Amazon, Flipkart, ಗೂಗಲ್ ಮತ್ತು ಫೇಸ್ಬುಕ್ ಮೇಲೆ ಹೊಸ ನಿಯಮ ಜಾರಿ : ಗ್ರಾಹಕರಿಗೆ ಇದರಿಂದ ಆಗಲಿದೆ ಲಾಭ

ಬೆಂಗಳೂರು : ಆನ್‌ಲೈನ್‌ನಲ್ಲಿ ಶಾಪಿಂಗ್ ಮಾಡುವಾಗ, ಕೆಲವೊಮ್ಮೆ ನಕಲಿ ವಿಮರ್ಶೆಗಳಿಂದ ಸಮಸ್ಯೆ ಉಂಟಾಗುತ್ತದೆ.ಈ ಸಮಸ್ಯೆಯನ್ನು ನಿವಾರಿಸಲು, ಗ್ರಾಹಕ ವ್ಯವಹಾರಗಳ ಇಲಾಖೆಯು ಅಮೆಜಾನ್, ಫ್ಲಿಪ್‌ಕಾರ್ಟ್, ಗೂಗಲ್ ಮತ್ತು ಮೆಟಾದಂತಹ ದೊಡ್ಡ ಇ-ಕಾಮರ್ಸ್ ಕಂಪನಿಗಳೊಂದಿಗೆ ಸಭೆ ನಡೆಸಿತು. ಸಭೆಯಲ್ಲಿ,ಈ ಕಂಪನಿಗಳ ಪ್ರತಿನಿಧಿಗಳು ಸರ್ಕಾರ ಇವರ ಮುಂದಿಟ್ಟಿರುವ  ಪ್ರಸ್ತಾವನೆಯನ್ನು ಒಪ್ಪಿಕೊಂಡಿದ್ದಾರೆ. ಇದರಲ್ಲಿ 'ಆನ್‌ಲೈನ್ ಗ್ರಾಹಕ ವಿಮರ್ಶೆಗಳಿಗೆ' IS 19000:2022 ಎಂಬ ವಿಶೇಷ ಮಾನದಂಡವನ್ನು ಅಳವಡಿಸಲಾಗುವುದು.ಇನ್ನೂ ಸರಳವಾಗಿ ಹೇಳುವುದಾದರೆ,ಭವಿಷ್ಯದಲ್ಲಿ ಆನ್‌ಲೈನ್‌ನಲ್ಲಿ ಸರಕುಗಳನ್ನು ಖರೀದಿಸುವಾಗ ಹೆಚ್ಚು ವಿಶ್ವಾಸಾರ್ಹ ವಿಮರ್ಶೆಗಳನ್ನು ನೋಡಬಹುದು. 

ಕೇಳಿ ಬಂದಿತ್ತು ಸಾಕಷ್ಟು ದೂರುಗಳು :
ಇ-ಕಾಮರ್ಸ್‌ಗೆ ಸಂಬಂಧಿಸಿದ ದೂರುಗಳು ದಿನೇ ದಿನೇ ಹೆಚ್ಚುತ್ತಲೇ ಇದೆ. 2018ರಲ್ಲಿ 95,270 ದೂರುಗಳು ದಾಖಲಾಗಿದ್ದು, 2023ರಲ್ಲಿ ದೂರಿನ ಸಂಖ್ಯೆ 4,44,034ಕ್ಕೆ ಏರಿಕೆಯಾಗಿದೆ. ಈ ರೀತಿ ದೂರಿನಲ್ಲಿ ಈರಿಕೆಯಾಗುತ್ತಿರುವುದು ಕಟ್ಟುನಿಟ್ಟಾದ ನಿಯಮಗಳ ಅಗತ್ಯವಿದೆ ಎಂಬುದನ್ನು ಸಾರಿ ಹೇಳುತ್ತದೆ. 

ಇದನ್ನೂ ಓದಿ : WhatsApp ಹೊಸ ವೈಶಿಷ್ಟ್ಯ ಬಿಡುಗಡೆ !ಇನ್ನು ಪ್ರೈವೇಟ್ ಆಗಿರಲಿದೆ ಪ್ರೊಫೈಲ್ ಪಿಕ್ಚರ್

ಸರ್ಕಾರವು "ಗುಣಮಟ್ಟ ನಿಯಂತ್ರಣ ಆದೇಶ" ಎಂಬ ಹೊಸ ಕಾನೂನನ್ನು ತರುತ್ತಿದೆ. ಈ ಕಾನೂನು ಈಗಾಗಲೇ ಅಸ್ತಿತ್ವದಲ್ಲಿರುವ IS 19000:2022 ಮಾನದಂಡವನ್ನು ಕಾರ್ಯಗತಗೊಳಿಸುತ್ತದೆ.ಈ ಮಾನದಂಡವು ವಿಮರ್ಶಕರು ಮತ್ತು ಇ-ಕಾಮರ್ಸ್ ಪ್ಲಾಟ್‌ಫಾರ್ಮ್‌ಗಳಿಗೆ ಮಾರ್ಗಸೂಚಿಗಳನ್ನು ಒದಗಿಸುತ್ತದೆ. 

