India ಪ್ರವೇಶಕ್ಕೆ ಸಿದ್ಧವಾಗಿದೆ ಸ್ಟಾರ್ ಲಿಂಕ್, ಶೀಘ್ರದಲ್ಲೇ ಸಿಗಲಿದೆ 300ಎಂಬಿಪಿಎಸ್ ಗೂ ಅಧಿಕ ವೇಗದ ಇಂಟರ್ನೆಟ್

Starlink In India: ವಿಶ್ವದ ಖ್ಯಾತ ಉದ್ಯಮಿ ಎಲಾನ್ ಮಸ್ಕ್ ಅವರ ಸ್ಟಾರ್‌ಲಿಂಕ್ ಮತ್ತೆ ಭಾರತಕ್ಕೆ ಕಾಲಿಡುವ ಎಲ್ಲಾ ಸಾಧ್ಯತೆಗಳು ನಿಚ್ಚಳವಾಗಿವೆ. ಪ್ರಸ್ತುತ ಪ್ರಧಾನಿ ಮೋದಿ ತಮ್ಮ ಅಮೆರಿಕ ಪ್ರವಾಸದಲ್ಲಿದ್ದಾರೆ. ಈ ಸಮಯದಲ್ಲಿ ಅವರು ಎಲೋನ್ ಮಸ್ಕ್ ಅವರನ್ನು ಭೇಟಿಯಾಗಿ ಮಾತುಕತೆ ನಡೆಸಿದ್ದಾರೆ. ಈ ವಿಶೇಷ ಸಭೆಯಲ್ಲಿ ಹಲವು ವಿಷಯಗಳ ಕುರಿತು ಚರ್ಚೆ ನಡೆಸಲಾಗಿದೆ. ಸಭೆಯ ನಂತರ, ಎಲೋನ್ ಮಸ್ಕ್ ಅವರು ತಮ್ಮ ಕಂಪನಿಯು ಭಾರತದಲ್ಲಿ ಉಪಗ್ರಹ ಇಂಟರ್ನೆಟ್ ಸೇವೆಯನ್ನು ಪ್ರಾರಂಭಿಸುವ ಯೋಜನೆಯಲ್ಲಿ ಪುನಃ ಕಾರ್ಯನಿರ್ವಹಿಸಲಿದೆ ಎಂದು ಘೋಷಿಸಿದ್ದಾರೆ. ಸ್ಟಾರ್‌ಲಿಂಕ್‌ನ ಪ್ರವೇಶದೊಂದಿಗೆ, ಭಾರತದಲ್ಲಿ ಇಂಟರ್ನೆಟ್‌ನ ಸ್ವರೂಪವೇ ಸಂಪೂರ್ಣವಾಗಿ ಬದಲಾಗಲಿದೆ.

ಸ್ಟಾರ್‌ಲಿಂಕ್‌ನ ಉದ್ದೇಶವೇನು?
ಸ್ಟಾರ್‌ಲಿಂಕ್ ಎಂಬುದು ಸೆಟಲೈಟ್ ಕಾನ್ಸ್ಟಿಲೇಶನ್ ವ್ಯವಸ್ಥೆಯಾಗಿದ್ದು, ಇದು ದೂರದ ಪ್ರದೇಶಗಳಲ್ಲಿ ವಾಸಿಸುವ ಜನರಿಗೆ ಇಂಟರ್ನೆಟ್ ಒದಗಿಸಲು ಕೆಲಸ ಮಾಡುತ್ತದೆ. ಮೇ 2023 ರ ಹೊತ್ತಿಗೆ, ಸ್ಟಾರ್‌ಲಿಂಕ್ 4 ಸಾವಿರಕ್ಕೂ ಹೆಚ್ಚು ಉಪಗ್ರಹಗಳನ್ನು ಹೊಂದಿರಲಿದೆ ಎಂಬುದು ನಿಮಗೆ ಗೊತ್ತಾದರೆ ನೀವೂ ಕೂಡ ನಿಬ್ಬೆರಗಾಗುವಿರಿ.  2021 ರಲ್ಲಿ, ಸ್ಟಾರ್‌ಲಿಂಕ್ ಭಾರತದಲ್ಲಿ ನೋಂದಾಯಿಸಲ್ಪಟ್ಟಿತು, ಇದನ್ನು ಸ್ಟಾರ್‌ಲಿಂಕ್ ಸ್ಯಾಟಲೈಟ್ ಕಮ್ಯುನಿಕೇಷನ್ಸ್ ಪ್ರೈವೇಟ್ ಲಿಮಿಟೆಡ್ ಎಂದು ಕರೆಯಲಾಗುತ್ತದೆ.

