Viral Video: ಬೀಚ್‌ನಲ್ಲಿ ಕಾರಿನೊಂದಿಗೆ ಹುಚ್ಚಾಟ ಮಾಡಿದ ಈತನಿಗೆ ಏನಾಗಿದೆ ನೋಡಿ..!

ನವದೆಹಲಿ: ಪ್ರತಿದಿನ ಸೋಷಿಯಲ್‌ ಮೀಡಿಯಾದಲ್ಲಿ ಸಾವಿರಾರು ವಿಡಿಯೋಗಳು ವೈರಲ್‌ ಆಗುತ್ತಿರುತ್ತವೆ. ಕೆಲವರು ಚಿತ್ರ-ವಿಚಿತ್ರವಾಗಿ ವರ್ತಿಸುವ ಮೂಲಕ ಜೀವಕ್ಕೆ ಅಪಾಯ ತಂದುಕೊಳ್ಳುತ್ತಾರೆ. ʼಸುಮ್ಮನಿರದೆ ಇರುವೆ ಬಿಟ್ಟುಕೊಂಡರಂತೆʼ ಅನ್ನೋ ಹಾಗೆ ಏನೋ ಮಾಡಲು ಹೋಗಿ ಇನ್ನೇನೋ ಆಗಿರುತ್ತದೆ. ಈ ಗಾದೆ ಮಾತಿಗೆ ನಿದರ್ಶನವೆಂಬಂತೆ ವ್ಯಕ್ತಿಯೊಬ್ಬ ಬೀಚ್‌ನಲ್ಲಿ ಕಾರಿನೊಂದಿಗೆ ಹುಚ್ಚಾಟ ಮಾಡಿಕೊಂಡು ಪ್ರಾಣಾಪಾಯದಿಂದ ಪಾರಾಗಿದ್ದಾನೆ.

ಹೌದು, ಬೀಚ್‌ ಬದಿ ವ್ಯಕ್ತಿಯೊಬ್ಬ ಜೋರಾಗಿ ಕಾರು ಓಡಿಸಿಕೊಂಡು ಬಂದು ಸ್ಟಂಟ್‌ ಮಾಡಲು ಹೋಗಿದ್ದಾನೆ. ಪರಿಣಾಮ ಆ ಕಾರು ಪಲ್ಟಿಯಾಗಿದ್ದು, ಆತ ಕಾರಿನಿಂದ ಹೊರಕ್ಕೆ ಹಾರಿ ನೀರಿನಲ್ಲಿ ಬಿದ್ದಿದ್ದಾನೆ. ಈ ವಿಡಿಯೋ ಇದೀಗ ಸೋಷಿಯಲ್‌ ಮೀಡಿಯಾದಲ್ಲಿ ಸಖತ್‌ ವೈರಲ್‌ ಆಗುತ್ತಿದೆ. ಈ ವ್ಯಕ್ತಿಯ ಹುಚ್ಚಾಟವನ್ನು ಕಂಡ ನೆಟಿಜನ್ಸ್‌ ಹೊಟ್ಟೆ ಹುಣ್ಣಾಗುವಂತೆ ನಕ್ಕಿದ್ದಾರೆ.  

ಇದನ್ನೂ ಓದಿ: ಸಂಗಾತಿಯನ್ನು ಭೂತ, ಪಿಶಾಚಿ ಎಂದು ಕರೆಯುವುದು ಕಿರುಕುಳವಲ್ಲ!: ಹೈಕೋರ್ಟ್

ಅಂದಹಾಗೆ ಈ ಘಟನೆ ನಡೆದಿರುವುದು ಕುವೈತ್‌ನ ಅಬು ಅಲ್ ಹಸನಿಯಾ ಬೀಚ್‌ನಲ್ಲಿ. ಈ ಬೀಚ್‌ಗೆ ಐಷಾರಾಮಿ ಕಾರು ಓಡಿಸಿಕೊಂಡು ಬಂದ ವ್ಯಕ್ತಿಯೊಬ್ಬ ದಡದಲ್ಲಿ ವೇಗವಾಗಿ ಚಲಾಯಿಸಿದ್ದಾನೆ. ಬೀಚ್‌ನ ನೀರಿನ ಮೇಲೆ ಕಾರು ಚಲಾಯಿಸಿಕೊಂಡು ಬರುವ ವೇಳೆ ಕಾರು ನಿಯಂತ್ರಣ ತಪ್ಪಿ ಪಲ್ಟಿ ಹೊಡೆದಿದೆ. ಈ ವೇಳೆ ಕಾರಿನೊಳಗಿದ್ದ ವ್ಯಕ್ತಿ ಹೊರಗೆ ಹಾರಿದ್ದು, ನೀರಿನೊಳಗೆ ಬಿದ್ದಿದ್ದಾನೆ. ಆದರೆ ಆತ ಸ್ವಲ್ಪದರಲ್ಲಿ ಪ್ರಾಣಾಪಾಯದಿಂದ ಪಾರಾಗಿದ್ದಾನೆ. 

ಕಾರು ಜಖಂ ಆಗಿದ್ದು, ವ್ಯಕ್ತಿಗೆ ಸಣ್ಣಪುಟ್ಟ ಗಾಯಗಳಾಗಿವೆ. ಈ ವಿಡಿಯೋ ಇಂಟರ್ನೆಟ್‌ನಲ್ಲಿ ವೈರಲ್‌ ಆಗುತ್ತಿದ್ದು, ಲಕ್ಷಾಂತರ ಜನರು ವೀಕ್ಷಿಸಿದ್ದಾರೆ. ಕಾರು ಇದೇ ಅಂತಾ ಸ್ಟಂಟ್‌ ಮಾಡಲು ಹೋದ್ರೆ ಹೀಗೆ ಆಗುತ್ತೆ ಅಂತಾ ಫನ್ನಿ ಫನ್ನಿಯಾಗಿ ಅನೇಕರು ಕಾಮೆಂಟ್‌ ಮಾಡಿದ್ದಾರೆ.  

ಇದನ್ನೂ ಓದಿ: Viral Video: ಈ ವಿಡಿಯೋ ನೋಡಿದ್ರೆ ʼಕೋಕಾ-ಕೋಲಾʼ ಸಹವಾಸಕ್ಕೇ ಹೋಗಲ್ಲ!