ನೀವು ಈ ಪಿನ್ ಗಳನ್ನು ಬಳಸುತ್ತಿದ್ದರೆ ಕೂಡಲೇ ಬದಲಾಯಿಸಿ, ಇಲ್ಲದಿದ್ದರೆ ಹ್ಯಾಕ್ ಗ್ಯಾರಂಟಿ...!

Most Common PIN to Lock Phone: ಇತ್ತೀಚಿನ ದಿನಗಳಲ್ಲಿ ಇಂಟರ್ನೆಟ್ ನಮ್ಮ ಜೀವನದ ಅವಿಭಾಜ್ಯ ಅಂಗವಾಗಿದೆ.ಹೆಚ್ಚಾಗಿ ಜನರು ಇಂಟರ್ನೆಟ್ ಬಳಸುವುದರಿಂದಾಗಿ ಇಂಟರ್ನೆಟ್‌ನಲ್ಲಿ ವಂಚನೆ ಮತ್ತು ಸೈಬರ್ ದಾಳಿಯ ನಿರಂತರ ಭೀತಿ ಸಾಮಾನ್ಯ ಎನ್ನುವಂತಾಗಿದೆ. ಹಾಗಾಗಿ ಇದರಿಂದಾಗಿ ಸಾಕಷ್ಟು ಜನರು ಇದಕ್ಕೆ ಬಲಿಪಶುಗಳಾಗಬೇಕಾಗುತ್ತದೆ.ಜನರು ತಮ್ಮ ಬ್ಯಾಂಕ್ ಕಾರ್ಡ್‌ಗಳು, ಫೋನ್‌ಗಳು ಮತ್ತು ಇತರ ವಸ್ತುಗಳನ್ನು ಸುರಕ್ಷಿತವಾಗಿಡಲು PIN ಸಂಖ್ಯೆಗಳನ್ನು ಇಡುತ್ತಾರೆ. ಆದರೆ, ಅನೇಕ ಜನರು ಇದರಲ್ಲಿ ಕಷ್ಟಕರವಾದ ಪಿನ್ ಇಡುವ ಬದಲು ಸುಲಭವಾದ ಪಿನ್ ಇಡುತ್ತಾರೆ ಎನ್ನುವ ಅಂಶವೊಂದು ಇತ್ತೀಚಿನ ಸೈಬರ್ ಭದ್ರತಾ ಅಧ್ಯಯನದಲ್ಲಿ ಬೆಳಕಿಗೆ ಬಂದಿದೆ.

ಈ ಅಧ್ಯಯನದ ಪ್ರಕಾರ, ಹೆಚ್ಚಿನ ಜನರು ತಮ್ಮ ಪಿನ್ ಸಂಖ್ಯೆಯನ್ನು '1234' ಎಂದು ಇಟ್ಟುಕೊಳ್ಳುತ್ತಾರೆ.  

ವರದಿಯ ಪ್ರಕಾರ, ಅನೇಕ ಜನರು ತಮ್ಮ ಸೂಕ್ಷ್ಮ ಡೇಟಾವನ್ನು ರಕ್ಷಿಸಲು ಸರಳವಾದ ಪಿನ್ ಸಂಖ್ಯೆಗಳನ್ನು ಆಯ್ಕೆ ಮಾಡುತ್ತಾರೆ. ಪರಿಶೀಲಿಸಲಾದ ಪಿನ್ ಸಂಖ್ಯೆಗಳಲ್ಲಿ ಸುಮಾರು ಶೇ 11 ರಷ್ಟು '1234' ಪಿನ್‌ಗಳು ಕಂಡುಬಂದಿವೆ ಎಂದು ವರದಿಯಲ್ಲಿ ಹೇಳಲಾಗಿದೆ. ಇದಲ್ಲದೆ, '1111', '0000', '1212' ಮತ್ತು '7777' ನಂತಹ ಸರಳ ಪಿನ್ ಸಂಖ್ಯೆಗಳನ್ನು ಸಹ ವ್ಯಾಪಕವಾಗಿ ಬಳಸಲಾಗುತ್ತದೆ. ಡೇಟಾ ಜೆನೆಟಿಕ್ಸ್ ಅಧ್ಯಯನದಲ್ಲಿ, 34 ಲಕ್ಷ ಪಿನ್ ಸಂಖ್ಯೆಗಳನ್ನು ಪರಿಶೀಲಿಸಲಾಗಿದೆ. ಡೇಟಾ ಕಳ್ಳತನದ ಘಟನೆಗಳಲ್ಲಿ ಬಹಿರಂಗವಾದ ಪಿನ್ ಸಂಖ್ಯೆಗಳು ಇವು. ಅನೇಕ ಜನರು ತಮ್ಮ ಪಿನ್ ಸಂಖ್ಯೆಗಳಲ್ಲಿ ಸರಳ ಮಾದರಿಗಳನ್ನು ಬಳಸಿದ್ದಾರೆ ಎಂದು ಫಲಿತಾಂಶಗಳು ಬಹಿರಂಗಪಡಿಸಿವೆ.

