Safest Mattress for Earthquake: ಪ್ರಬಲ ಭೂಕಂಪಕ್ಕೂ ಅಲುಗಾಡದ ವಿಶ್ವದ ಅತ್ಯಂತ ಬಲವಾದ ಹಾಸಿಗೆ ಇದುವೇ

Safest Mattress for Earthquake: ನೈಸರ್ಗಿಕ ವಿಕೋಪಗಳಲ್ಲಿ ಭೂಕಂಪನವು ಯಾವುದೇ ಮುನ್ಸೂಚನೆ ಅಥವಾ ಎಚ್ಚರಿಕೆಯನ್ನು ನೀಡದೆ ಬರುವ ಅಪಾಯವಾಗಿದೆ. ಪ್ರಪಂಚದ ವಿವಿಧ ದೇಶಗಳಲ್ಲಿ ಇದರಿಂದ ಉಂಟಾಗುವ ನಷ್ಟವನ್ನು ನಾವು ಅನೇಕ ಬಾರಿ ಕಂಡಿದ್ದೇವೆ. ಭೂಕಂಪನವು ತುಂಬಾ ಪ್ರಬಲವಾಗಿದ್ದು ಬೃಹತ್ ಕಟ್ಟಡಗಳು ಇದರಿಂದಾಗಿ ಧರೆಶಾಹಿ ಆಗುವುದನ್ನು ಕಂಡಿದ್ದೇವೆ. ಇನ್ನು ಇಂತಹ ಕಟ್ಟಡಗಳು ಉರುಳಿದಾಗ ಅದರೊಳಗೆ ಇರುವ ಜನರು ಬದುಕುಳಿಯುವ ಸಾಧ್ಯತೆ ತುಂಬಾ ಕಡಿಮೆ, ಆದರೆ ಈ ಎಲ್ಲಾ ಸವಾಲುಗಳನ್ನು ಗಮನದಲ್ಲಿಟ್ಟುಕೊಂಡು ಎಂಜಿನಿಯರ್‌ಗಳು ಅದ್ಭುತ ತಂತ್ರಜ್ಞಾನವನ್ನು ಕಂಡುಹಿಡಿದಿದ್ದಾರೆ.

ಇದನ್ನೂ ಓದಿ: ಭಾರತದ ಪ್ರಥಮ 3ಡಿ ಬಯೋಪ್ರಿಂಟಿಂಗ್ ಉತ್ಕೃಷ್ಟತಾ ಕೇಂದ್ರಕ್ಕೆ ಸಚಿವ ಅಶ್ವತ್ಥ ನಾರಾಯಣ ಚಾಲನೆ

ಈ ತಂತ್ರಜ್ಞಾನದಿಂದ ಭೂಕಂಪವು ನಿಮಗೆ ಹಾನಿ ಮಾಡಲಾರದು. ಹೌದು ಇದು ಸಾಧ್ಯವಾಗುವುದು ಒಂದು ವಿಶಿಷ್ಟವಾದ ಹಾಸಿಗೆಯಿಂದ ಎಂದರೆ ನೀವು ನಂಬಲೇಬೇಕು. ಇದು ಅಪಾಯದ ಸಂದರ್ಭದಲ್ಲಿ ಸ್ವಯಂಚಾಲಿತವಾಗಿ ಬಂಕರ್ ಆಗಿ ಬದಲಾಗುತ್ತದೆ. ಇಂತಹ ಅದ್ಭುತ ಬೆಡ್ ನೋಡಿದ್ರೆ ನೀವೂ ಬೆರಗಾಗುತ್ತೀರಿ.

ನಾವು ಮಾತನಾಡುತ್ತಿರುವ ತಂತ್ರಜ್ಞಾನವು ಸದ್ಯ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದ್ದು, ವೀಡಿಯೊದಲ್ಲಿ ಕಾಣಬಹುದು. ಭೂಕಂಪ ಸಂಭವಿಸಿದಾಗ ಈ ಹಾಸಿಗೆಯು ಹೇಗೆ ಸ್ವಯಂಚಾಲಿತವಾಗಿ ಬಂಕರ್ ಆಗಿ ಬದಲಾಗುತ್ತದೆ ಮತ್ತು ಅದರ ಮೇಲೆ ಮಲಗುವ ವ್ಯಕ್ತಿಗೆ ಏನೂ ಆಗುವುದಿಲ್ಲ ಎಂದು ಅದು ಹೇಳುತ್ತದೆ. ಇಷ್ಟು ಮಾತ್ರವಲ್ಲದೆ, ಹಾಸಿಗೆಯು ಬಂಕರ್ ಆಗಿ ಮಾರ್ಪಟ್ಟಾಗ, ವ್ಯಕ್ತಿಯ ದೇಹಕ್ಕೆ ಬೇಕಾದ ಆಮ್ಲಜನಕ ಮತ್ತು ಬದುಕಲು ಅಗತ್ಯವಾದ ಇತರ ಅಗತ್ಯ ವಸ್ತುಗಳು ಕೂಡ ಈ ಪೆಟ್ಟಿಗೆಯೊಳಗೆ ಸಿಗುತ್ತವೆ. ಈ ರೀತಿಯಾಗಿ ನೀವು ಅದರಲ್ಲಿ ದೀರ್ಘಕಾಲ ಬದುಕಬಹುದು.

ಈ ವೀಡಿಯೊವನ್ನು ಎನೆಝೇಟರ್ ಎಂಬ ಬಳಕೆದಾರ ಸಾಮಾಜಿಕ ಮಾಧ್ಯಮದಲ್ಲಿ ಅಪ್ಲೋಡ್ ಮಾಡಿದ್ದಾರೆ. ಇದುವರೆಗೆ ಈ ವೀಡಿಯೋವನ್ನು 15 ಲಕ್ಷಕ್ಕೂ ಹೆಚ್ಚು ಬಾರಿ ವೀಕ್ಷಿಸಲಾಗಿದೆ. ಇನ್ನೊಂದೆಡೆ 20 ಸಾವಿರ ಮಂದಿ ಲೈಕ್ ಮಾಡಿದ್ದಾರೆ. ಈ ವಿಡಿಯೋಗೆ ಹೆಚ್ಚಿನ ಸಂಖ್ಯೆಯಲ್ಲಿ ಜನ ಕಮೆಂಟ್ ಕೂಡ ಮಾಡುತ್ತಿದ್ದಾರೆ.