Netflix Tips: ಇಂಟರ್ನೆಟ್ ಇಲ್ಲದೆಯೂ Netflix ಬಳಸಬಹುದು! ಸುಲಭವಾಗಿ ಚಿತ್ರ-ವೆಬ್ ಸರಣಿಗಳನ್ನು ಡೌನ್ಲೋಡ್ ಮಾಡಬಹುದು!

Netflix Tips And Tricks: ಇತ್ತೀಚಿನ ದಿನಗಳಲ್ಲಿ, ನಿಮಗೆ ನಿಮ್ಮ ಬಿಡುವಿನ ವೇಳೆಯಲ್ಲಿ, ಮನರಂಜನೆಗಾಗಿ ಇಂಟರ್ನೆಟ್‌ನಲ್ಲಿ ಚಲನಚಿತ್ರಗಳು, ಧಾರಾವಾಹಿಗಳು ಅಥವಾ ವೆಬ್ ಸರಣಿಗಳನ್ನು ಬಿಡುಗಡೆ ಮಾಡಲಾಗುತ್ತಿದೆ. ಸ್ಟ್ರೀಮಿಂಗ್ ಪ್ಲಾಟ್‌ಫಾರ್ಮ್‌ಗಳು ಅದರಲ್ಲಿ  ಪ್ರಮುಖ ಪಾತ್ರ ವಹಿಸುತ್ತಿವೆ. ಅಂತಹುದೇ ಒಂದು ಖ್ಯಾತ ಸ್ಟ್ರೀಮಿಂಗ್ ಸೇವೆ ಒದಗಿಸುವ ಪ್ಲಾಟ್ ಫಾರ್ಮ್ ಅಂದರೆ, ಅದು  ನೆಟ್ ಫ್ಲಿಕ್ಸ್. ಇಲ್ಲಿ ಬಳಕೆದಾರರು ಚಲನಚಿತ್ರಗಳು, ವೆಬ್ ಸರಣಿಗಳು, ಸಾಕ್ಷ್ಯಚಿತ್ರಗಳನ್ನು ಸೇರಿದಂತೆ ವಿವಿಧ ರೀತಿಯ ಕಂಟೆಂಟ್ ಪಡೆಯುತ್ತಾರೆ. ಇದರಲ್ಲಿ ನೀವು ಯಾವುದೇ ಸಮಯದಲ್ಲಿ, ಎಲ್ಲಿಯಾದರೂ ಏನು ಬೇಕಾದರೂ ವೀಕ್ಷಿಸಬಹುದಾದ ಅನೇಕ ಚಲನಚಿತ್ರಗಳು ಮತ್ತು ವೆಬ್ ಸರಣಿಗಳನ್ನು ನೀವು ನೋಡಬಹುದು. ಇಂಟರ್ನೆಟ್ ಇಲ್ಲದೆಯೂ ನೀವು ನೆಟ್‌ಫ್ಲಿಕ್ಸ್‌ನಲ್ಲಿ ಕಂಟೆಂಟ್ ಅನ್ನು ವೀಕ್ಷಿಸಬಹುದು. (Technology News In Kannada)

ನೀವು ಪ್ರಯಾಣಿಸುತ್ತಿರುವಾಗ ಅಥವಾ ಇಂಟರ್ನೆಟ್ ಇಲ್ಲದ ಸ್ಥಳದಲ್ಲಿಯೂ ಕೂಡ  ನೀವು ನೆಟ್‌ಫ್ಲಿಕ್ಸ್‌ನಲ್ಲಿ ನಿಮ್ಮ ಆಯ್ಕೆಯ ಚಲನಚಿತ್ರಗಳು ಅಥವಾ ಧಾರಾವಾಹಿಗಳನ್ನು ಡೌನ್‌ಲೋಡ್ ಮಾಡಬಹುದು ಮತ್ತು ವೀಕ್ಷಿಸಬಹುದು. ನೆಟ್ ಫ್ಲಿಕ್ಸ್ ನಿಂದ ವಿಷಯವನ್ನು ಡೌನ್‌ಲೋಡ್ ಮಾಡುವುದು ಹೇಗೆ ತಿಳಿದುಕೊಳ್ಳೋಣ ಬನ್ನಿ.

