iPhone 16 Pro ಬೆಲೆಯಲ್ಲಿ ಕಡಿತ ! ಅಗ್ಗದ ಬೆಲೆಯಲ್ಲಿ ದುಬಾರಿ ಫೋನ್ ಖರೀದಿಸುವ ಸುವರ್ಣಾವಕಾಶ

ಆಪಲ್ ತನ್ನ ಹೊಸ ಐಫೋನ್ 16 ಮತ್ತು ಐಫೋನ್ 16 ಪ್ರೊ ಸರಣಿಯನ್ನು ಬಿಡುಗಡೆ ಮಾಡಿದೆ. ಈ ಸರಣಿಯಲ್ಲಿ ನಾಲ್ಕು ಹೊಸ ಫೋನ್‌ಗಳಿವೆ.  ಪ್ರತಿಯೊಂದೂ ಕನಿಷ್ಠ 128GB ಸ್ಟೋರೇಜ್ ನೊಂದಿಗೆ ಬರುತ್ತದೆ. ಈ ಫೋನ್‌ಗಳ ಬೆಲೆಗಳು ಕೂಡಾ ಒಂದಕ್ಕಿಂತ ಒಂದು ಭಿನ್ನವಾಗಿವೆ. ಭಾರತದಲ್ಲಿ ಐಫೋನ್ 16 ಬೆಲೆ 79,900 ರೂ., iPhone 16 Plus ಬೆಲೆ 89,900 ರೂ.ಯಾದರೆ iPhone 16 Pro ಮತ್ತು Pro Max ಬೆಲೆ ಕ್ರಮವಾಗಿ 1,19,900 ಮತ್ತು 1,44,900 ರೂ.ಯಲ್ಲಿದೆ.  

Apple iPhone 16 Pro ಫ್ಲಿಪ್‌ಕಾರ್ಟ್ ಡೀಲ್ : 
ಟೈಟಾನಿಯಂ ಬಣ್ಣದಲ್ಲಿರುವ iPhone 16 Proನ 128GB ಸ್ಟೋರೇಜ್ ಮಾಡೆಲ್ ಈಗ ಫ್ಲಿಪ್‌ಕಾರ್ಟ್‌ನಲ್ಲಿ 1,19,900 ರೂ.ಗೆ ಲಭ್ಯವಿದೆ. ಆದರೆ, ಫ್ಲಿಪ್‌ಕಾರ್ಟ್‌ನ ಹಳೆಯ ಫೋನ್ ವಿನಿಮಯ ಕೊಡುಗೆಯನ್ನು ಬಳಸಿಕೊಂಡು ಈ ದುಬಾರಿ ಫೋನ್ ಅನ್ನು ಅಗ್ಗದ ಬೆಲೆಯಲ್ಲಿ ಖರೀದಿಸಬಹುದು.

ಇದನ್ನೂ ಓದಿ : ಜಗತ್ತಿನಾದ್ಯಂತ ಸಾವಿರಾರು ಬಳಕೆದಾರರಿಗೆ ದಿಢೀರ್ ಸ್ಥಗಿತಗೊಂಡ ವಾಟ್ಸಾಪ್, ಇನ್‌ಸ್ಟಾಗ್ರಾಮ್, ಫೇಸ್‌ಬುಕ್!

iPhone 14 Pro ಹೊಂದಿದ್ದರೆ, ಅದನ್ನು ಫ್ಲಿಪ್‌ಕಾರ್ಟ್‌ನಲ್ಲಿ ವಿನಿಮಯ ಮಾಡಿಕೊಳ್ಳುವ ಮೂಲಕ iPhone 16 Pro ಮೇಲೆ 48,850 ರೂಪಾಯಿಗಳ ರಿಯಾಯಿತಿಯನ್ನು ಪಡೆಯಬಹುದು. ಇದರೊಂದಿಗೆ, iPhone 16 Pro ಬೆಲೆ ಕೇವಲ 71,050 ರೂ ಆಗಲಿದೆ. ಆಪಲ್‌ನ ಹೊಸ ಫೋನ್ ಅನ್ನು ಅಗ್ಗದ ಬೆಲೆಯಲ್ಲಿ  ಖರೀದಿಸಲು ಇದು ಉತ್ತಮ ಅವಕಾಶ. 

