ ಪ್ರಯತ್ನದ ಭಾಗವಾಗಿದೆ.ಡಿಜಿಟಲ್ ಅಂತರ ಕಡಿಮೆಯಾಗಿ ಸಾರ್ವಜನಿಕ ಸ್ಥಳಗಳಲ್ಲಿಯೂ ಇಂಟರ್ನೆಟ್ ಸಿಗುವಂತಾಗಲು ಗೂಗಲ್ ನಂತಹ ಕಂಪನಿಗಳ ಸಹಯೋಗದಲ್ಲಿ ಈ ಕೆಲಸ ಮಾಡಲಾಗುತ್ತಿದೆ.ರೈಲು ನಿಲ್ದಾಣಗಳಲ್ಲಿ ಉಚಿತ ವೈ-ಫೈ ಲಭ್ಯವಿದ್ದು, ಪ್ರಯಾಣಿಕರು ತಮ್ಮ  ವೈಟಿಂಗ್ ಪಿರಿಯಡ್ ಅನ್ನು ಆರಾಮಾಗಿ ಕಳೆಯಬಹುದು.ಕುಟುಂಬ ಮತ್ತು ಸ್ನೇಹಿತರೊಂದಿಗೆ ಸಂಪರ್ಕದಲ್ಲಿರಬಹುದು, ಆನ್‌ಲೈನ್‌ನಲ್ಲಿ ಕೆಲಸ ಮಾಡಬಹುದು ಅಥವಾ ಸರಳವಾಗಿ ಇಂಟರ್ನೆಟ್ ಬ್ರೌಸ್ ಮಾಡಬಹುದು.

ಇದನ್ನೂ ಓದಿ : Google Pay ನಿಂದ ಟ್ರಾನ್ಸಾಕ್ಷನ್‌ ಹಿಸ್ಟರಿ ಡಿಲೀಟ್‌ ಮಾಡುವ ಸಿಂಪಲ್‌ ಟ್ರಿಕ್‌ ಇಲ್ಲಿದೆ ನೋಡಿ