ವೇದಿಕೆ ಮೇಲೆಯೇ ಆ್ಯಂಕರ್‌ಗೆ ಮುತ್ತು ಕೊಟ್ಟ ಖ್ಯಾತ ನಟ..! ವಿಡಿಯೋ ವೈರಲ್

Thangalaan movie : ಸುಮಾ ಕನಕಲಾ ತೆಲುಗು ಭಾಷಿಗರಾದರೂ ಸೋಷಿಯಲ್‌ ಮೀಡಿಯಾದ ಮೂಲಕ ಎಲ್ಲರಿಗೂ ಚಿರಪರಿಚಿತರು. ಸದಾ ನಗುತ್ತಾ ಕೂಲ್ ಆಗಿರುವ ಸುಮಾ ಇತ್ತೀಚೆಗಷ್ಟೇ ಮುಜುಗರದ ಸನ್ನಿವೇಶ ಎದುರಿಸಬೇಕಾಯಿತು. ತಂಗಲಾನ್‌ ನಟನೊಬ್ಬ ಏಕಾಎಕಿ ಕಿಸ್‌ ಮಾಡಿದ್ದು, ಆ್ಯಂಕರ್‌ ಶಾಕ್‌ ನೀಡಿತು.. ಈ ಕುರಿತ ವಿಡಿಯೋ ಸೋಷಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗಿದೆ..

ಪಾ. ರಂಜೀತ್‌ ನಿರ್ದೇಶನದ ತಂಗಲಾನ್‌ ಚಿತ್ರ ಬಿಡುಗಡೆಗೆ ರೆಡಿಯಾಗುತ್ತಿದೆ.. ಈ ಬಹುನಿರೀಕ್ಷಿತ ಸಿನಿಮಾದಲ್ಲಿ ಸ್ಟಾರ್ ಹೀರೋ ವಿಕ್ರಮ್ ನಟಿಸಿದ್ದಾರೆ. ‘ಕಬಾಲಿ’, ‘ಕಾಲಾ’, ‘ಸರ್ಪಟ್‌ ಪರಂಪರೆ’ ಚಿತ್ರಗಳ ಮೂಲಕ ಪಾ. ರಂಜಿತ್ ಖ್ಯಾತಿ ಪಡೆದಿದ್ದಾರೆ.. ಮಾಳವಿಕಾ ಮೋಹನನ್ ಮತ್ತು ಪಾರ್ವತಿ ತಿರುವೋತ್ತು ತಂಗಲಾನ್‌ ನಾಯಕಿಯರು.

ಇದನ್ನೂ ಓದಿ:ʼಎಸಿಪಿ ಚಂದನ್‌ʼ ಹುಲಿ ಅಲ್ಲ ʼಸೆಕ್ಯೂರಿಟಿʼ..! ಅಧಿಕಾರಿಯನ್ನೇ ಟ್ರೋಲ್‌ ಮಾಡಿದ ದರ್ಶನ್‌ ಫ್ಯಾನ್ಸ್‌

ಹಾಲಿವುಡ್ ನಟ ಡೇನಿಯಲ್ ಕಲ್ತಗಿರೋನ್ ಈ ಸಿನಿಮಾದಲ್ಲಿ ಪ್ರಮುಖ ಪಾತ್ರಗಳಲ್ಲಿ ನಟಿಸುತ್ತಿದ್ದಾರೆ. ಈಗಾಗಲೇ ಎಲ್ಲಾ ಹೈಪ್ ಮುಗಿಸಿರುವ ತಂಗಲಾನ್‌ ಆಗಸ್ಟ್ 15 ರಂದು ಬಿಡುಗಡೆಯಾಗುತ್ತಿದೆ. ಇತ್ತೀಚಿಗಷ್ಟೇ ಚಿತ್ರದ ಪ್ರಚಾರದ ಭಾಗವಾಗಿ ಹೈದರಾಬಾದ್‌ನಲ್ಲಿ ಪ್ರೀ ರಿಲೀಸ್ ಇವೆಂಟ್‌ ಕಾರ್ಯಕ್ರಮವನ್ನು ಹಮ್ಮಿಕೊಳ್ಳಲಾಗಿತ್ತು..

ಇದನ್ನ ನಿರೀಕ್ಷಿಸದ ಸುಮಾ ಆಶ್ಚರ್ಯಚಕಿತರಾದರು. ನಂತರ, 'ರಾಜಾ (ರಾಜೀವ್ ಕಣಕಾಲ) ಇವನು ನನ್ನ ಅಣ್ಣ.. ರಾಖಿ ಹಬ್ಬ ಬರುತ್ತಿದೆ..' ಅಂತ ತಮ್ಮ ಗಂಡನಿಗೆ ಹೇಳುವ ಮೂಲಕ ಪ್ರಸಂಗವನ್ನ ಕೂಲಾಗಿ ತೆಗೆದುಕೊಂಡರು. ಇದರಿಂದ ಪ್ರೇಕ್ಷಕರು ನಗೆಗಡಲಿನಲ್ಲಿ ತೇಲಿದರು. ಸದ್ಯ ಇದಕ್ಕೆ ಸಂಬಂಧಿಸಿದ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.