ಇದನ್ನೂ ಓದಿ-Fighter Aircrafts: ಇನ್ಮುಂದೆ ಭಾರತದಲ್ಲಿಯೇ ಉತ್ಪಾದನೆಯಾಗಲಿವೆ ಯುದ್ಧ ವಿಮಾನಗಳ ಇಂಜಿನ್ ಗಳು, ಇಲ್ಲಿದೆ ವರದಿ

ಸ್ಟಾರ್‌ಲಿಂಕ್‌ನ ಪ್ರವೇಶವು ಪ್ರಯೋಜನಕಾರಿಯಾಗಿದೆಯೇ?
ಸ್ಟಾರ್‌ಲಿಂಕ್‌ನ ಭಾರತ ಪ್ರವೇಶದಿಂದ ಏನು ಪ್ರಯೋಜನವಾಗಲಿದೆ ಎಂಬ ಪ್ರಶ್ನೆ ನಿಮ್ಮ ಮನದಲ್ಲಿಯೂ ಮೂಡುವುದು ಸ್ವಾಭಾವಿಕ. ಹೌದು, ಗಮನಾರ್ಹವಾಗಿ, ಸ್ಟಾರ್‌ಲಿಂಕ್‌ನ ಸೌಲಭ್ಯದೊಂದಿಗೆ, ದೇಶದಲ್ಲಿ ಇಂಟರ್ನೆಟ್ ವೇಗದಲ್ಲಿ ಭಾರಿ ಏರಿಕೆಯಾಗಲಿದೆ. ಇದರೊಂದಿಗೆ ಭಾರತದ ಅಂತರ್ಜಾಲ ಪರಿಸರ ವ್ಯವಸ್ಥೆಯಲ್ಲಿ ದೊಡ್ಡ ಬದಲಾವಣೆಯನ್ನು ನೀವು ಗಮನಿಸಬಹುದು. ಕಂಪನಿಯು ಪ್ರಸ್ತುತ 300Mbps ವೇಗದ ಇಂಟರ್ನೆಟ್ ಒದಗಿಸುತ್ತದೆ. ಹಿಂದುಳಿದ ಪ್ರದೇಶಗಳಲ್ಲಿ ಇಷ್ಟೊಂದು ವೇಗವನ್ನು ಸಿಗುವುದು ಸ್ವಲ್ಪ ಕಷ್ಟವಾದರೂ, ಸ್ಟಾರ್‌ಲಿಂಕ್‌ನಿಂದಾಗಿ ಹೆಚ್ಚಿನ ವೇಗದ ಇಂಟರ್ನೆಟ್‌ ತಲುಪುವುದು ಸಾಧ್ಯವಾಗಲಿದೆ.

ಇದನ್ನೂ ಓದಿ-Electricity Bill Reduce Tips: ವಿದ್ಯುತ್ ಬಿಲ್ ನಿಂದ ನೀವೂ ರೋಸಿ ಹೋಗಿರುವಿರಾ? ಈ ಸಲಹೆ ಅನುಸರಿಸಿ ನೋಡಿ!

ಭಾರತದಲ್ಲಿ ಸ್ಟಾರ್‌ಲಿಂಕ್ ಬೆಲೆಯು ಕಳವಳಕಾರಿ ಸಂಗತಿ
ಅನೇಕ ತಜ್ಞರು ಅದರ ವೆಚ್ಚದ ಬಗ್ಗೆ ಬಹಳ ಜಾಗರೂಕರಾಗಿದ್ದಾರೆ. ಭಾರತದಲ್ಲಿ ಇಂಟರ್ನೆಟ್ ಅಗ್ಗವಾಗಿದೆ ಆದರೆ ಸ್ಟಾರ್‌ಲಿಂಕ್ ಯೋಜನೆಗಳು ತುಂಬಾ ದುಬಾರಿಯಾಗಿದೆ ಎಂದು ಅವರು ಹೇಳುತ್ತಾರೆ. ಈ ಭಾರೀ ಪೈಪೋಟಿಯಲ್ಲಿ ಸ್ಟಾರ್‌ಲಿಂಕ್ ಗ್ರಾಹಕರಲ್ಲಿ ಸ್ಥಾನ ಪಡೆಯುತ್ತದೆಯೇ ಅಥವಾ ಇಲ್ಲವೇ ಎಂಬುದು ಸಮಯವೇ ನಿರ್ಧರಿಸಲಿದೆ. ಅಮೇರಿಕಾದಲ್ಲಿ ಸ್ಟಾರ್‌ಲಿಂಕ್‌ನ ಮಾಸಿಕ ಯೋಜನೆ ಸುಮಾರು 7374 ರೂ.ಗಳಷ್ಟಾಗಿದೆ ಎಂಬುದು ಇಲ್ಲಿ ಉಲ್ಲೇಖನೀಯ.

ಇದನ್ನೂ ನೋಡಿ-