ಇದನ್ನೂ ಓದಿ-TrueCaller ನಂತಹ ಸೇವೆ ಆರಂಭಕ್ಕೆ ಮುಂದಾದ ಸರ್ಕಾರ, ಸ್ಕ್ರೀನ್ ಮೇಲೆ ಕರೆ ಮಾಡುವವರ ಸರಿಯಾದ ಹೆಸರು ಕಾಣಿಸಿಕೊಳ್ಳಲಿದೆ!

ನೆಟ್‌ಫ್ಲಿಕ್ಸ್‌ನಿಂದ ಕಂಟೆಂಟ್ ಡೌನ್‌ಲೋಡ್ ಮಾಡುವುದು ಹೇಗೆ
1. ಮೊದಲನೆಯದಾಗಿ, ನೆಟ್‌ಫ್ಲಿಕ್ಸ್ ಅಪ್ಲಿಕೇಶನ್ ತೆರೆಯಿರಿ ಮತ್ತು ನೀವು ಡೌನ್‌ಲೋಡ್ ಮಾಡಲು ಬಯಸುವ ಚಲನಚಿತ್ರ ಅಥವಾ ವೆಬ್ ಸರಣಿಯನ್ನು ಆಯ್ಕೆಮಾಡಿ.
2. ಚಲನಚಿತ್ರ ಅಥವಾ ವೆಬ್ ಸರಣಿಯನ್ನು ತೆರೆಯುವಾಗ, ನೀವು ಕೆಳಮುಖವಾಗಿ ಚಲಿಸುವ ಬಾಣ ನಿಮಗೆ ನೋಡಲು ಸಿಗಲಿದೆ. ನೀವು ಅದನ್ನು ಡೌನ್‌ಲೋಡ್ ಮಾಡಬಹುದು ಎಂಬುದರ ಗುರುತು ಅದಾಗಿದೆ. ಈ ಗುರುತು ಕಾಣಿಸದಿದ್ದರೆ ಆ ಚಲನಚಿತ್ರ ಅಥವಾ ವೆಬ್ ಸರಣಿಯನ್ನು ಡೌನ್‌ಲೋಡ್ ಮಾಡಲು ಸಾಧ್ಯವಿಲ್ಲ ಎಂದರ್ಥ. 
3. ಡೌನ್ಲೋಡ್ ಮಾರ್ಕ್ ಮೇಲೆ ಕ್ಲಿಕ್ ಮಾಡಿ. ನೀವು ಬಯಸಿದರೆ, ಪ್ರಮಾಣಿತ ಅಥವಾ ಹೆಚ್ಚಿನ ಡೌನ್‌ಲೋಡ್‌ನ ಗುಣಮಟ್ಟವನ್ನು ಸಹ ನೀವು ಆಯ್ಕೆ ಮಾಡಬಹುದು.
4. ಇದರ ನಂತರ, ನೆಟ್‌ಫ್ಲಿಕ್ಸ್ ಅಪ್ಲಿಕೇಶನ್‌ನಲ್ಲಿ 'ಡೌನ್‌ಲೋಡ್' ವಿಭಾಗಕ್ಕೆ ಹೋಗುವ ಮೂಲಕ ನೀವು ಡೌನ್‌ಲೋಡ್ ಪ್ರೋಗ್ರೆಸ್ ಅನ್ನು ನೋಡಬಹುದು. ಡೌನ್‌ಲೋಡ್ ಮಾಡಲು ಇಂಟರ್ನೆಟ್ ಸಂಪರ್ಕವು ಉತ್ತಮವಾಗಿರಬೇಕು ಎಂಬುದನ್ನು ನೆನಪಿನಲ್ಲಿಡಿ.
5. ಡೌನ್‌ಲೋಡ್ ಪೂರ್ಣಗೊಂಡ ನಂತರ, ನೆಟ್‌ಫ್ಲಿಕ್ಸ್ ಅಪ್ಲಿಕೇಶನ್‌ನ 'ಡೌನ್‌ಲೋಡ್' ವಿಭಾಗಕ್ಕೆ ಹೋಗುವ ಮೂಲಕ ನೀವು ಡೌನ್‌ಲೋಡ್ ಮಾಡಿದ ಚಲನಚಿತ್ರಗಳು ಮತ್ತು ವೆಬ್ ಸರಣಿಗಳನ್ನು ನೀವು ವೀಕ್ಷಿಸಬಹುದು.

