AI- ಚಾಲಿತ ಗ್ರಾಹಕ ಬೆಂಬಲ ವೈಶಿಷ್ಟ್ಯ ಪರಿಚಯಿಸಲು ಮುಂದಾದ ವಾಟ್ಸಾಪ್

Whatsapp AI-Powered Customer Support Feature: ಮೆಟಾ ಮಾಲೀಕತ್ವದ ತ್ವರಿತ ಸಂದೇಶ ಕಳುಹಿಸುವ ಅಪ್ಲಿಕೇಶನ್ ವಾಟ್ಸಾಪ್ ತನ್ನ ಬಳಕೆದಾರರ ಅನುಭವವನ್ನು ಇನ್ನಷ್ಟು ಉತ್ತಮಗೊಳಿಸುವ ನಿಟ್ಟಿನಲ್ಲಿ ಆಗಾಗ್ಗೆ ಹೊಸ ಹೊಸ ವೈಶಿಷ್ಟ್ಯಗಳನ್ನು ಪರಿಚಯಿಸುತ್ತಲೇ ಇರುತ್ತದೆ.  ಇತ್ತೀಚೆಗೆ, ವಾಟ್ಸಾಪ್ ಚಾನಲ್‌ಗಳು, ಲಾಗಿನ್‌ಗಾಗಿ ಪಾಸ್‌ಕೀಗಳು ಮತ್ತು ರಹಸ್ಯ ಕೋಡ್‌ನೊಂದಿಗೆ ಚಾಟ್ ಲಾಕ್‌ನಂತಹ ವೈಶಿಷ್ಟ್ಯಗಳನ್ನು ಪರಿಚಯಿಸಿತು. ಇದೀಗ  ವಾಟ್ಸಾಪ್ ಕಂಪನಿಯು ಬಳಕೆದಾರರಿಗೆ ಮತ್ತೊಂದು ಅದ್ಭುತ AI- ಚಾಲಿತ ಗ್ರಾಹಕ ಬೆಂಬಲ ವೈಶಿಷ್ಟ್ಯವನ್ನು ತರುವ ನಿಟ್ಟಿನಲ್ಲಿ ಕಾರ್ಯ ನಿರ್ವಹಿಸುತ್ತಿದೆ. 

WABetaInfo ವರದಿಗಳ ಪ್ರಕಾರ, ವಾಟ್ಸಾಪ್ ಶೀಘ್ರದಲ್ಲೇ ಬೆಂಬಲ ವಿಭಾಗದಲ್ಲಿ ಬಳಕೆದಾರರ ಪ್ರಶ್ನೆಗಳಿಗೆ ಉತ್ತರಿಸಲು AI ಅನ್ನು ಬಳಸಬಹುದು.  ಅರ್ಥಾತ್, ಮೆಟಾದಿಂದ ಸುರಕ್ಷಿತ ತಂತ್ರಜ್ಞಾನವನ್ನು ಬಳಸಿಕೊಂಡು AI ನಿಂದ ವಾಟ್ಸಾಪ್  ಬೆಂಬಲದಿಂದ ಕೆಲವು ಸಂದೇಶಗಳನ್ನು ರಚಿಸಬಹುದು. ಈ ವೈಶಿಷ್ಟ್ಯವನ್ನು ಪ್ರಸ್ತುತ Android ಗಾಗಿ ಅಭಿವೃದ್ಧಿಪಡಿಸಲಾಗುತ್ತಿದೆ, ಆದರೆ ಇದು ಮುಂದಿನ ದಿನಗಳಲ್ಲಿ iOS ನಲ್ಲಿಯೂ ಬರಲಿದೆ ಎಂದು ನಿರೀಕ್ಷಿಸಲಾಗಿದೆ.   

ಇದನ್ನೂ ಓದಿ- Instagram Hidden Features: ಇನ್ಸ್ಟಾಗ್ರಾಂನ ಈ ಗುಪ್ತ ವೈಶಿಷ್ಟ್ಯಗಳನ್ನು ನೀವು ಗಮನಿಸಿದ್ದೀರಾ!

