Reliance Jio Update: ತನ್ನ ಗ್ರಾಹಕರಿಗೆ ಬಿಗ್ ಶಾಕ್ ನೀಡಿದ ರಿಲಯನ್ಸ್ ಜಿಯೋ! ಈ ಪ್ಲಾನ್ ಬೆಲೆಯಲ್ಲಿ ರೂ.150 ಹೆಚ್ಚಳ

ರಿಲಯನ್ಸ್ ಜಿಯೋ: ಕಳೆದ ಹಲವು ದಿನಗಳಿಂದ, ಪ್ರಿಪೇಯ್ಡ್ ಯೋಜನೆಗಳು ದುಬಾರಿಯಾಗಿರುವ ಬಗ್ಗೆ ಚರ್ಚೆ ನಡೆಯುತ್ತಿದೆ. ಏತನ್ಮಧ್ಯೆ ದೇಶದ ಅತಿ ದೊಡ್ಡ ಟೆಲಿಕಾಂ ಕಂಪನಿಯಾಗಿರುವ ರಿಲಯನ್ಸ್ ಜಿಯೋ ತನ್ನ ಗ್ರಾಹಕರಿಗೆ ಶಾಕ್ ನೀಡಿದೆ. ಕಂಪನಿಯು ತನ್ನ ಯೋಜನೆಯೊಂದರ ಬೆಲೆಯನ್ನು 150 ರೂ.ಗಳಷ್ಟು ಹೆಚ್ಚಿಸಿದೆ. ಈ ಬೆಲೆ ಹೆಚ್ಚಳ ಕೇವಲ ಒಂದೇ ಒಂದು ಯೋಜನೆಗೆ ಅನ್ವಯಿಸಲಾಗಿದೆ, ಉಳಿದ ರೀಚಾರ್ಜ್ ಯೋಜನೆಗಳ ಬೆಲೆಗಳು ಮೊದಲಿನಂತೆಯೇ ಇರಲಿವೆ.

ರಿಲಯನ್ಸ್ ಜಿಯೋ ಬೆಲೆ ಏರಿಕೆ
ನಾವು ನಿಮಗೆ ಹೇಳಲು ಹೊರಟಿರುವ ಈ ರಿಲಯನ್ಸ್ ಯೋಜನೆಯು ವಿಶೇಷ ಜಿಯೋ ಫೋನ್ ಬಳಕೆದಾರರಿಗಾಗಿದೆ. ಕಂಪನಿಯು JioPhone 4G ಫೀಚರ್ ಫೋನ್ ಅನ್ನು ಖರೀದಿಸಲು ವಿವಿಧ ಆಯ್ಕೆಗಳನ್ನು ನೀಡುತ್ತದೆ. ಈ ಫೋನ್ ಅನ್ನು ಖರೀದಿಸಲು ಗ್ರಾಹಕರು ರೂ 1999, ರೂ 1499 ಮತ್ತು ರೂ 749 ಯೋಜನೆಗಳಲ್ಲಿ ಒಂದನ್ನು ಆಯ್ಕೆ ಮಾಡಬಹುದು. ಆದರೆ, ಇದೀಗ ಕಂಪನಿಯು ರೂ.749 ಪ್ಲಾನ್ ಬೆಲೆಯನ್ನು ರೂ.899ಕ್ಕೆ ಹೆಚ್ಚಿಸಿದೆ. ಈ ಯೋಜನೆಯಲ್ಲಿ ನೀವು ಯಾವಯಾವ ಸೌಲಭ್ಯಗಳನ್ನು ಪಡೆಯಬಹುದು ತಿಳಿದುಕೊಳ್ಳೋಣ ಬನ್ನಿ,

