ಹುಲಿ ಉಗುರಿಗೆ ಸಿಕ್ಕಷ್ಟು ಪ್ರಾಶಸ್ತ್ಯ ಗೋ ಮಾತೆಗೆ ಏಕಿಲ್ಲ..! ಮುನ್ನೆಲೆಗೆ ಬಂತು ಹೊಸ ವಿಚಾರ

Tiger claw pendent case : ಹುಲಿ ಉಗುರಿನ ವಿಚಾರ ರಾಜ್ಯದಲ್ಲಿ ತಾರಕಕ್ಕೇರುತ್ತಿದೆ. ಬಿಗ್‌ ಬಾಸ್‌ ಸ್ಪರ್ಧಿ ವರ್ತೂರು ಸಂತೋಷ್‌ ಬಂಧನದಿಂದ ಪ್ರಾರಂಭವಾದ ಪ್ರಕರಣ ಇದೀಗ ಸ್ಯಾಂಡಲ್‌ವುಡ್‌ ದಿಗ್ಗಜ ನಟರಿಗೆ ಸಂಕಷ್ಟ ತಂದಿದೆ. ಇದರ ಬೆನ್ನಲ್ಲೆ ಸೋಷಿಯಲ್‌ ಮೀಡಿಯಾದಲ್ಲಿ ಹೊಸ ಚರ್ಚೆಯೊಂದು ಮುನ್ನೆಲೆಗೆ ಬಂದಿದೆ. 

ಹೌದು.. ಸೋಷಿಯಲ್‌ ಮೀಡಿಯಾದಲ್ಲಿ ಯಾವಾಗಲೂ ಒಂದಲ್ಲ ಒಂದು ವಿಚಾರದ ಕುರಿತು ನೆಟ್ಟಿಜನ್ಸ್‌ ಚರ್ಚೆ ಮಾಡುತ್ತಲೇ ಇರುತ್ತಾರೆ. ಇತ್ತೀಚಿಗೆ ಬಿಗ್‌ ಬಾಸ್‌ ಸ್ಪರ್ಧಿ ವರ್ತೂರು ಸಂತೋಷ್‌ ಹುಲಿ ಉಗುರಿನ ಪೆಂಡೆಂಟ್‌ ಧರಿಸಿದ ಹಿನ್ನೆಲೆ ಅವರ ಬಂಧನವಾಗಿತ್ತು. ಈ ಕುರಿತು ನೆಟ್ಟಿಗರು ಚರ್ಚೆ ಶುರು ಮಾಡಿ ಶೋಧ ನಡೆಸಿ ಕೆಲವು ನಟರು ಹುಲಿ ಉಗುರಿನ ಪೆಂಡೆಂಟ್‌ ಧರಿಸಿದ್ದ ಫೋಟೋ ಶೇರ್‌ ಮಾಡಿದ್ದರು.

ಇದನ್ನೂ ಓದಿ:ನಟ ದರ್ಶನ್ ಮನೆಯಲ್ಲಿ 8 ಹುಲಿ ಉಗುರಿನ ಪೆಂಡೆಂಟ್ ಪತ್ತೆ..! ಅಸಲಿ ಅಥವಾ ನಕಲಿ..?

ಅಲ್ಲದೆ, ಒಬ್ಬ ಕಾಮನ್‌ಮ್ಯಾನ್‌ ಬಂಧಿಸಿದಂತೆ ಹುಲಿ ಉಗುರನ್ನು ಹೊಂದಿರುವ ನಟರ ಮೇಲೂ ಕಠಿಣ ಕ್ರಮಕೈಗೊಳ್ಳಿ ಅಂತ ಆಕ್ರೋಶ ಹೊರ ಹಾಕಿದ್ದಾರೆ. ಕಾನೂನುಗಳು ಬರೀ ಸಾಮಾನ್ಯ ಜನರಿಗಷ್ಟೇ ಅಂತ ಅಸಾಮಾಧಾನ ಹೊರ ಹಾಕಿದ್ದರು. ಇನ್ನು ತಾವು ಧರಿಸಿದ್ದು ನಿಜವಾದ ಹುಲಿ ಉರುಗು ಎಂದು ಹೇಳಿದ್ದ ನಟ ಜಗ್ಗೇಶ್‌ ಅವರನ್ನು ಬಂಧಿಸುವಂತೆ ನೆಟ್ಟಿಗರು ಒತ್ತಾಯಿಸಿದ್ದರು.

ಇದೀಗ ಇದೇಲ್ಲದರ ನಡುವೆ ಹೊಸ ವಿಚಾರವೊಂದು ಮುನ್ನೆಲೆಗೆ ಬಂದಿದೆ. ಹುಲಿ ಉಗುರಿನ ವಿಚಾರ ಇಷ್ಟೊಂದು ಸದ್ದು ಮಾಡುತ್ತಿದೆ. ಆದ್ರೆ ಗೋ ಮಾತೆ ವಿಚಾರಕ್ಕೆ ಬಂದಾಗ ಇಂತಹ ರೂಲ್ಸ್‌ ಏಕೆ ಇಲ್ಲ. ಸತತವಾಗಿ ಗೋವಿನ ಹತ್ಯೆ ನಡೆಯುತ್ತಲೇ ಇದೆ ಆದ್ರೆ, ವನ್ಯಜೀವಿ ಸಂರಕ್ಷಣಾ ಕಾಯ್ದೆ ಅಡಿಯಲ್ಲಿ ಇದನ್ನೂ ತಡೆಯುತ್ತಿಲ್ಲ ಅಂತ ಅಸಾಮಾಧಾನ ವ್ಯಕ್ತಪಡಿಸಿದ್ದಾರೆ.

ಇದನ್ನೂ ಓದಿ:ʼಲಿಯೋʼ ಚಿತ್ರದಲ್ಲಿ ನಟಿಸಿದ ಈ ಪುಟ್ಟಿ ಹುಡುಗಿ ಯಾರ್‌ ಗೊತ್ತಾ? 'ಇವಳು' ನಟನ ಮಗಳು..!

ಈ ಕುರಿತು ಟ್ರೋಲ್‌ಗಳು ಸಹ ನಡೆಯುತ್ತಿವೆ. ಹಲವಾರು ಪತ್ರಿಕೆಗಳಲ್ಲಿ ವ್ಯಂಗ್ಯ ಚಿತ್ರಗಳೂ ಸಹ ಮೂಡಿಬಂದಿವೆ. ವ್ಯಾಘ್ರನ ಉರುರಿಗೆ ಇಷ್ಟು ಮಹತ್ವ ಇರುವಾಗ, ಹಾಲನ್ನ ನೀಡಿ ತಾಯಿಯಂತೆ ರಕ್ಷಿಸುವ ಗೋವುಗಳ ವಧೆಯಾಗುತ್ತಿದ್ದರೂ ಇಂತಹ ಕಾನೂನು ಅವುಗಳಿಗೆ ಏಕೆ ಅನ್ವಯಿಸುವುದಿಲ್ಲ ಎಂದು ಬೇಸರ ವ್ಯಕ್ತಪಡಿಸಿದ್ದಾರೆ.