ಗೋಮಾತೆ - ನಾಗರಾಜನ ಆಟಕ್ಕೆ ಮನಸೋತ ನೆಟ್ಟಿಗರು, ವಿಡಿಯೋ ವೈರಲ್‌

Snake Cow Video Viral: ಗೋಮಾತೆಯನ್ನು ಹಿಂದೂ ಧರ್ಮದಲ್ಲಿ ದೇವರ ಸಮಾನವಾಗಿ ಪೂಜಿಸುವುದು ವಾಡಿಕೆ. ಹಸುವನ್ನು ಕಾಮಧೇನು ಎಂದು ಕರೆಯುತ್ತಾರೆ. ಮುಕ್ಕೋಟಿ ದೇವರು ಹಸುವಿನ ಮೈಯಲ್ಲಿ ವಾಸಿಸುತ್ತಾರೆ ಎಂಬುದು ನಂಬಿಕೆ. ಅದರಲ್ಲೂ ಆಕಳಿನ ಬಾಲದ ಬಳಿ ಸಾಕ್ಷಾತ್‌ ಲಕ್ಷ್ಮಿ ದೇವಿ ನೆಲೆಸಿದ್ದಾಳೆ ಎಂಬುದು ನಂಬಿಕೆಯಾಗಿದೆ. ಇಂತಹ ಗೋಮಾತೆಯ ಎದುರು ವಿಷಸರ್ಪ ಕೂಡ ತಲೆ ಬಾಗುತ್ತದೆ ಎಂಬುದಕ್ಕೆ ಈ ವೈರಲ್‌ ವಿಡಿಯೋ ಸಾಕ್ಷಿಯಾಗಿದೆ. 

ಸಾಮಾಜಿಕ ಮಾಧ್ಯಮಗಳಲ್ಲಿ ಅನೇಕ ವಿಡಿಯೋಗಳು ವೈರಲ್ ಆಗುತ್ತವೆ. ಇದರಲ್ಲಿ ಕೆಲವು ಜನರ ಮನಗೆಲ್ಲುತ್ತವೆ. ಇದೀಗ ಅಂಥದ್ದೇ ಒಂದು ವಿಡಿಯೋ ಎಲ್ಲರ ಚಿತ್ತ ಸೆಳೆದಿದೆ. ಕಾಮಧೇನು ಮತ್ತು ನಾಗರಾಜನ ಸ್ನೇಹಕ್ಕೆ ನೆಟ್ಟಿಗರು ಮನಸೋತಿದ್ದಾರೆ. ಆಕಳು ಮತ್ತು ನಾಗರ ಹಾವಿನ ಈ ಸ್ನೇಹ ಹೃದಯಸ್ಪರ್ಶಿಯಾಗಿದೆ. ಈ ವಿಡಿಯೋ ಎಲ್ಲೆಡೆ ಸಿಕ್ಕಾಪಟ್ಟೆ ವೈರಲ್‌ ಆಗುತ್ತಿದೆ. 

ಇದನ್ನೂ ಓದಿ: 300 ಕೆಜಿ ಹಸುವನ್ನು ನುಂಗಿದ ದೈತ್ಯ ಹೆಬ್ಬಾವು.. ದಂಗಾಗಿ ನೋಡುತ್ತ ನಿಂತ ಜನರು

ಬಯಲು ಪ್ರದೇಶದಲ್ಲಿ ಹಸು ನಿಂತಿದೆ. ಅದರೆದುರು ನಾಗರ ಹಾವು ಹೆಡೆ ಎತ್ತಿ ನಿಂತಿದೆ. ಆಕಳನ್ನು ನೋಡಿ ಏನೂ ಮಾಡದೇ ಹೆಡೆಯನ್ನು ಅತ್ತಿಂದಿತ್ತ ಅಲ್ಲಾಡಿಸುತ್ತದೆ. ಹೀಗೆ ಹಸು ಕೂಡ ನಾಗರಾಜನನ್ನು ನೋಡಿ ಅದರ ಬಳಿ ಹೋಗುತ್ತದೆ. ಆಕಳು ನಾಗರಾಜನ ಹೆಡೆಯನ್ನು ನೆಕ್ಕುತ್ತದೆ. ಈ ವಿಡಿಯೋ ಎಲ್ಲೆಡೆ ವೈರಲ್‌ ಆಗುತ್ತಿದೆ.