1. ವಿಮರ್ಶಕರ ಗುರುತನ್ನು ಕಂಡುಹಿಡಿಯುವುದು ಮೊದಲನೆಯದು . ವಿಮರ್ಶೆಗಳನ್ನು ಅನಾಮಧೇಯವಾಗಿ ಬರೆಯಲಾಗುವುದಿಲ್ಲ. 
2. ಎರಡನೆಯ ವಿಷಯವೆಂದರೆ ವಿಮರ್ಶೆಗಳನ್ನು ಬದಲಾಯಿಸುವಂತಿಲ್ಲ.  ಒಮ್ಮೆ ವಿಮರ್ಶೆಯನ್ನು ಬರೆದ ನಂತರ, ಅದನ್ನು ಬದಲಾಯಿಸುವುದು ಸಾಧ್ಯವಾಗುವುದಿಲ್ಲ. ವಿಮರ್ಶೆಗಳಲ್ಲಿರುವ ಮಾಹಿತಿ ಸತ್ಯ ಎನ್ನುವುದನ್ನು ಇದು  ಖಚಿತಪಡಿಸುತ್ತದೆ.
3. ಮೂರನೆಯ ವಿಷಯವೆಂದರೆ ಎಲ್ಲಾ ವಿಮರ್ಶೆಗಳನ್ನು ತೋರಿಸುವುದು. ಇ-ಕಾಮರ್ಸ್ ಕಂಪನಿಗಳು ಇನ್ನು ಮುಂದೆ ಉತ್ತಮ ವಿಮರ್ಶೆಗಳನ್ನು ಮಾತ್ರ ತೋರಿಸಲು ಸಾಧ್ಯವಾಗುವುದಿಲ್ಲ. ಎಲ್ಲರಿಗೂ ಒಳ್ಳೆಯ ಮತ್ತು ಕೆಟ್ಟ ವಿಮರ್ಶೆಗಳನ್ನು ತೋರಿಸಬೇಕಾಗುತ್ತದೆ. ಇದರೊಂದಿಗೆ ಗ್ರಾಹಕರು ನೈಜ ಮಾಹಿತಿ ಪಡೆಯಲು ಸಾಧ್ಯವಾಗುತ್ತದೆ.

ಇದನ್ನೂ ಓದಿ : ಆನ್‌ಲೈನ್ ಬ್ಲ್ಯಾಕ್‌ಮೇಲಿಂಗ್‌ 1,000ಕ್ಕೂ ಹೆಚ್ಚು ಸ್ಕೈಪ್ ಖಾತೆಗಳ ನಿರ್ಬಂಧ : ಇಂಡಿಯನ್ ಸೈಬರ್ ಕ್ರೈಮ್

ಈ ಸಭೆಯಲ್ಲಿ ಗ್ರಾಹಕ ವ್ಯವಹಾರಗಳ ಕಾರ್ಯದರ್ಶಿ ನಿಧಿ ಖರೆ ಈ ಹೊಸ ಮಾನದಂಡಗಳ ಮಹತ್ವವನ್ನು ವಿವರಿಸಿದರು.ಆನ್‌ಲೈನ್ ಶಾಪರ್‌ಗಳು ವಿಮರ್ಶೆಗಳ ಮೇಲೆ ಹೆಚ್ಚು ಅವಲಂಬಿತರಾಗಿದ್ದಾರೆ.ನಕಲಿ ವಿಮರ್ಶೆಗಳು ಆನ್‌ಲೈನ್ ಪ್ಲಾಟ್‌ಫಾರ್ಮ್‌ಗಳ ಮೇಲಿನ ನಂಬಿಕೆಯನ್ನು ಕಡಿಮೆ ಮಾಡುತ್ತದೆ.  ಇದರಿಂದ ಜನರು ತಪ್ಪು ವಸ್ತುಗಳನ್ನು ಖರೀದಿಸುವಂತಾಗುತ್ತದೆ ಎಂದು  ಹೇಳಿದರು.