ಇದನ್ನೂ ಓದಿ-Good News! ಇನ್ಮುಂದೆ ಭಾರತದಲ್ಲಿಯೇ ಉತ್ಪಾದನೆಯಾಗಲಿವೆ ಗೂಗಲ್ ಪಿಕ್ಸಲ್ ಫೋನ್ ಗಳು!

ಈ ವಿಷಯಗಳನ್ನು ನೆನಪಿನಲ್ಲಿಡಿ
1. ಡೌನ್‌ಲೋಡ್ ಮಾಡಿದ ವಿಷಯವು ಶಾಶ್ವತವಲ್ಲ. ನೆಟ್‌ಫ್ಲಿಕ್ಸ್ ಸ್ವಲ್ಪ ಸಮಯದ ನಂತರ ಅದನ್ನು ತೆಗೆದುಹಾಕುತ್ತದೆ. ವಿಭಿನ್ನ ಚಲನಚಿತ್ರಗಳು ಮತ್ತು ವೆಬ್ ಸರಣಿಗಳಿಗೆ ಈ ಸಮಯವು ವಿಭಿನ್ನವಾಗಿರಬಹುದು. ಸಾಮಾನ್ಯವಾಗಿ ಇದು 2 ದಿನಗಳಿಂದ 30 ದಿನಗಳವರೆಗೆ ಇರುತ್ತದೆ.
2. ನಿಮ್ಮ ನೆಟ್‌ಫ್ಲಿಕ್ಸ್ ಸದಸ್ಯತ್ವವನ್ನು ರದ್ದುಗೊಳಿಸಿದರೆ, ಡೌನ್‌ಲೋಡ್ ಮಾಡಿದ ಚಲನಚಿತ್ರಗಳು ಮತ್ತು ವೆಬ್ ಸರಣಿಗಳನ್ನು ನಿಮ್ಮ ಸಾಧನದಿಂದ ಅಳಿಸಿ ಹಾಕಲಾಗುತ್ತದೆ.
3. ನೀವು ಮತ್ತೆ ಸದಸ್ಯತ್ವವನ್ನು ತೆಗೆದುಕೊಂಡರೆ, ನೀವು ಅವುಗಳನ್ನು ಮತ್ತೆ ಡೌನ್‌ಲೋಡ್ ಮಾಡಬೇಕಾಗುತ್ತದೆ.
4. ಒಮ್ಮೆ ನೀವು ಡೌನ್‌ಲೋಡ್ ಮಾಡಿದ ವಿಷಯವನ್ನು ವೀಕ್ಷಿಸಿದರೆ, ಜಾಗವನ್ನು ಮುಕ್ತಗೊಳಿಸಲು ನೀವು ಅದನ್ನು ಸಾಧನದಿಂದ ಅಳಿಸಬಹುದು.
5. ಈ ಸುಲಭವಾದ ಹಂತಗಳನ್ನು ಅನುಸರಿಸುವ ಮೂಲಕ, ಫೋನ್‌ನಲ್ಲಿ ಇಂಟರ್ನೆಟ್ ಇದ್ದರೂ ಇಲ್ಲದಿದ್ದರೂ ನೀವು ಯಾವುದೇ ಸಮಯದಲ್ಲಿ, ಎಲ್ಲಿಯಾದರೂ ನಿಮ್ಮ ಆಯ್ಕೆಯ ಚಲನಚಿತ್ರಗಳು ಮತ್ತು ವೆಬ್ ಸರಣಿಗಳನ್ನು ವೀಕ್ಷಿಸಬಹುದು.

ಇದನ್ನೂ ನೋಡಿ-