ಜಿಯೋಫೋನ್ ರೂ 899 ಆಫರ್
JioPhone ನ ಅಸ್ತಿತ್ವದಲ್ಲಿರುವ ಬಳಕೆದಾರರಿಗೆ ಈ ಕೊಡುಗೆಯು ಅನ್ವಯಿಸಲಿದೆ. ಹೊಸ JioPhone ಖರೀದಿಸಲು ಬಯಸಿದರೆ, ಅವರು 899 ರೂಗಳಿಗೆ Jio ಫೋನ್ ಅನ್ನು ಪಡೆಯಲಿದ್ದಾರೆ, ಜೊತೆಗೆ 1 ವರ್ಷದ ಅನಿಯಮಿತ ಯೋಜನೆಯನ್ನು ಸಹ ನೀಡಲಾಗುತ್ತದೆ. ಇದರಲ್ಲಿ, ವರ್ಷವಿಡೀ ಅನಿಯಮಿತ ಧ್ವನಿ ಕರೆಯೊಂದಿಗೆ ಒಟ್ಟು 24 GB ಡೇಟಾ ಸೌಲಭ್ಯ ಲಭ್ಯವಿದೆ. ಇದರೊಂದಿಗೆ, ಜಿಯೋ ಅಪ್ಲಿಕೇಶನ್‌ಗಳಿಗೆ ಉಚಿತ ಚಂದಾದಾರಿಕೆಯೂ ಕೂಡ ಇದರಲ್ಲಿ ಲಭ್ಯವಿದೆ.

ಇದನ್ನೂ ಓದಿ-Cheapest Recharge Plan: ನಿತ್ಯ 3 ಜಿಬಿ ಡೇಟಾ ಸೇರಿದಂತೆ ರಾತ್ರಿಯಿಡೀ ಪುಕ್ಸಟ್ಟೆ ಇಂಟರ್ನೆಟ್ ನೀಡುತ್ತಿದೆ ಈ ಟೆಲಿಕಾಂ ಕಂಪನಿ

ಉಳಿದ ಎರಡು ಯೋಜನೆಗಳು ಹೇಗಿವೆ?
ನಾವು ರೂ 1499 ರ ಯೋಜನೆಯನ್ನು ಕುರಿತು ಹೇಳುವುದಾದರೆ, ಈ ಯೋಜನೆ ಹೊಸ ಬಳಕೆದಾರರಿಗೆ ಅನ್ವಯಿಸಲಿದೆ. ಅಂದರೆ ನಿಖರವಾಗಿ 899 ರೂ.ಗಳ ಸೌಲಭ್ಯಗಳು ಇದರಲ್ಲಿ ದೊರೆಯಲಿವೆ. ಯೋಜನೆಯಲ್ಲಿ ಹೊಸ JioPhone ಹೊರತುಪಡಿಸಿ, ಒಟ್ಟು 24 GB ಡೇಟಾ ಮತ್ತು Jio ಅಪ್ಲಿಕೇಶನ್‌ಗಳ ಉಚಿತ ಚಂದಾದಾರಿಕೆಯು 1 ವರ್ಷಕ್ಕೆ ಧ್ವನಿ ಕರೆಯೊಂದಿಗೆ ಲಭ್ಯವಿದೆ.

ಇದನ್ನೂ ಓದಿ-Smartphone Network: ನಿಮ್ಮ ಸ್ಮಾರ್ಟ್ ಫೋನ್ ನಲ್ಲಿಯೂ ಕೂಡ ನೆಟ್ವರ್ಕ್ ಸಮಸ್ಯೆ ಇದೆಯಾ? ತಕ್ಷಣ ಈ ಸೆಟ್ಟಿಂಗ್ ಬದಲಾಯಿಸಿ

ಅದೇ ರೀತಿ, ರೂ 1999 ರ ಯೋಜನೆಯಲ್ಲಿ, ನೀವು 2 ವರ್ಷಗಳವರೆಗೆ ಪ್ರಯೋಜನಗಳನ್ನು ಪಡೆಯುವಿರಿ. ಇದರಲ್ಲಿ, JioPhone ನೊಂದಿಗೆ 2 ವರ್ಷಗಳ ಯೋಜನೆಯನ್ನು ಉಚಿತವಾಗಿ ನೀಡಲಾಗುತ್ತಿದೆ. ನೀವು 2 ವರ್ಷಗಳವರೆಗೆ ಅನಿಯಮಿತ ಧ್ವನಿ ಕರೆಯೊಂದಿಗೆ ಒಟ್ಟು 48 GB ಡೇಟಾವನ್ನು ಇದರಲ್ಲಿ ಪಡೆಯಬಹುದು.

ಇದನ್ನೂ ನೋಡಿ-