ಇದನ್ನು ಓದಿ  :Viral Video: ಮದುವೆ ಮಂಟಪದಲ್ಲಿ ʼವರʼನಿಗಾಗಿ ಯುವತಿಯರ ಮಾರಾಮಾರಿ..!

ಸಾಮಾನ್ಯವಾಗಿ ಬಳಸುವ ನಾಲ್ಕು-ಅಂಕಿಯ ಪಿನ್‌ಗಳು 

ಹೆಚ್ಚಿನ ಜನರು ತಮ್ಮ ಫೋನ್‌ನಲ್ಲಿ ನಾಲ್ಕು-ಅಂಕಿಯ ಸರಳ ಪಿನ್ ಅನ್ನು ಹೊಂದಿಸುತ್ತಾರೆ, ಇದರಲ್ಲಿ 1234, 1111, 0000, 1212, 7777, 1004, 2000, 4444, 2222, 6969 ಸೇರಿವೆ. ಅವುಗಳನ್ನು ಭೇದಿಸಲು ಹ್ಯಾಕರ್‌ಗಳಿಗೆ ಕಡಿಮೆ ಸಮಯ ಬೇಕಾಗುತ್ತದೆ. 

ಇದನ್ನು ಓದಿ  :Neha Shetty : ಅವಕಾಶ ಬೇಕು ಅಂದ್ರೆ ನಿರ್ದೇಶಕರ ಜತೆ ಸಂಪರ್ಕದಲ್ಲಿರಬೇಕು... ತಪ್ಪೇನಲ್ಲ..! ನೇಹಾ ಶೆಟ್ಟಿ ಶಾಕಿಂಗ್‌ ಹೇಳಿಕೆ

ಸೈಬರ್ ಭದ್ರತಾ ತಜ್ಞರು ಹೇಳಿದ್ದೇನು? 

ಸೈಬರ್ ಭದ್ರತಾ ತಜ್ಞ ಜೇಕ್ ಮೂರ್ ಈ ಪರಿಣಾಮಗಳ ಬಗ್ಗೆ ಎಚ್ಚರಿಕೆ ನೀಡಿದ್ದು. ಸರಳವಾದ ಪಿನ್ ಸಂಖ್ಯೆಗಳನ್ನು ಬಳಸುವುದರಿಂದ ಕಳ್ಳರು ಜನರನ್ನು ಗುರಿಯಾಗಿಸಲು ಸುಲಭವಾಗುತ್ತದೆ ಎಂದು ಅವರು ಹೇಳುತ್ತಾರೆ. ದುರ್ಬಲ ಪಾಸ್‌ವರ್ಡ್‌ಗಳು ಮತ್ತು ಪಿನ್ ಸಂಖ್ಯೆಗಳನ್ನು ಬಳಸುವ ಮೂಲಕ ಜನರು ತಮ್ಮನ್ನು ತಾವು ಅಪಾಯಕ್ಕೆ ಸಿಲುಕಿಸಿಕೊಳ್ಳುತ್ತಾರೆ.ಆಗಾಗ್ಗೆ ಅವರು ಮೋಸ ಹೋಗುವವರೆಗೂ ಈ ಅಪಾಯದ ಬಗ್ಗೆ ತಿಳಿದಿರುವುದಿಲ್ಲ. ಕೆಟ್ಟ ಸೈಬರ್ ಭದ್ರತಾ ಅಭ್ಯಾಸಗಳು ಹ್ಯಾಕರ್‌ಗಳ ಕೆಲಸವನ್ನು ಸುಲಭಗೊಳಿಸುತ್ತದೆ ಎಂದು ಅವರು ತಿಳಿಸಿದ್ದಾರೆ. ಜನರು ಸಾಮಾನ್ಯವಾಗಿ ಪಿನ್ ಸಂಖ್ಯೆಗಳನ್ನು ನೆನಪಿನಲ್ಲಿಡಲು ಹುಟ್ಟುಹಬ್ಬದ ದಿನಾಂಕವನ್ನು ಸಹ ಬಳಸುತ್ತಾರೆ ಎನ್ನಲಾಗಿದೆ.