ಅಬ್ಬಬ್ಬಾ... ಇದೇನಿದು ಪ್ರಕೃತಿ ವಿಸ್ಮಯ! ರಾತ್ರಿಯಲ್ಲಿ ವಜ್ರದಂತೆ ಫಳಫಳ ಹೊಳೆಯುತ್ತಿದೆ ಈ ಸಮುದ್ರದ ನೀರು... ಈ ಅದ್ಭುತ ದೃಶ್ಯವನ್ನೊಮ್ಮೆ ನೀವೂ ಕಣ್ತುಂಬಿಕೊಳ್ಳಿ

Chennai beach viral video: ಸಾಮಾಜಿಕ ಮಾಧ್ಯಮದಲ್ಲಿ ವಿಡಿಯೋವೊಂದು ವೈರಲ್ ಆಗುತ್ತಿದ್ದು, ಇದರಲ್ಲಿ ಅದ್ಭುತ ಮತ್ತು ವಿಶಿಷ್ಟ ದೃಶ್ಯವನ್ನು ಕಾಣಬಹುದು. ಈ ವೀಡಿಯೋ ನೋಡಿದ ನಂತರ ಇದು ನಿಜವೋ ಸುಳ್ಳೋ ಎಂದು ನಿಮ್ಮ ಕಣ್ಣುಗಳಿಂದ ನಂಬಲು ಕೂಡ ಸಾಧ್ಯವಾಗುವುದಿಲ್ಲ. ಹೀಗಿದ್ದಾಗ ಈ ವಿಡಿಯೋದ ಬಗ್ಗೆ ಏನು? ಇದರಲ್ಲಿ ಕಾಣಿಸುತ್ತಿರುವ ದೃಶ್ಯದ ವಿಶೇಷತೆ ಏನು ಎಂದು ನೋಡೋಣ.

ಇದನ್ನೂ ಓದಿ: ಧನತ್ರಯೋದಶಿಯಂದು ವಾಹನ ಖರೀದಿಸುತ್ತೀರಾ?; ಶುಭ ಮುಹೂರ್ತ ತಿಳಿಯಿರಿ, 13 ಪಟ್ಟು ಲಾಭ ಸಿಗುತ್ತೆ!

ಇತ್ತೀಚೆಗೆ ಚೆನ್ನೈ ಕಡಲತೀರದಲ್ಲಿ ಅದ್ಭುತ ಮತ್ತು ಅಪರೂಪದ ದೃಶ್ಯ ಕಂಡುಬಂದಿದೆ. ರಾತ್ರಿಯಲ್ಲಿ, ಸಮುದ್ರದ ಅಲೆಗಳು ನೀಲಿ ಬೆಳಕಿನಿಂದ ಹೊಳೆಯುತ್ತವೆ, ಈ ವಿದ್ಯಮಾನವನ್ನು ಬಯೋಲುಮಿನೆಸೆನ್ಸ್ ಎಂದು ಕರೆಯಲಾಗುತ್ತದೆ. ಈ ದೃಶ್ಯ ಎಷ್ಟು ಸೊಗಸಾಗಿದೆ ಎಂದರೆ ನೋಡಿದವರ ಮನ ಸೆಳೆಯದೆ ಇರದು.

ಬಯೋಲ್ಯುಮಿನೆಸೆನ್ಸ್ ಒಂದು ನೈಸರ್ಗಿಕ ವಿದ್ಯಮಾನ. ಇದರಲ್ಲಿ ಫೈಟೊಪ್ಲಾಂಕ್ಟನ್‌ನಂತಹ ಸಾಗರ ಜೀವಿಗಳು ರಾಸಾಯನಿಕ ಕ್ರಿಯೆಗಳ ಮೂಲಕ ಬೆಳಕನ್ನು ಉತ್ಪಾದಿಸುತ್ತವೆ. ಈ ಸೂಕ್ಷ್ಮಾಣುಜೀವಿಗಳು ಹೆಚ್ಚಿನ ಸಂಖ್ಯೆಯಲ್ಲಿ ಒಟ್ಟುಗೂಡಿದಾಗ, ಅವು ನೀಲಿ ಬೆಳಕಿನಿಂದ ಸಮುದ್ರದ ಅಲೆಗಳನ್ನು ತುಂಬುತ್ತವೆ. ರಾತ್ರಿಯ ಕತ್ತಲೆಯಲ್ಲಿ ಈ ದೃಶ್ಯವು ಇನ್ನಷ್ಟು ಬೆರಗುಗೊಳಿಸುವ ಮತ್ತು ಆಕರ್ಷಕವಾಗಿ ಕಾಣುತ್ತದೆ. ಚೆನ್ನೈನ ನೀಲಂಕಾರೈ, ಇಂಜಂಬಕ್ಕಂ, ವಿಲ್ಲುಪುರಂ ಮತ್ತು ಮರಕ್ಕನಂ ಬೀಚ್‌ಗಳಲ್ಲಿ ಈ ಅದ್ಭುತ ದೃಶ್ಯ ಕಂಡುಬಂದಿದೆ.

ಈ ವೀಡಿಯೊ ಸಾಮಾಜಿಕ ಮಾಧ್ಯಮದಲ್ಲಿ ಬಹಳ ವೈರಲ್ ಆಗುತ್ತಿದೆ. ಇನ್ನು ಈ ವೀಡಿಯೊವನ್ನು @draramadoss ಹೆಸರಿನ ಖಾತೆಯಿಂದ X ನಲ್ಲಿ ಹಂಚಿಕೊಳ್ಳಲಾಗಿದೆ.