iPhone 16 Pro ವಿಶೇಷಣಗಳು : 
ಐಫೋನ್ 16 ಪ್ರೊ ಸರಣಿಯಲ್ಲಿ ಒಂದು ಗೋಲ್ಡನ್ ಕಲರ್ ಮತ್ತು ಕ್ಯಾಮೆರಾ ನಿಯಂತ್ರಣ ಬಟನ್ ಇದೆ. ಐಫೋನ್ 16 ಪ್ರೊ 6.3 ಇಂಚಿನ ಪರದೆಯನ್ನು ಹೊಂದಿದ್ದರೆ, ಐಫೋನ್ 16 ಪ್ರೊ ಮ್ಯಾಕ್ಸ್ 6.9 ಇಂಚಿನ ದೊಡ್ಡ ಪರದೆಯನ್ನು ಹೊಂದಿದೆ. ಈ ಎರಡೂ ಫೋನ್‌ಗಳು ಇದುವರೆಗಿನ ಅತಿದೊಡ್ಡ ಐಫೋನ್‌ಗಳಾಗಿವೆ. 

iPhone 16 Pro ಮಾದರಿಗಳು A18 Pro ಚಿಪ್‌ಸೆಟ್‌ನಲ್ಲಿ ಕಾರ್ಯನಿರ್ವಹಿಸುತ್ತವೆ.  ಈ ಚಿಪ್‌ನಲ್ಲಿ ಸೆಕೆಂಡ್ ಜನರೆಶನಿನ 3nm ಟ್ರಾನ್ಸಿಸ್ಟರ್‌ಗಳನ್ನು ಬಳಸಲಾಗಿದೆ. ಇದು 6-ಕೋರ್ GPU ಅನ್ನು ಹೊಂದಿದೆ. ಇದು ಕಳೆದ ವರ್ಷದ A17 Pro ಚಿಪ್‌ಸೆಟ್‌ಗಿಂತ 20% ವೇಗವಾಗಿದೆ. 2 ಕಾರ್ಯಕ್ಷಮತೆಯ ಕೋರ್‌ಗಳು ಮತ್ತು 4 ದಕ್ಷತೆಯ ಕೋರ್‌ಗಳನ್ನು ಹೊಂದಿದ್ದು, ಫೋನ್ 15% ವೇಗವಾಗಿ ಕಾರ್ಯನಿರ್ವಹಿಸುತ್ತದೆ ಮತ್ತು 20% ಕಡಿಮೆ ಬ್ಯಾಟರಿಯನ್ನು ಬಳಸುತ್ತದೆ.

ಇತ್ತೀಚಿನ ಅಪ್ಡೇಟ್ ಸುದ್ದಿಗಳನ್ನು ವೀಕ್ಷಿಸಲು ನಮ್ಮ Youtube Link - https://www.youtube.com/@ZeeKannadaNews/featured ಸಬ್ ಸ್ಕ್ರೈಬ್ಆಗಿರಿ. 

ಐಫೋನ್ 16 ಪ್ರೊ ಸರಣಿಯು ಮೂರು ಉತ್ತಮ ಕ್ಯಾಮೆರಾಗಳನ್ನು ಹೊಂದಿದೆ. ಮುಖ್ಯ ಕ್ಯಾಮೆರಾ 48 ಮೆಗಾಪಿಕ್ಸೆಲ್‌ಗಳದ್ದಾಗಿದೆ. ಈ ಕ್ಯಾಮೆರಾಗಳಲ್ಲಿ ಉತ್ತಮ ವೀಡಿಯೊಗಳನ್ನು ಕೂಡಾ ರೆಕಾರ್ಡ್ ಮಾಡಬಹುದು.