UPI ಮೂಲಕ ತಪ್ಪಾದ ಖಾತೆಗೆ ಹಣ ವರ್ಗ ಆಗಿದೆಯೇ? ಹೀಗೆ ಮಾಡಿದರೆ ಹಣ ವಾಪಾಸಾಗುವುದು

ಬೆಂಗಳೂರು : ಇತ್ತೀಚಿನ ದಿನಗಳಲ್ಲಿ UPI (ಯುನಿಫೈಡ್ ಪೇಮೆಂಟ್ ಇಂಟರ್‌ಫೇಸ್) ಅತಿ ಹೆಚ್ಚು ಬಳಕೆಯಲ್ಲಿದೆ. ಹೆಚ್ಚಿನವರು ಹಣ ವರ್ಗಾವಣೆಗೆ ಯುಪಿಐಯನ್ನೇ ಬಳಸುತ್ತಾರೆ.ಆನ್‌ಲೈನ್ ಪಾವತಿಗಳನ್ನು ಮಾಡಲು UPI ಸುಲಭವಾದ ಮಾರ್ಗವಾಗಿದೆ. ಹಣ ಪಾವತಿ ಮಾಡಲು ಕೋಟಿಗಟ್ಟಲೆ ಜನರು ಇದನ್ನು ಬಳಸುತ್ತಾರೆ. ರಸ್ತೆ ಬದಿಯ ಸಣ್ಣ ಅಂಗಡಿಗಳಿಂದ ಹಿಡಿದು ದೊಡ್ಡ ಮಾಲ್‌ಗಳವರೆಗೆ ಯುಪಿಐ ಬಳಕೆಯಾಗುತ್ತದೆ. ಬ್ರಾಂಡೆಡ್ ಕಂಪನಿಗಳ ಔಟ್‌ಲೆಟ್‌ಗಳು ಮತ್ತು ಸ್ಟೋರ್‌ಗಳು ಗ್ರಾಹಕರಿಗೆ UPI ಮೂಲಕ ಪಾವತಿ ಮಾಡಲು ಅವಕಾಶ ಮಾಡಿಕೊಡುತ್ತವೆ.ಇದರ ದೊಡ್ಡ ಅನುಕೂಲವೆಂದರೆ ಜನರು ತಮ್ಮೊಂದಿಗೆ ನಗದು ತೆಗೆದುಕೊಂಡು ಹೋಗಬೇಕಾಗಿಲ್ಲ. ತಮ್ಮ ಸ್ಮಾರ್ಟ್‌ಫೋನ್‌ಗಳ ಮೂಲಕ UPI ಬಳಸಿಕೊಂಡು ಪಾವತಿಗಳನ್ನು ಮಾಡಬಹುದು. 

UPI ಜನರಿಗೆ ಹಲವು ವಿಧಗಳಲ್ಲಿ ಉಪಯುಕ್ತವಾಗಿದೆ. UPI ಸಹಾಯದಿಂದ, ಜನರು ಮೊಬೈಲ್ ಫೋನ್ ರೀಚಾರ್ಜ್, ಆನ್‌ಲೈನ್ ಟಿಕೆಟ್ ಬುಕಿಂಗ್, ಆನ್‌ಲೈನ್ ಬಿಲ್ ಪಾವತಿ ಸೇರಿದಂತೆ ಅನೇಕ ಕೆಲಸಗಳನ್ನು ಮನೆಯಲ್ಲಿಯೇ ಕುಳಿತು ಮಾಡಬಹುದು. ಅದರ ಸಹಾಯದಿಂದ, ಬಳಕೆದಾರರು ತಮ್ಮ ಸ್ನೇಹಿತರು ಮತ್ತು ಸಂಬಂಧಿಕರಿಗೆ ಹಣವನ್ನು ಕಳುಹಿಸಬಹುದು. UPI ಸಹಾಯದಿಂದ ಹಣವನ್ನು ವರ್ಗಾಯಿಸುವುದು ತುಂಬಾ ಸುಲಭ. ಆದರೆ ಅನೇಕ ಬಾರಿ ಜನರು ಯುಪಿಐ ವಹಿವಾಟು ಮಾಡುವಾಗ ಆಕಸ್ಮಿಕವಾಗಿ ತಪ್ಪು ಖಾತೆಗೆ ಹಣ  ವರ್ಗಾಯಿಸಿ ಬಿಡುತ್ತಾರೆ. ಹೀಗೆ ಯಾವುದೋ ಖಾಎಗೆ ವರ್ಗಾವಣೆಯಾದ ಹಣವನ್ನು ಮತ್ತೆ  ಪಡೆಯುವುದು ಸಾಧ್ಯವಿಲ್ಲ ಎಂದೇ ಜನ ಭಾವಿಸುತ್ತಾರೆ. ಆದರೆ ಅದು ತಪ್ಪು.  ತಮ್ಮ ಹಣದ ಬಗ್ಗೆ ಜನ ಆತಂಕಪಡುವ ಅಗತ್ಯವಿಲ್ಲ. NPCI ವೆಬ್‌ಸೈಟ್‌ನಲ್ಲಿ ದೂರು ಸಲ್ಲಿಸುವ ಮೂಲಕ ನಿಮ್ಮ ಹಣವನ್ನು ಮರಳಿ ಪಡೆಯಬಹುದು. ಇದಕ್ಕಾಗಿ  ಕೆಲವು ಹಂತಗಳನ್ನು ಅನುಸರಿಸಬೇಕು. 

