ಟ್ವೀಟರ್ ಬ್ಲೂ ಟಿಕ್ ಬೇಕಾದ್ರೆ ತಿಂಗಳಿಗೆ 8 ಡಾಲರ್ ಪಾವತಿಸಿ! ಮುಂದಿನ ತಿಂಗಳು ಭಾರತದಲ್ಲಿಯೂ ರೂಲ್ಸ್ ಜಾರಿ

ನವದೆಹಲಿ: ಟ್ವೀಟರ್ ಬ್ಲೂ ಟಿಕ್ ಬೇಕಾದ್ರೆ ಇನ್ಮುಂದೆ ನೀವು ಪ್ರತಿ ತಿಂಗಳು 8 ಡಾಲರ್ ಪಾವತಿಸಬೇಕಾಗುತ್ತದೆ. ಬ್ಲೂ ಟಿಕ್ ಪಡೆಯುವ ವೆರಿಫಿಕೇಶನ್ ಸೇವೆಯನ್ನು ಭಾನುವಾರ(ನ.6)ದಿಂದ ಟ್ವಿಟರ್ ಆರಂಭಿಸಿದೆ. ಮುಂದಿನ ತಿಂಗಳು ಭಾರತದಲ್ಲಿಯೂ ಈ ಹೊಸ ರೂಲ್ಸ್ ಜಾರಿಯಾಗುವ ಸಾಧ್ಯತೆ ಇದೆ ಎಂದು ವರದಿಯಾಗಿದೆ.

ಟ್ವಿಟರ್ ಖರೀದಿಸಿದ ಬೆನ್ನಲ್ಲಿಯೇ ವಿಶ್ವದ ನಂ.1 ಶ್ರೀಮಂತ ವ್ಯಕ್ತಿ ಎಲಾನ್ ಮಸ್ಕ್ ಟ್ವೀಟ್ ಮಾಡಿ, ಬ್ಲೂ ಟಿಕ್ ಪಡೆಯಲು ಇನ್ಮುಂದೆ ಹಣ ಪಾವತಿಸಬೇಕಾಗುತ್ತದೆ’ ಎಂದು ಘೋಷಿಸಿದ್ದರು. ಆ ನಿಯಮವನ್ನು ಇಂದಿನಿಂದಲೇ ಟ್ವಿಟರ್ ಜಾರಿಗೆ ತರುತ್ತಿದೆ. ಸದ್ಯಕ್ಕೆ ಕೆಲವು ವಯಲಗಳಲ್ಲಿ ಮಾತ್ರ ಈ ಸೇವೆ ಐಫೋನ್‍ ಬಳಕೆದಾರರಿಗೆ ಲಭ್ಯವಾಗಲಿದೆ ಎಂದು ತಿಳಿದುಬಂದಿದೆ.

ಇದನ್ನೂ ಓದಿ: ಇಂದಿನಿಂದ ಅಧಿಕೃತವಾಗಿ Twitter ಬ್ಲೂ ಸೇವೆಗೆ ಚಾಲನೆ ನೀಡಿದ ಟ್ವಿಟ್ಟರ್

ಟ್ವಿಟರ್ ಹಲವು ಹೊಸ ಫೀಚರ್ಸ್‍ಗಳನ್ನು ಪರಿಚಯಿಸಲಿದ್ದು, ಇವು ಗ್ರಾಹಕಸ್ನೇಹಿಯಾಗಿ ಇರಲಿವೆ ಎಂದು ಹೇಳಿದೆ. ಫೋಟೋ, ವಿಡಿಯೋ ಸೇರಿದಂತೆ ಮಾಹಿತಿ ಹಂಚಿಕೊಳ್ಳುವ ಪೋಸ್ಟ್‍ಗಳಲ್ಲಿ ನಾವು ಹಲವಾರು ಸುಧಾರಣೆ ಮಾಡಿದ್ದೇವೆಂದು ಟ್ವಿಟರ್ ತಿಳಿಸಿದೆ.