ಈ ವೈಶಿಷ್ಟ್ಯವು ಯಾವಾಗ ಉಪಯುಕ್ತವಾಗಿರುತ್ತದೆ?
ಮಾನವ ಬೆಂಬಲ ಲಭ್ಯವಿಲ್ಲದಿದ್ದರೂ ಸಹ ಬಳಕೆದಾರರು ತಮ್ಮ ಪ್ರಶ್ನೆಗಳಿಗೆ ಉತ್ತರಗಳನ್ನು ಪಡೆಯಲು ಸಹಾಯ ಮಾಡಲು AI- ಚಾಲಿತ ಗ್ರಾಹಕ ಬೆಂಬಲದಲ್ಲಿ ವಾಟ್ಸಾಪ್ ಕಾರ್ಯನಿರ್ವಹಿಸುತ್ತಿದೆ. ಗ್ರಾಹಕ ಬೆಂಬಲದಲ್ಲಿ ಯಾರೂ ನಿಮಗೆ ಸಹಾಯ ಮಾಡಲು ಲಭ್ಯವಿಲ್ಲದಿದ್ದಾಗ ಈ ವೈಶಿಷ್ಟ್ಯವು ಗ್ರಾಹಕರಿಗೆ ಉಪಯುಕ್ತವಾಗಿರಲಿದೆ. ಆದಾಗ್ಯೂ, AI ಬಳಕೆದಾರರ ಸಮಸ್ಯೆಯನ್ನು ಪರಿಹರಿಸದಿದ್ದರೆ, ಅವರು AI ಸಂದೇಶಕ್ಕೆ ಪ್ರತ್ಯುತ್ತರಿಸುವ ಮೂಲಕ ಸಹಾಯಕ್ಕಾಗಿ ನಿಜವಾದ ಮಾನವನನ್ನು (ಮಾನವ ಗ್ರಾಹಕ ಬೆಂಬಲ) ಸಂಪರ್ಕಿಸಬಹುದು. ಮಾನವ ಸಹಾಯ ಲಭ್ಯವಿಲ್ಲದಿದ್ದಾಗ ಅಥವಾ ಅಗತ್ಯವಿಲ್ಲದಿದ್ದಾಗ ಇದು ಉಪಯುಕ್ತವಾಗಬಹುದು.

ಇದನ್ನೂ ಓದಿ- Mark Zuckerberg net worth: ಬಿಲ್ ಗೇಟ್ಸ್ ಹಿಂದಿಕ್ಕಿದ ಜುಕರ್‌ಬರ್ಗ್ ವಿಶ್ವದ ನಾಲ್ಕನೇ ಶ್ರೀಮಂತ ವ್ಯಕ್ತಿ: ಇವರ ಆಸ್ತಿ ಎಷ್ಟಿದೆ ಗೊತ್ತಾ!

ಈ ವೈಶಿಷ್ಟ್ಯವು ಬೆಂಬಲ ಸಿಬ್ಬಂದಿ ಕೆಲಸ ಮಾಡದಿರುವಾಗಲೂ ಸಮಸ್ಯೆಗಳನ್ನು ಪರಿಹರಿಸಲು ಮತ್ತು ಕಾಯುವ ಸಮಯವನ್ನು ಕಡಿಮೆ ಮಾಡಲು ಬಳಕೆದಾರರಿಗೆ ಸಹಾಯ ಮಾಡುವ ಗುರಿಯನ್ನು ಹೊಂದಿದೆ. ಆದಾಗ್ಯೂ, ಇದು ಬೀಟಾ ಆವೃತ್ತಿಯ ಭಾಗವಾಗಬೇಕಾಗಿರುವುದರಿಂದ ಈ ವೈಶಿಷ್ಟ್ಯವು ಗ್ರಾಹಕರಿಗೆ ಯಾವಾಗ ಲಭ್ಯವಾಗಲಿದೆ ಎಂಬ ಬಗ್ಗೆ ಯಾವುದೇ ಖಚಿತ ಮಾಹಿತಿ ಲಭ್ಯವಿಲ್ಲ.