ಇದನ್ನೂ ಓದಿ : TRAI ನ ಮಾಸ್ಟರ್ ಪ್ಲಾನ್: ಅಪರಿಚಿತ ಕರೆಗಳಲ್ಲಿಯೂ ಕರೆ ಮಾಡುವವರ ಹೆಸರು ಗೋಚರಿಸುತ್ತೆ!

ಈ ಹಂತಗಳನ್ನು ಅನುಸರಿಸಿ : 
1. ಮೊದಲನೆಯದಾಗಿ NPCI ಯ ಅಧಿಕೃತ ವೆಬ್‌ಸೈಟ್‌ಗೆ ಹೋಗಿ. 
2. ಇಲ್ಲಿ ಹೋಮ್ ಸ್ಕ್ರೀನ್‌ನಲ್ಲಿ, ಬಲ ಮೂಲೆಯಲ್ಲಿರುವ Get in touch ಆಯ್ಕೆಯ ಮೇಲೆ ಕ್ಲಿಕ್ ಮಾಡಿ. 
3. ಇದರ ನಂತರ UPI Complaint ಹೋಗಿ. 
4. ಇಲ್ಲಿ Complaint ವಿಭಾಗಕ್ಕೆ ಹೋಗಿ ಮತ್ತು Transaction ಆಯ್ಕೆಮಾಡಿ. 
5. ಇದರ ನಂತರ, Issue ಆಯ್ಕೆಗೆ ಹೋಗಿ Incorrectly transferred to another account ಕ್ಲಿಕ್ ಮಾಡಿ. 
6. ಇದರ ನಂತರ ಅಗತ್ಯವಿರುವ ವಿವರಗಳನ್ನು ನಮೂದಿಸಿ. 
7. ತಪ್ಪು ವ್ಯವಹಾರವನ್ನು ತೋರಿಸುವ ಬ್ಯಾಂಕ್ ಸ್ಟೇಟ್‌ಮೆಂಟ್ ಅನ್ನು ಸಹ ಲಗತ್ತಿಸಿ.
8. ದೂರನ್ನು ನೋಂದಾಯಿಸಲು, ತಪ್ಪಾದ ವಹಿವಾಟಿನ ಅಧಿಕೃತ ಅಧಿಸೂಚನೆಯನ್ನು ಹೊಂದಿರಬೇಕು. 
9. ತಪ್ಪು ವಹಿವಾಟಿನ ಬಗ್ಗೆ ಮೂರು ದಿನಗಳ ಒಳಗೇ ದೂರು ನೀಡಬೇಕು. 

ಇದನ್ನೂ ಓದಿ : UPI Payments: ನಿಮ್ಮ ಯುಪಿಐ ಪಾವತಿಯನ್ನು ಸುರಕ್ಷಿತವಾಗಿರಿಸಲು ತಪ್ಪದೇ ಪಾಲಿಸಿ ಈ 5 ಟಿಪ್ಸ್